(ខេត្តក្រចេះ) ៖ នៅរសៀលថ្ងៃទី១៥ខែតុលាឆ្នាំ២០១៨នេះកម្លាំងនគរបាលការិយាល័យប្រឆាំងការជួញដូរមនុស្សនិងការពារអនីតិជននៃស្នងការដ្ឋាននគរបាលខេត្តបញ្ជូនឪពុកចុងល្មោភកាមម្នាក់ទៅកាន់សាលាដំបូងខេត្តពីបទរំលោភសេពសន្ថវៈលើកូនដើមមានអាយុ១២ឆ្នាំ។ហេតុការណ៍នេះបានឃាត់ខ្លួនជនសង្ស័យនៅក្នុងភូមិស្រែស្បូវឃុំក្បាលដំរីស្រុកសំបូរខេត្តក្រចេះកាលពីថ្ងៃទី១៤ខែតុលាឆ្នាំ២០១៨នេះ។
លោក នួន សារិន អធិការរងទទួលផែនព្រហ្មទណ្ឌស្រុកសំបូរបានឲ្យដឹងថាក្មេងស្រីរងគ្រោះមានឈ្មោះ អាន តី ភេទស្រី អាយុ១២ឆ្នាំសព្វថ្ងៃស្នាក់នៅជាមួយម្តាយមានបងប្អូនបង្កើត២នាក់នាងជាកូនស្រីបងហើយឪពុកម្ដាយនាងបានលែងលះគ្នាជាច្រើនឆ្នាំហើយឯសព្វថ្ងៃស្ត្រីជាម្តាយបានយកជនសង្ស័យធ្វើជាប្តីបានកូនប្រុសមួយនាក់ ។
ចំណែកជនសង្ស័យឈ្មោះ ហុក ណារ៉េត(ហៅតឿ)ភេទប្រុស អាយុ៣៣ឆ្នាំ។ អ្នកទាំងពីររស់នៅភូមិឃុំកើតហេតុខាងលើជាមួយគ្នា។ លោកបានបន្តថាកម្លាំងជំនាញរបស់លោកបានឃាត់ខ្លួនជនសង្ស័យមកកាន់អធិការដ្ឋាននគរបាលស្រុកសំបូរទៅតាមពាក្យបណ្ដឹងស្ត្រីជាម្តាយជនរងគ្រោះ។
សូមបញ្ជាក់ តាមចម្លើយជនរងគ្រោះ ឆ្លើយថា ជនសង្ស័យបានចាប់រំលោភលើខ្លួនចំនួន 6ដងហើយ ត្រូវបានគម្រាមសម្លាប់បានជាមិនហ៊ាននិយាយ។
ជនរងគ្រោះបានបន្តទៀតថា ឪពុកចុងរបស់នាងបានចាប់រំលោភនាងលើកចុងក្រោយនៅនឹងលើផ្ទះរហូតបានសម្រេចម្តងទៀតខណៈពេលដែលម្តាយនាងខ្ញុំទៅស៊ីឈ្នួលជ្រូតស្រូវឲអ្នជិតខាងនៅខាងក្រោយភូមិ។
មន្ត្រីការិយាល័យប្រឆាំងជួញដូរមនុស្សនឹងការពារអនីតិនៃស្នងការដ្ឋាននគរបាលខេត្តបានប្រាប់តាមទូរស័ព្ទកាលពីព្រឹកថ្ងៃទី១៥ខែតុលាឆ្នាំ២០១៨នេះថាក្រោយពីបានសួរនាំជនសង្ស័យខាងលើក៏បានសារភាពថាខ្លួនពិតជាបានរំលោភលើជនរងគ្រោះពិតប្រាកដមែន។
មន្ត្រីរូបដដែលនោះពបន្តទៀតថាបច្ចុប្បន្ននេះកម្លាំងនគរបាលជំនាញកំពុងកសាងសំណុំរឿងបញ្ជូនទៅកាន់តុលាការនៅរសៀលថ្ងៃទី១៥ខែតុលាឆ្នាំ២០១៨នេះដើម្បីវិធានការតាមនីតិវិធីច្បាប់៕
