រាជធានីភ្នំពេញ ៖ នៅរសៀលថ្ងៃទី១៣ កក្កដា នេះលោកសងលាងចៅក្រមស៊ើមសួរបានសម្រេចជនជាប់ចោទ ឈ្មោះ ជួប សម្លាប់ឬ(អឿត អាង) អាយុ៣៨ឆ្នាំ ពីបទ «ឃាតកម្មគិតទុកជាមុន» និងបទកាន់កាប់ឬដឹកជញ្ជូនអាវុធគ្មានការអនុញ្ញតតាមមាត្រា២០០និង មាត្រា៤៩០នៃ
ក្រមព្រហ្មទណ្ឌ និងបន្តបញ្ជូនទៅកាន់ចៅក្រមស៊ើបសួរដែលនៅនៅ រក្សាបទចោទនិងបញ្ជូនជនជាប់ចោទទៅឃុំនៅគុកព្រៃស ។ ជនជាប់ចោទជាឃាតកររូបនេះ ត្រូវបានដឹកតាមរថយន្តប៉ូលិសមួយគ្រឿង ក្រោមកិច្ចការពារដ៏តឹងរឹងបំផុត ។យោងតាមបទចោទខាងលើជនជាបចោទអាចជាប់គុកមួយជីវិតតែមិនដឹងថាតើសម ត្តកិច្ចអាចរកឃើញអ្នកពាក់ពន្ធ័នៅពីក្រោយដែរឬអត់នោះទេ?។
លោក លី សុផាន់ណា អ្នកនាំពាក្យតុលាការ និងជាព្រះរាជអាជ្ញារង បានប្រាប់អ្នកកាសែតថាយោងតាមការសាកសួរពេញមួយថ្ងៃតាមចម្លើយ និងឯកសារមានប្រយោជន៍ជាច្រើននិងតម្រុយជាច្រើនសម្រាប់ស៊ើបអង្កេត ទៅនឹងការចោទប្រកាន់នៅក្នុងសំណុំរឿងនេះ គឺយើងកំពុងពិនិត្យមើលលើឯកសារចម្លើយ និងឯកសារនានា និងភស្តុតាងផ្សេងៗក្នុងសំណុំរឿងនេះដែលឈានទៅដល់ការសម្រេច ចោទប្រកាន់នៅថ្ងៃនេះ ។ជនជាប់ចោទនៅតែអះអាងថាគេឈ្មោះជួបសម្លាបដដែល។
សូមបញ្ជាក់ថា ជនសង្ស័យត្រូវបាននគរបាលស្នងការដ្ឋានរាជធានីភ្នំពេញ បានបញ្ជូនមកសាលាដំបូងរាជធានីភ្នំពេញ តាំងពីរសៀលថ្ងៃទី១១ កក្កដា បន្ទាប់ពីចាប់ខ្លួនបាននៅជិតវវត្តស្វាយពពែនិងស្ថានទូតរុស្ស៊ី កាលពីព្រឹកថ្ងៃទី១០ កក្កដា ក្រោយពីរត់គេចពីកន្លែងបាញ់សម្លាប់លោកកែមឡីនៅស្តាម៉ាតការ៉ាស សាំងកាលតិចស្តុបបូកគោរួច។
គួរបញ្ជាក់ថា តាមសមត្ថកិច្ចនិយាយថា នៅដំណាក់កាលប៉ូលិសស៊ើបសួជនសង្ស័យបានសារភាពថា ខ្លួនជាខ្មាន់កាំភ្លើងបាញ់សម្លាប់លោកបណ្ឌិត កែម ឡី អ្នកវិភាគការអភិវឌ្ឍន៍សង្គម និងជាអ្នកវិភាគនយោបាយ តែការបាញ់សម្លាប់យ៉ាងព្រៃផ្សៃនេះ ដោយមូលហេតុអ្វី និងមានអ្នកពាក់ព័ន្ធបែបណានោះ មិនទាន់ត្រូវបានសមត្ថកិច្ច និងតុលាការប្រកាសឱ្យដឹងនោះទេ ហើយរឿងរ៉ាវនេះកំពុងត្រូវបានមជ្ឈដ្ឋានជាតិ និងអន្តរជាតិតាមដាននៅឡើយ ថាតើវាំងននខ្មៅងងឹតបើកនៅពេលណា ខាងណាចំណេញខាងណាខាត នឹងដឹងនៅពេលក្រោយទៀត ។
ព្រោះជនជាប់ចោទដែលអះអាងថាលោកកែមឡីជំពាក់លុយ៣០០០ដុល្លារអាមេរិកទើបខឹងបាញ់សម្លាប់នោះមានលុយទៅទៅទិញអាវុធខ្លី ដែលមានតម្លៃដលទៅ៤០០០ដុល្លារអាមេរិកឯណោះ ។ ចឹងបើគ្មានអ្នកជួយពីក្រោយ មិនអាចធ្វើបានឡើយ ។
សូមជម្រាបដែរថា៖ ស្ត្រីជាប្រពន្ធជនដៃដល់ដែលរស់នៅភូមិនគរភាស ស្រុកអង្គរជុំ ខេត្តសៀមរាប ខេត្តសៀមរាប ត្រូវបានសមត្ថកិច្ចមកពីក្រសួងមហាផ្ទៃ និងសមត្ថកិច្ចនគរបាលប៉ុស្តិ នគរភាស ហៅមកសាកសួរកាលពីវេលាម៉ោងជិត៣រសៀលថ្ងៃទី១២ ខែកក្កដា ឆ្នាំ២០១៦ ស្ថិតនៅចំណុចភូមិនគរភាស២ ឃុំនគរភាស ស្រុកអង្គរជុំ ខេត្តសៀមរាបផងដែរ។
ស្ត្រីជាប្រពន្ធឃាតក ដៃឆៅបានឲ្យដឹងថា៖ សមត្ថកិច្ច គាត់បានសួរនាងខ្ញុំថា យកគ្នាបានប៉ុន្មានខែហើយ ហើយប្តីនាងខ្ញុំពីមុនគាត់ធ្វើអ្វីដែរ ?នាងខ្ញុំបានឆ្លើយប្រាប់សមត្ថកិច្ចថា មុនយកនាងខ្ញុំ ឪពុកម្តាយក្មេកខ្ញុំគាត់បានប្រាប់ថា ពីមុនគាត់ធ្វើជាយោធោ បន្ទាប់មកក៏ឈប់ រួចទៅធ្វើសំណង់នៅប្រទេសថៃ។ ប្រពន្ធមុនរបស់គាត់មានកូនស្រី១ អាយុ១៣ឆ្នាំ ក៏ត្រឡប់មកវិញ បានលែងលះគ្នា ក៏ចូលមកបួសបាន៤វស្សានៅក្នុងស្រុកបានចំនួន៣វត្ត៖ ទី១. វត្តប្រាសាទធ្នក់ ហៅវត្តក្រឡាញ់ ស្ថិតនៅក្នុងភូមិម្កាក់ ឃុំតាសោម ស្រុកអង្គរជុំ ខេត្តសៀមរាប បាន១វស្សា និងទី២.វត្តកំបោរ ក្នុងភូមិកំបោរ ឃុំស្វាយសរ ស្រុកអង្គរជុំ ខេត្តសៀមរាប បួសបាន១វស្សា និងទី៣.វត្ត ពើងតានន្ទ ក្នុងភូមិគោកព្នៅ ឃុំគោកដូង ស្រុកអង្គរជុំ ខេត្តសៀមរាបបួសបាន២វស្សា រួចក៏មានទំនាស់ជាមួយពុទ្ធបរិស័ទ ក៏ចាកចេញ រួចបានសែនជាមួយនាងខ្ញុំ រស់នៅជាមួយបានរយៈពេល២ខែ ក៏ចូលទៅធ្វើការជាមន្ត្រីអង្គការ ការពារបរិស្ថាន និងអភិវឌ្ឍន៍ ប្រចាំស្រុកអង្គរជុំ រួចប្រាប់នាងខ្ញុំថា គាត់ទៅភ្នំពេញជាមួយបងធម៌របស់គាត់ ប៉ុន្តែនាងខ្ញុំមិនបានស្គាល់ឈ្មោះ បងធម៌គាត់ទេ។
ប្រពន្ធជនសង្ស័យបានឲ្យដឹងទៀតថា៖នៅថ្ងៃមួយគាត់បានផ្ញើលុយមកឱ្យ នាងខ្ញុំតាមវីងចំនួន៣០ម៉ឺន រៀល ហើយគាត់ប្រាប់តាមទូរស័ព្ទថា លុយនេះឪពុកធម៌គាត់ឱ្យយកមកទិញទៀនវស្សា ដើម្បីយកទៅចូលបុណ្យនឹងគេ។ ចំណែករឿងអ្វីផ្សេងទៀតនាងខ្ញុំពុំបានដឹងទេនោះឡើយ។ ករណីឃាតកម្មលើលោកបណ្ឌិតកែមឡីនេះមានការយកចិត្តទុកដាក់តាមដានទាំង មជ្ឍដ្ឋានជាតិនិងអន្តរជាតិ។
តាមប្រភពពីមិត្តភក្តិម្នាក់ដែលធ្លាប់ធ្វើការងារជាមួយគ្នា មានឈ្មោះ អ៊ុំ អឿង ភេទប្រុស អាយុ៥១ឆ្នាំ មានមុខរបរជាមន្ត្រីអង្គការ ការពារបរិស្ថាន និងអភិវឌ្ឍន៍ ប្រចាំស្រុកអង្គរជុំ ខេត្តសៀមរាប បានឲ្យកាសែតដឹងនៅរសៀល ថ្ងៃទី១២ ខែកក្កដា ឆ្នាំ២០១៦ថា ឈ្មោះ អឿត អាង បានហៅទូរស័ព្ទមកគាត់កាលពីថ្ងៃទី៥ ខែកក្កដា ឆ្នាំ២០១៦ថា បងខ្ញុំបានការងារធ្វើហើយ ពេលនោះឈ្មោះ អ៊ុំ អឿង បានសួរទៅវិញថា ប្អូនឯងធ្វើអីសព្វថ្ងៃ គេបានប្រាប់វិញថា ជាមន្ត្រីយោធានៅភ្នំពេញ បានប្រាក់ខែច្រើនគួរសមដែរ រួចក៏ដាច់សេវាបាត់ទៅ។