ស្ទឹងត្រែង៖ ឃ្លិបវីដេអូ មួយដែលបង្ហោះក្នុងហ្វេសប៊ុកមួយដែល មានឈ្មោះថា Dara Khan បង្ហាញអំពីជនបរទេស ២នាក់ បានដើរ ឆ្លងព្រំដែនក្នុងខេត្តស្ទឹងត្រែង ឆ្ពោះទៅកាន់ ប្រទេសឡាវត្រូវបានមន្ត្រីនគរបាលព្រុំដែនទារលុយខុសច្បាប់តាមរបៀបពុករលួយ។
ហ្វេសប៊ុកខាងលើក៏បាន បញ្ជាក់ថាហេតុការណ៍នេះកើតឡើងនៅថ្ងៃទី២៨ ខែកញ្ញា ឆ្នាំ២០១៨។ ហើយក៏បានសរសេរបញ្ជាក់ ថា “ប៉ូលិសព្រំដែនអន្តរជាតិ ស្ទឹងត្រែង ទារលុយពីភ្ញៀវទេសចរណ៏បរទេស ដែលឆ្លងដែនចេញពីកម្ពុជាទៅ ប្រទេសឡាវ ក្នុងម្នាក់ពី ២ ទៅ ៥ដុល្លា ទោះបីជាគ្មានច្បាប់ត្រូវបង់ថ្លៃបោះត្រា “ចេញ” ក៏ដោយ។
មន្ត្រីនគរបាលច្រកទ្វារ បានទារលុយ ៥ដុល្លា ពី ជនជាតិបរទេស ដែលបានលួចថតវីដេអូកាមេរ៉ា ។ព្រោះគាត់បានតវ៉ាថា មានវីសារចូល ប្រទេសឡាវ ហើយ ហេតុអីត្រូវបង់លុយទៀត។
ប៉ូលិសម្នាក់ទៀត ពាក់សក្កិ៣ឈរនៅក្បែរនោះ បានស្រែកគំហកទៅភ្លាមថា “បើមិនបង់លុយទេ នៅចាំ(មិនបោះត្រាអោយ)”។
ជនបរទេស ក៏សួរទៀតថា លោក ទារលុយពីមិត្តខ្ញុំតែ២ដុល្លាទេ ហេតុអីក៏ទារពីខ្ញុំ ៥ ដុល្លា?ប៉ូលិសក៏រុញ ប៉ាស្ព័ត របស់គាត់ទៅគៀន។
ដោយខ្លាចប៉ូលិសខ្មែរដឹងថា គាត់លួចថតវីដេអូ គាត់ក៏ព្រមអោយប៉ូលិស ៤ ដុល្លា។
អ្វីដែលគួរអោយហួសចិត្តនោះគឺ ប៉ូលិសដដែល បានទារលុយពីមិត្តរបស់អ្នកថតកាមេរ៉ាតែ ២ដុល្លាទេ គាត់មិនមានលុយរាយ ក៏ ហុចក្រដាស់៥ដុល្លាអោយទៅប៉ូលិស តែប៉ូលិស នោះ មិនអាប់លុយអោយវិញទេ គឺស៊ីដាច់៥ដុល្លាតែម្តង។
ក្រោយពីឆ្លងដែនផុត ជនបរទេស ក៏បាននិយាយថា”មិនអីទេ យកបីបួនដុល្លាពីខ្ញុំ តែអ្នកអែងនឹងឃើញអំពើពុករលូយរបស់អ្នកអែង នៅពេលខាងមុខនេះ។ពិភពលោកនឹងបានដឹងលឺអំពីអំពើពុករលួយ នៅកម្ពុជា ក្នុងឆ្នាំ២០១៨នេះ”៕