កំពង់ឆ្នាំង ៖ បែកធ្លាយព័ត៌មានយ៉ាងល្បីរន្ទឺដោយសារការនិយាយតៗគ្នានិងបង្ហោះព័ត៌មានតាមបណ្ដាញសង្គម Facebookថាអគា៥ជាន់ស្ថិតក្នុងភូមិឃ្លាំងប្រាក់ សង្កាត់ប្អេរ ក្រុងកំពង់ឆ្នាំង ដែលសំណង់អគានេះមានវ័យចំណាស់ជាច្រើនទស្សវត្តមកហើយ បន្សល់ទុកតាំងពីជំនាន់បារាំងមកម្លេះ នៅមិនយូប៉ុន្មានទៀតទេ នឹងត្រូវគេរំលាយរូបរាងលាឆ្ងាយពីបងប្អូនប្រជាពលរដ្ឋនៅខេត្តកំពង់ឆ្នាំងយើងហើយ។
ប្រជាពលរដ្ឋនៅក្នុងខេត្តកំពង់ឆ្នាំងកំពុងនាំគ្នាបញ្ចេញមតិរិះគន់និងដាក់ការសង្ស័យចំពោះការលក់ ខ្ទេច លក់ខ្ទី អស់ហើយដីនិងសំណង់អគារនៅក្នុងខេត្តកំពង់ឆ្នាំងដោយគ្មានគមនិតអភិវឌ្ឍន៍រក្សាកេរ្តិ៍ដំណែលអ្វីឡើយ។គេ មិនដឹងថាថវិការដែល បានមកពីការលក់សំណង់សំណង់អគារទាំងនោះគេយកទៅកសាងអ្វីខ្លះ នោះទេ ។
សូមបញ្ជាក់ថា៖ទីតាំងឃ្លាំងប្រេងឥន្ទន:ដែលជាដីទុកសម្រាប់សាងសង់សារ:មន្ទីរនិងទុកសម្រាប់ជាទីកន្លែងមជ្ឈមណ្ឌលកំសាន្តរបស់ខេត្ត នៅពីមុខសាលាដំបូងខេត្តក៏គេលក់ ដីទីតាំងរោងពុម្ពមន្ទីរវប្បធម៏ខេត្ត ដែលមានទីតាំងនៅជាប់ខាងលិចហាងកាហ្វេតាបារាំងនៅទល់មុខប៉ុស្ដិនគបាលរដ្ឋបាលប្អេរ លក់ទីតាំងស្នងការដ្ឋាននគបាលចាស់ ដណ្ដើមចែកគ្នាដីកប់សពនៅទួលក្រឡាញ់ ចុងក្រោយនេះឮថាសារស្នាដៃពពួកមច្ចរាជល្មោភប្រាក់ចិត្តកំណាច គេនឹងលក់ដីទីស្នាក់ការ គណ:កម្មការរៀបចំការបោះឆ្នោតដែលមានទីតាំងនៅជាប់ខាងកើតព័ន្ធនាគាខេត្តនិង លក់អគារផ្ទះ៥ជាន់នេះតែម្ដង។
មានព័ត៌មានចរចាមរាមលេចឮថានៅមានលក់បន្តទៀតប៉ុន្តែមិនទាន់ច្បាស់ការនោះទេដូចជាមានពាក្យលេចឮថាមានគេគ្រោងលក់ស្តាតចាស់នៅជាប់ខាងជើងវត្តធម្មយុត្តិនិងគគ្រោងលក់ទីតាំងព័ន្ធនាគារខេត្តផងដែរ? ។
មិនអាចសុំការអធិប្យាយពីឯកឧត្តមឈួចន្ទ័ឌឿនអភិបាលខេត្តលំពង់ឆ្នាំងចុំវិញពតិមានលក់ខ្ទេចលក់ខ្ទីទីតាងអចលនៈទ្រព្យក្នុងខេត្តកំពង់ឆ្នាំងបាននៅឡើយទេ៕