កំពង់ឆ្នាំង ៖ ប្រភពព័ត៌មានពីប្រជាពលរដ្ឋបានអោយដឹងថា បទល្មើសព្រៃឈើតាមរថយន្តនិងគោយន្តដឹកឈើចេញពីទឹកដីនៃខេត្តពោធិ៍សាត់ ឆ្លងកាត់ទឹកដីខេត្តកពង់ឆ្នាំងតាមផ្លូវក្ដុលកាត់មុខរដ្ឋបាលព្រៃឈើរមាស គ្រប់គ្រង ដោយលោក សំ រឹទ្ធីនាយផ្នែករដ្ឋបាលព្រៃឈើរមាសដោយរលូន។
លោកសំរឹទ្ធីនាយផ្នែករដ្ឋបាលព្រៃឈើរមាសត្រូវបានគេស្គាល់ថាជាមនុស្សដ៏មានឥទ្ធិពលម្នាក់ដោយសារគាត់អះអាងថាមានខ្សែ មានខ្នងអ្នកធំនៅភ្នំពេញដែលមានងារសុទ្ធតែជាសម្ដេច។ចឹងហើយបានជាគ្មានអ្នកណាហ៊ានក្អកជាមួយឡើយបើទោះជាគោះលុយពីបទល្មើសឈើខុសច្បាប់ក៏ដោយ។ សកម្មភាពដឹកជញ្ជូនផលអនុផផលព្រៃឈើនះបានកើតមានឡើងទាំងយប់ទាំងថ្ងៃរាល់ថ្ងៃដោយ១ថ្ងៃៗមានគោយន្តនិងរថយន្តដឹកអុសដឹកឈើរាប់សិបគ្រឿងមិនដែលដាច់ឡើយ។
ប្រភពខាងលើបានអោយដឹងផងដែរថា គោយន្តនិងរថយន្តដឹកឈើទាំងនេះអាចធ្វើសកម្មភាពដឹងជញ្ជូនឈើបានយ៉ាងរលូនបែបនេះបានដោយសារបានបង់សេវាអោយទៅលោកសំ រឹទ្ធីនាយផ្នែករដ្ឋបាលព្រៃឈើរមាសដែលមានដាក់បញ្ឈរហឹបចាំដាក់លុយបស់អ្នករកស៊ីឈើ ។
ក្នុងគោយនដឹកបង្កង់១គោយន្តត្រូវបង់លុយ ពី២ទៅ៣ម៉ឺមរៀល ។គោយន្តដឹកឈើហ៊ុបមូល១គោយន្តត្រូវបង់លុយអោយលោកសុំ រឹទ្ធីចំនួន៥ម៉ឺនវរៀលក្នុង១គោយន្តដែលក្នុង១ថ្ងៃៗមានគោយន្តដឹកឈើហ៊ុបមូលមិនក្រោមពី២០ ទៅ៣០គោយន្តឡើយ ។ ចំណែករថយន្តដឹកឈើចុង១តឹកឬ១,៥តឹក ប្រវែង៦ម៉ែត្រនិងបង្គោលចុង១តឹកឬ១,៥ប្រវែង៣ទៅ៤ម៉ែត្រក្នុង១រថយន្តត្រូវបង់លុយចំនួនពី១០ ទៅ១៥ម៉ឺនរៀល។
រីឯរថយន្តយីឌុបសដឹកអុសស្ទ៊ែរក្នុង១រថយន្តត្រូវបង់លុយចំនួនពី១០ទៅ១៥ម៉ឺនរៀល។១ថ្ងៃៗមានរថយន្តដឹកឈើខាងលើមិនក្រោមពី៥ទៅ១០រថយន្តផងដែរ។ចំណែករថយន្តយីឌុបដឹកអុសស្ទ៊ែរវិញក្នុង១រថយន្តៗត្រូវបង់លុយមេព្រៃរមាសចាប់ពី១០ទៅ១៥ម៉ឺនរៀលផងដែរ។
ពាក់ព័ន្ធទៅនឹងសេចក្តីរាយការណ៍ការចោទប្រកាន់ខាងលើលោកសំ រឹទ្ធីនាយផ្នែករដ្ឋបាលព្រៃឈើរមាសធ្លាប់បានប្រាប់អ្នកយកព័ត៌មានយើងតាមទូរស័ព្ទថា ៖ឈើដែលគោយន្ត និងរថយន្តធ្វើសកម្មភាពដឹកជញ្ជូនរាល់ថ្ងៃជាឈើ បង្គោលក្រាក់មិនមែនជាឈើហ៊ុបនោះទេហើយមេព្រៃយកលុយគ្រាន់តែបានទិញម្ហូបប៉ុណ្ណោះ?!(មិនដឹងថាមានច្បាប់ឯណាឲ្យមេព្រៃទាលុយពីបតល្មើសព្រៃឈើសម្រាប់ថ្លៃបាយនោះទេព្រោះច្បាប់ប្រឆាំងអំពើពុករលូយត្រឹមតែ២ម៉ឺនរៀលជាប់គុកបាត់ទៅហើយ)។
ការឆ្លើយប្រាប់អ្នកសារព័ត៌មានបែបនេះប្រជាពលរដ្ឋនិយាយថាគឺគ្រាន់ជាលេសបំភ័ន្តភ្នែកអ្នកសារព័ត៌មានមួយចំនួនដែលមិនដឹង។តាមការពិតបើយោងតាមការអោយដឹងពីប្រជាពលរដ្ឋ ថា លោកសំ រឹទ្ធីបានពង្រាយកូនចៅអោយអង្គុយចាំយកលុយពីគោយន្ត និងរថយន្តដឹកបង្កង់ ដឹកឈើ រថយន្តយីឌុបដឹកអុសស្ទ៊ែរគ្រប់ទីកន្លែង។ជាក់ស្ដែងដូចជានៅថ្នាលបណ្ដុះកូនឈើនៅថ្នល់កែង(ថ្នល់បំបែក)ភូមិស្លែងនិងនៅថ្នាលបណ្ដុះកូនឈើនៅអូឃ្លៃភូមិតានៃឃុំជៀបស្រុកទឹកផុសជាដើម៕
