កំពង់ឆ្នាំង ៖ ព័ត៌មានទទួលបានពីប្រជានេសាទបានអោយដឹងថាសព្វថ្ងៃទូកឌុកយឿទិញត្រី នៅកំពង់ឆ្នាំងមានច្រើនសន្ធឹកសន្ធាប់ នៅកំពង់ផែត្រីមាត់ទន្លេផ្សាក្រោមខេត្តកំពង់ឆ្នាំងរាប់រយក្បាលទូក នៅក្នុងរដូវបិទនេសាទតែគ្មានសមត្ថកិច្ចបង្ក្រាបឡើយអង្គុយចាំតែ យកលុយ តុងដោយមិនបានអនុវត្តទៅតាមសេក្ដីណែនាំថ្មីរបស់លោក រដ្ឋមន្ត្រីក្រសួងកសិកម្មរុក្ខាប្រម៉ាញ់និងនេសាទវេង សុខុនដែលបានដាក់ចេញនូវបទបញ្ជាអោយមន្ត្រីជលផលក្រោមឱវាទទាំងអស់ អនុវត្តអោយបានតឹងរឹងនិងមានប្រសឹទ្ធភាពបំផុតចំពោះច្បាប់ស្ដីពី ជលផលនោះឡើយ។
ប្រភពបានអោយដឹងបន្តថា ទូកឌុកយឿទិញត្រីទាំងនោះប្រម៉ូលទិញពី គ្រប់តំបន់នានាតាមតំបន់ដងទន្កេសាបដូចជានៅផាត់សណ្ដាយ ឆ្នុកទ្រូកំពង់អួរ សេះស្លាប់ ផ្លូវទូកកោះអ្នកតាព្រែស្លត ព្រែកគូកាម៉ាល់ដូនតី ប្រឡាយមាស អន្លុងកញ្ចុះ ថ្នល់ឈើទាល កោះចាបព្រែកសាយ សំរោងសែន ពាមឆ្កោកក្បាលកន្លង់និងកំពង់ផែកំពង់ហៅស្រុកកំពងលែងជាដើម។ ដែទូកយឿទិញត្រីទាំងនោប្រម៉ូលទិញផលនេសាទពីគ្រប់តំបន់យកមកចែក ចាយឡើងឡានយកទៅភ្នំពេញនៅកំពង់ផែត្រីមាត់ទន្លេផ្សារក្រោម។
ឈ្មោះទីជាជនជាតិវៀតណាមត្រូវបានគេស្គាលថា ៖ ជាឈ្មួញប្រម៉ូលទិញ ត្រីធំជាងគេនៅកំពង់ផែកំពង់ហៅស្រុកកំលែងនិងនៅកំពង់ផែត្រី មាត់ទន្លេផ្សារក្រោមកំពង់ឆ្នាំងបាន អោយដឹងដោយទទួលស្គាល់ថា៖ឈ្មញរកស៊ីទិញត្រីទាំងអស់នៅក្នុង ខេត្តកំពង់ឆ្នាំងរួមទាំងរូបគាត់ផងនោះធ្វើការប្រម៉ូលទិញត្រីនៅ រដូវបិទនេសាទបានរាល់ថ្ងៃនេះដោយសារបានបង់លុយអោយជំនាញជលផល គ្រប់លំដាប់ថ្នាក់ទាំងអស់ចាបពីនាយកដ្ឋាន អធិការដ្ឋាននាយខ័ណ្ឌ នាយផ្នែកនិងនាយសង្កាត់ក្នុងមួយក្បាលទូកចាប់ពីចំនួន១០០ទៅ២០០ ដុល្លាអាមេរិចតាមទូកតូចឬទូកធំទើបអាចប្រកបអាជីវកម្មទិញត្រី នេះបាន។
ប៉ុន្តែបើ ប្រជាពលរដ្ឋរកស៊ីរបរនេសាទនៅភូមិព្រែកគូក្រងផ្តិលនិងផ្លូវទូកវិញ បានអោយដឹងថានៅរដូវបិទនេសាទមួយឆ្នាំៗទូកឌុកយឿទិញត្រីនីមួយៗបើ គ្មានលុយពី៦០០ទៅ១០០០ដុល្លាបង់អោយមន្ត្រីទេនោះមិនអាចរកស៊ីរបរ អាជីវកម្មប្រម៉ូលទិញត្រីនៅខេត្តកំពង់ឆ្នាំងបាននោទេ។
សូមបញ្ជាក់ថា សព្វថ្ងៃឈ្មួញរកស៊ីប្រម៉ូលទិញត្រីនៅរដវបិទនេសាទ នៅក្នុងខេត្តកំពង់ឆ្នាំងមានរាប់រយក្បាលទូកនៅតាមបណ្ដាស្រុកនានា ក្នុងទឹកដីខេត្តកំពង់ឆ្នាំងដែលសមត្ថកិច្ចជលផលមិនអើពើចាត់វិធានការប ង្ក្រានោះឡើយ។
ពាក់ព័ន្ធករណីខាងលើ លោក តាត សីហាក់ នាយផ្នែករដ្ឋបាលជលផលផ្សារឆ្នាំងបានប្រាប់អោយដឹងថា ការដឹកជញ្ជូនផលអនុផលនេសាទនៅរដូវបិទនេសាទបើទោះដឹកតិចឬដឹកច្រើន ក៏ដោយមិនមានខុសច្បប់អ្វីទេកុំអោយតែដឹកគ្រាប់បែក ?។ ការលើកឡើងបែបនេះលោកអះអាងថានេះជាប្រសាសន៍របស់តេជោសម្ដេចហ៊ុន សែន?៕