បន្ទាយមានជ័យ ៖ មួយរយៈនេះ មានកាសែត វេបសាយ និងទូរទស្សន៍ ក្នុងស្រុកជាច្រើនអង្គភាព បានចុះផ្សាយជាបន្តបន្ទាប់ ជុំវិញរឿងពុករលួយរបស់ខ្លួន លោក សាន វិជ្ជាសារ៉ាវុធ ប្រធានសាខាកាំកុងត្រូល ខេត្តបន្ទាយមានជ័យ ។
រឿងអាស្រូវទាំងនោះត្រូវបានគេរាយការណ៍ថា លោក សាន វិជ្ជាសារ៉ាវុធ ប្រធានសាខាកាំកុងត្រូល ខេត្តបន្ទាយមានជ័យ កន្លងមកដឹកនាំបែបបក្ខពួកនិយម គៀបសង្កត់មន្ត្រីក្រោមឱវាទ បណ្តេញមន្ត្រីមានក្របខណ្ឌ មិនឲ្យទៅធ្វើការពិនិត្យរទេះ ពិនិត្យឡានតាមផ្លូវ រួចទៅជួលជនស៊ីវិលដែល ជាសាច់ញាតិខ្លួន ២នាក់ឲ្យមកធ្វើការជំនួស។ ឃុបឃិតជាមួយឈ្មួញធំៗ នាំចូលទំនិញគ្រប់ប្រភេទ ដូចជាគ្រឿងទេស ត្រី សាច់ មាន់ ទា ជ្រូក គោ និងប្រហិតគ្រប់ប្រភេទ ចូលពីថៃតាមច្រកប៉ោយប៉ែត និងច្រករបៀង គ្មានការត្រួតពិនិត្យត្រឹមត្រូវឡើយ គឺឲ្យឈ្មួញបង់លុយប្រចាំខែ បង់ក្បាលឡាន និងក្បាលរទេះជាការស្រេច។
ករណីយ៍នាំគ្រឿងក្នុងសត្វគ្មានគុណភាពធ្លាប់ត្រូវបានសមត្តកិច្ចនគរបាលប្រឆាំងបទល្មើសសេដ្ឋកិច្ចបានចាប់បង្ក្រាបបានជាបនន្តបន្ទាប់ហើយដែរជាភស្តុតាង។
កាលពីព្រឹកថ្ងៃទី២៧ ខែកញ្ញា ឆ្នាំ២០១៨កន្លងទៅនេះ គេបានដឹងថា៖លោក ម៉ក់ ពេជរឹទ្ធ អគ្គនាយកនៃអគ្គនាយកដ្ឋានកាំកុងត្រូល បានអញ្ជើញមកក្រុងប៉ោយប៉ែត ខេត្តបន្ទាយមានជ័យពិនិត្យសភាពការណ៍និងបានប្រើសម្តីធ្ងន់ៗព្រមានលោក សាន វិជ្ជាសារ៉ាវុធ ។ មកដល់ថ្ងៃនេះគឹគម្រប់៧ថ្ងៃ នៃការព្រមាន ដកដំណែង សាន វិជ្ជាសារ៉ាវុធ ប្រធានសាខា កាំកុងត្រូលខេត្តបន្ទាយមានជ័យ ។ចាំមើលថា តើលោក ម៉ក់ ពេជ្ជរឹទ្ធ ហ៊ានដកតំណែងលោក សាន វិជ្ជាសារ៉ាវុធ ដូចជាការអះអាងកន្លង ទៅដែរឬយ៉ាងណា?
គួរបញ្ជាក់ថាកន្លងទៅ លោក សាន វិជ្ជាសារ៉ាវុធ ប្រធានសាខាកាំកុងត្រូល ខេត្តបន្ទាយមានជ័យ តែងតែមានអំនួត អួតអាងតាំងខ្លួន ដូចមហាទេពស្មើមេឃ គ្មាននរណាចេះដល់ខ្លួនទេ យកឈ្មោះអ្នកធំនេះ អ្នកធំនោះមក ប្រើ់ប្រាស់គៀបសង្កត់មន្ត្រីក្រោមឱវាទ តាំងខ្លួនជាទីប្រឹក្សាផ្ទាល់របស់លោកឧបនាយករដ្ឋមន្ត្រី យឹម ឆៃលី មានឋាន:ស្មើអគ្គនាយក ។ ហើយការឃុបឃិត ជាមួយឈ្មួញរកស៊ីខុសច្បាប់ ដាក់ខែ រាប់ក្បាលឡានដឹកទំនិញ១គ្រឿង១០០បាត ១ថ្ងៃមានឡានប្រពី៣០០ទៅ៥០០ឡាន ចឹងមានន័យថា គ្រាន់តែ១ថ្ងៃលោកប្រធានសាខាកាំកុងត្រូលរូបនេះអាចរកចំណូលក្រោមតុពីឈ្មួញបានរាប់ម៉ឺនបាត។ចំណូលទាំងនោះ សាន វិជ្ជាសារ៉ាវុធ អះអាងចំពោះមុខកូនចៅថា មួយចំនួនគឺ ទុកដោះស្រាយអង្គភាព?។តើរឿងចឹងលោក ម៉ក់ ពេជ្ជរឹទ្ធដឹងអត់?។
ដោយមិនអាចទាក់ទងបានសង្ឃឹមថាលោក សាន វិជ្ជាសារ៉ាវុធ នឹងពន្យល់ពីលទ្ធផលកែសម្រួលការងារបនន្ទាប់ពីមានការណែនាំពីលោក ម៉ក់ ពេជ្ជរឹទ្ធ ៕