ឧត្ដរមានជ័យ ៖ មានសេចក្តីរាយការថា លោកអនុសេនីយ៍ទោ រស់ សារួម (ហៅថាន) មេបញ្ជាការ កងអនុសេនាធំទី២អន្លង់វែងគឺជា មេខ្លោងក្នុងការកៀងគរពលករឲ្យឆ្លងដែនកាប់ឈើក្រញូងនៅក្នុងទឹកដីថៃ។
ជាក់ស្ដែងកាលពីថ្ងៃទី២១និងថ្ងៃទី២២ខែកញ្ញាកន្លងមកនេះ មានពលករខ្មែរ ជាប្រជាពលរដ្ឋ និងជាយោធានៅកងអនុសេនាធំការពារព្រំដែនទី២ផងឆ្លងដែនចូលកាប់ឈើក្រញូងខុសច្បាប់ ត្រូវបានអាជ្ញាធ័រថៃចាប់ខ្លួន ៤នាក់ បញ្ជូនទៅផ្ដន្ទា ទោស នៅខេត្តសុរិនប្រទេថៃ និងដោះលែងយោធាម្នាក់មកវិញ និងបាញ់ស្លាប់ម្នាក់ ស្ថិតនៅចំណុច UA(៨៦ ៣០២▪️៨៥០៧៥)ភូមិសាស្ដ្រ បានតាវែង ខេត្តសុរិន ប្រទេសថៃព្រំប្រទល់ភូមិសាមគ្គីឃុំត្រពាំងប្រិយស្រុកអន្លង់វែងខេត្តឧត្តរមានជ័យ។
ប្រភពច្បាស់ការបានបង្ហើបអោយដឹងថា ពលករឆ្លងដែនកាប់ឈើក្រញូង ដែលជាមន្ដ្រីយោធាផងនិងពលរដ្ឋផងនោះ ផ្ដើមចេញពីមេខ្លោង និងឈ្មួញឈើក្រញូង គឺលោកអនុសេនីយ៍ទោ រស់ សារួម (ហៅថាន)ជាមេបញ្ជាការកងអនុសេនាធំទី២ស្រុកអន្លង់វែង?!។ពលករដែលមេព្រៃថៃចាប់បានបញ្ជូនមកអោយអាជ្ញាធរខ្មែរវិញកាលពីថ្ងៃទី២១កញ្ញានេះ ឈ្មោះផល ឡាត់ ភេទប្រុស អាយុ៣៨ឆ្នាំ ជាយោធានៅកងអនុសេនាធំទី២ មានឋានៈជានាយចំណង់។និង៤នាក់ ទៀតត្រូវទាហ៊ានថៃចាប់ខ្លួនបញ្ជូន ទៅផ្ដន្ទាទោសតាមច្បាប់ប្រទេសថៃ ក្នុងចំណោម៤នាក់មានម្នាក់ជាកូន របស់មេ “ខ៣” នៃកងអនុសេនាធំទី២នេះដែ។
ជុំវិញករណីខាងលើ លោកអនុសេនីយ៍ទោ រស់ សារួម មេបញ្ជាការកងអនុសេនាធំទី២បានបដិសេធថា៖ លោកមិនមានពាក់ពន្ធ័រកស៊ីអ្វីឡើយលោកធ្វើតែតាមបទបញ្ជាថ្នាក់លើតែប៉ុនណោះ។លោកថាខាងអាជ្ញាធរថៃបានលួចចូលបំពានមកចាប់ខាងទឹកដីខ្មែរ លោកបន្តថាចំពោះការបាញ់សម្លាប់ម្នាក់ និងចាប់ខ្លួន៤នាក់នោះខាងភាគីយើងកំពុងតែធ្វើការយកចិត្តទុកដាក់។
លោកឧត្ដមសេនីយ៍ត្រី តូច រ៉ា ប្រធានស្នាក់ការទំនាក់ទំងព្រំដែនកម្ពុជាថៃ ប្រចាំនៅច្រកទ្វាអន្តរជាតិជាំ បានអោយដឹងតាមទូសព្ទ័ថា ចំពោះយោធាថៃអាជ្ញាធរថៃចាប់ខ្លួនបញ្ជូនទៅខេត្តសុរិនពីរនាក់និងដោះលែងមកវិញម្នាក់កាលពីថ្ងៃទី២១ខែកញ្ញានេះ គឺម្នាក់ជាយោធា បានជិះម៉ូតូទៅយកអីវ៉ាន់នៅតំបន់ខ្លួនឈរជើងក្នុងទឹកដីខ្មែរ ទើបគល់អោយវិញទាំងយប់។ រីឯហេតុការណ៍ដែលកើតឡើងនៅថ្ងៃបន្ទាប់ទី២២ ខែកញ្ញាដដែលនេះ ថាបាញ់សម្លាប់ម្នាក់និងចាប់ខ្លួនពីរនាកផ្សេងទៀត នោះលោកបានទទួលព័ត៍មានដែ តែមិនទាន់របាយការណាជាក់លាក់នៅឡើយ លោកបន្ដរថានិងអោយកំលាំទៅស្រាវជ្រាវខាងថៃហើយ ជុំវិញបញ្ហាទាំងអស់ខាងលើ។
