ភ្នំពេញ ៖ នាឱកាសពិធីបុណ្យភ្ជុំបិណ្ឌ កាន់តែខិតជិតចូលមកដល់ទណ្ឌឹតចំនួន ៣១៩នាក់ក្នុងនោះស្រី មានចំនួន ១៣៣នាក់ នឹងត្រូវបានស្នើសុំលើកលែង និងបន្ធូរបន្ថយទោស។នេះបើតាមអ្នកនាំពាក្យក្រសួងយុត្តិធម៌ លោក ជិន ម៉ាលីន ។
ក្នុងជំនួបសំណេះសំណាល ជាមួយប្រជាពលរដ្ឋខ្មែរនៅអាមេរិក កាលពីថ្ងៃ៣០កញ្ញា សម្ដេចតេជោ ហ៊ុន សែន នាយករដ្ឋមន្ដ្រីកម្ពុជា មានប្រសាសន៍ថាឲ្យដឹងថា នៅឆ្នាំ២០១៨ សម្ដេចនឹងស្នើសុំ ព្រះមហាក្សត្រ ដើម្បីឲ្យព្រះអង្គព្រះរាជទាន លើកលែងទោស និងបន្ធូរបន្ថយ ជាទ្រង់ទ្រាយធំបន្ថែម លើកម្មវិធីលើកលែងទោសប្រចាំឆ្នាំ ដូចជា បុណ្យភ្ជុំបិណ្ឌ បុណ្យឯករាជ្យជាតិ និងការប្រារព្ធខួប២០ឆ្នាំនៃការបញ្ចប់សង្គ្រាមស៊ីវិលនៅកម្ពុជា។
បើតាមលោកចិនម៉ាលីនទណ្ឌឹត ឈ្មោះ សេង ចិន្តា ភរិយារបស់លោកឧកញ៉ាខូវ ជីលី ដែលជាសត្រូវស្លាប់រស់ជាមួយប្តីប្រពន្ធលោកស៊ុនចាន់ថុលរដ្ឋមន្ត្រីក្រសួងសាធារណៈគារនិងដឹកជញ្ជូនមិនមានឈ្មោះនោះទេ។
សូមបញ្ជាក់ថា កាលឆ្នាំ២០១៧ ព្រះមហាក្សត្រ បានបន្ធូរបន្ថយ និងលើកលែងទោស ដល់ទណ្ឌិតសរុបចំនួន ១៥៧នាក់ ក្នុងនោះ ស្រី២០នាក់ , ក្នុងពិធីបុណ្យចូលឆ្នាំប្រពៃណីខ្មែរ ចំនួន៧២នាក់ , ពិធីបុណ្យពិសាខបូជាចំនួន៣៥នាក់ និងពិធីបុណ្យអុំទូកបណ្ដែតប្រទីប សំពះព្រះខែ និងអកអំបុក៥០នាក់។
ចំពោះអ្នកជាប់ឃុំ ក្នុងពន្ធនាគារ នៅកម្ពុជាឆ្នាំ២០១៧ មានចំនួន ២៨,៤១៤នាក់ ក្នុងនោះ មានស្រី្ត ២,៤៤៣នាក់ ។ អាឡូវអ្នកទោសមិនមានការថយចុំនោះទេ៕