សៀមរាប ៖ សំណង់ហាងរបស់លោកស្នងការរងនគបាលវ័យក្មេងនៅចំណុចតំបន់ផាប់ទ្រីត ក្នុងភូមិមណ្ឌល១ សង្កាត់ស្វាយដង្គំក្រុងសៀមរាបក្រុងសៀមរាបបានបាក់រលំផ្តាច់ជិវិតកម្មករ១នាក់នឹងរងរបួស៤នាក់កាលពី វេម៉ោង ១២និង៤០នាទី រំលងអាធ្រាតឈានចូលថ្ងៃទី១៦ ខែកញ្ញា ឆ្នាំ២០១៨ ។
ទីតាំងខាងលើនេះត្រូវបានគេដឹងថាជារបស់ម្ចាស់ឈ្មោះ លី គង់ស្រ៊ុន មានឋានៈជាស្នងការរងនគរបាលខេត្តសៀមរាបដែល ជាម្ចាស់ហាងថេភុលនិងក្លឹបកំសាន្តក្លាស្សសិចនឹងមានហាងជាច្រើនទៀតក្នុងក្រុងសៀមរាប។អ្វីដែលធ្វើអោយពលរដ្ធរិះគន់នោះគឺម្ចាស់ទីតាំងខាងលើកាលពីប៉ុន្មានឆ្នាំមុននេះក្លឹបកំសាន្តហិបហប់ដ៌ល្បីឈ្មោះរបស់លោកស្នងការរងនគរបាលវ័យក្មេងនេះបានផ្តាច់ជិវិតភ្ញៀវដែលចូលទៅកំសាន្តបានបណ្តាលអោយស្លាប់ប៉ុន្មាននាក់នៅក្នុងក្លឹបកំសាន្តដោយសារភ្លើងកឆាបឆេះក្នុងក្លឹបម្តងរួមមកហើយតែមិនមានទោសទណ្ឌ័ឬបិទហាងអ្វីឡើយ។
ឥឡូវនេះមានបាក់រលំអាគារដែលកំពុងជុសជុលបណ្តាលអោយមានកម្មករម្នាក់បានស្លាប់នឹងរងរបួស៤នាក់ផ្សែងទៀត។ប្រភពមួយចេញពីមន្ត្រីមូលដ្ធានបានផ្តល់អោយដឹងថា៖ម្ចាស់ទីតាំងខាងលើដោយសារអាងអំណាចរបស់ខ្លួនជាមន្ត្រីជាន់ខ្ពស់នគរបាលខេត្តសូម្បីតែការសុំច្បាប់ពីអាជ្ញាធរមូលដ្ធានដើម្បីជួសជុលក៏គេមិនខ្វល់ផងអាជ្ញាធរមូលដ្ធានមិនដឹង។
ជាក់ស្តែង លោក ហ៊ី សាយប្រធានមន្ទីររៀបចំដែនដី នគរូបនីយកម្ម សំណង់និងសូរិយោដី ខេត្តសៀមរាប បានឲ្យកាសែតដឹងថា៖ ករណីនេះខាងលោកកំពុងចុះទៅពិនិត្យមើល នៅទីតាំងទាំងនោះ គឺផ្ទះចាស់នៅសល់ពីជំនាន់បារាំងមែនហើយ។ លោកបានបន្តរថាការជួសជុលសំណង់នេះគឺខាងជំនាញរបស់លោកអត់បានដឹងនោះទេ?!។
ទាក់ទិនករណីនេះដែរលោកឧត្តមសេនីយ៍ទោ ទិត្យ ណារ៉ុង ស្នងការនគរបាលខេត្តសៀមរាប បានមានប្រសាសន៍ថា៖ ករណីបាក់រលំអាគារចាស់ សល់ពីសម័យបារាំង កំពុងជួសជុល មាន បណ្តោយ ប្រហែល ២០ម៉ត្រែ ទទឹង៥ម្រ៉ែត កំពស់ ២ជាន់ បណ្តាលឲ្យបាក់រលំទាំងស្រុងដល់ដី ក្នុងនោះមាន កម្មករស្នាក់នៅចំនួន ០៥នាក់ (ប្រុស) ។កម្លាំងសមត្ថកិច្ចយើងបានជួយសង្គ្រោះយកចេញនឹងបញ្ជូនទៅមន្ទីពេទ្យ។
ដោយឡែកចំពោះភ្ញៀវទេសចរបរទេស ពុំមានរងគ្រោះថ្នាក់ទេ ។ លោកបន្តថា៖ ជនរងគ្រោះមានទី១ ឈ្មោះ ម៉ុត រី ភេទ ប្រុស អាយុ ១៨ឆ្នាំ រងរបួស លើភ្នែកឆ្វេង និង ជើងឆ្វេង។ ទី២.ឈ្មោះ ឌី ស្នា ភេទ ប្រុស អាយុ ២៧ឆ្នាំ រងរបួស ត្រង់មាត់តិចតួច។ ទី៣.ឈ្មោះ សល់ សេក ភេទ ប្រុស អាយុ២៧ឆ្នាំរបួស បែកចិញ្ចើមស្តាំ។ទី៤.ឈ្មោះ មឺ មេត ភេទ ប្រុស អាយុ៣០ឆ្នាំ របួសបែកក្បាល និង ជង្គង់ឆ្វេង។ ទី៥ឈ្មោះ ឃុំ ពេជ្រ ភេទ ប្រុស អាយុ១៦ឆ្នាំ មិនទាន់យកបានកម្មករទាំង៥នាក់ខាងលើ រស់នៅភូមិ ធ្វាស ឃុំ ត្រីញ័រ ស្រុក ពួក ខេត្ត សៀមរាប ។ ចាំមើលថាតើម្ចាស់សំណង់មានការទទួលខុសត្រូវដែរអត់? ។ ប្រជាពលរដ្ឋឌឺថាកំសង្ឃឹម!!៕
