ប្រទេសថៃ ៖ ឈើគ្រញូងចំនួន ២៤ ដុំ ដែលមានប្រវែងចាប់ពី ១ ម៉ែត្រ ដល់ ២ ម៉ែត្រ ត្រូវបានក្រុមទាហានជើងទឹកថៃ ប្រចាំខេត្តត្រាត រឹបអូសពីកាណូតមួយគ្រឿងកាលពីព្រឹកថ្ងៃទី ១៤ ខែកញ្ញា ឆ្នាំ២០១៨ ត្រង់ចំណុច ច្រកប៉ាកខ្លង ក្នុងភូមិខ្លងសុន ឃុំឡែមកាត់ ស្រុកមឿង ខេត្តត្រាត ប្រទេសថៃ ។
ប្រភពពីប្រជាពលរដ្ឋថៃនៅក្នុងតំបន់នោះបានចោទថា គឺជនជាតិខ្មែរគឺ ជាអ្នកលបចូលទៅដឹកឈើគ្រញូងពីស្រុកសៀមនេះ ។ កាណូតមួយគ្រឿងផ្ទុកឈើក្រញូងសៀមនេះ ជាកាណូតនេះមានធ្លុះបាត បណ្តាលអោយទឹកចូលផង ទើបមិនអាចធ្វើដំណើរទៅមុខទៀតបានហើយចតទុកចោលទើបទហ៊ានសៀមរកឃើញ ហើយបានប្រមូលយកទុកជាវត្ថុតាង និង បានបញ្ជូនទៅអោយកំលាំងអង្គភាពជំនាញ យកទៅរក្សាទុកតាមនីតិវិធីច្បាប់ ។
ប្រជាពលរដ្ឋថៃ ដែលរស់នៅក្នុងតំបន់ខាងលើ បាននិយាយប្រាប់ក្រុមទាហាននោះថា៖ កាលពី ២ ថ្ងៃមុន គេបានឃើញជនជាតិខ្មែរ ២ នាក់បានបើកបរកាណូតនេះ មកស្ទូចត្រី នៅកណ្តាលទន្លេ ហើយទំនងជាមានឱកាសល្អ គេក៏បានលបចូលទៅដឹកឈើគ្រញូងទាំងនេះ បម្រុងយកទៅអោយឈ្មួញនៅលើទឹកដីកម្ពុជា ប៉ុន្តែជាអកុសល កាណូតក៏បានប៉ះទង្គិចជាមួយ និង ដុំថ្មក្នុងទឹក បណ្តាលអោយកាណូតត្រូវធ្លាយបាតក្រោម ដោយសារមិនអាចទៅមុខទៀតបាន គេក៏ទុកកាណូតចោល ហើយគេចខ្លួនបាត់អស់ ?!៕
