ក្រចេះ ៖ នៅព្រឹកថ្ងៃអង្គារទី ១៨ ខែ កញ្ញា ឆ្នាំ ២០១៨ លោក គង់ សុជាតិ លេខាធិការគណៈកម្មាធិការសាខាកាកបាទក្រហមខេត្តក្រចេះ និងលោក ហេង សុថា ប្រធានកិត្តយសអនុសាខាកាកបាទក្រហមស្រុកឆ្លួង រួមជាមួយក្រុមប្រតិបត្តិសាខាកាកបាទក្រហមខេត្ត ស្រុកនិងអជ្ញាធរមូលដ្ឋាន បានអញ្ជើញនាំយកអំណោយមនុស្សធម៌របស់សាខាកាកបាទក្រហមខេត្ត ទៅចែកជូនដល់ក្រុមគ្រួសារជនចាស់ជរា ជនពិការ កុមាកំព្រារនឹងជនក្រីក្រចំនួន ៤៧គ្រួសារ ស្ថិតនៅក្នុងឃុំឆ្លួង ស្រុកឆ្លួង ខេត្តក្រចេះ។
ថ្លែងនៅចំពោះបងប្អូនប្រជាពលរដ្ឋទាំង ៤៧ គ្រួសារ ដែលមកទទួលអំណោយនាឱកាសនោះលោក គង់ សុជាតិ លេខាធិការគណៈកម្មាធិការសាខាកាកបាទក្រហមខេត្តក្រចេះ បានថ្លែងពាំនាំបណ្ដាំសាកសួរសុខទុក្ខពីសំណាក់សម្ដេចកត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាបាទក្រហមកម្ពុជា ដែលជានិច្ចកាលសម្ដេចតែងតែយកចិត្តទុកដាក់ ពីសុខទុក្ខបងប្អូន ប្រជាពលរដ្ឋ ដែលជួបការលំបាក ទីទ័លក្រ មានជំងឺ ជនងាយរងគ្រោះ និងជនរងគ្រោះដោយគ្រោះមហន្តរាយផ្សេងៗ ដោយមិនប្រកាន់រើសអើងវណ្ណះ ជាតិសាសន៍ ពណ៌សម្បុរ ឬនិន្នាការនយោបាយអ្វីឡើយ។
លោក គង់ សុជាតិបានមានប្រសាសន៏បន្តថា រាល់ទុក្ខលំបាករបស់បងប្អូនប្រជាពលរដ្ឋគឺសម្ដេចតេជោ ហ៊ុន សែន និងសម្ដេចកិត្តិព្រិទ្ធបណ្ឌិត ប៊ុន រ៉ានី ហ៊ុន សែន លោកតែងតែចាត់មន្ត្រីអោយចុះមកសួរសុខទុក្ខបងប្អូន ដូចជាករណីដែលបងប្អូនកំពុងជួបនូវការលំបាក់ខ្វះខាត់ក្នុងរស់នៅនេះជាដើម គឺសម្ដេចកិត្តិព្រិទ្ធបណ្ឌិតបានបញ្ជារអោយមន្ត្រីកាកបាទក្រហមចុះយកអំណោយមកចែកបងប្អូន អោយបានទាន់ពេលវេលាដើម្បីជួយសម្រាលជីវភាពបងប្អូនប្រជាពលរដ្ឋមួយកម្រិត។
នៅក្នុងឱកាសនោះ លោកលេខាធិការសាខាក៏បានអំពាវនាវដល់អាជ្ញាធរ បន្តតាមដាននិងយកចិត្តទុកដាក់ដល់បងប្អូនប្រជាពលរដ្ឋនៅមូលដ្ឋានរបស់ខ្លួនអោយបានជាប់ជាប្រចាំ ជាពិសេសត្រូវត្រៀមបង្កាទុកជាមុន និងត្រូវចុះទៅពន្យល់បងប្អូនប្រជាពលរដ្ឋអោយយកចិត្តទុកដាក់ថែរក្សាសុខភាពអោយបានល្អ សម្អាតបរិស្ថានជុំវិញផ្ទះមានអនាម័យក្នុងការរស់នៅ ផឹកទឹកឆ្អិន ត្រូវប្រកាន់ភ្ជាប់នូវ ហូបស្អាត ផឹកស្អាត និងរស់នៅស្អាត ត្រូវហូបទឹកដាំពុះជានិច្ច ។ អំណោយដែលបានយកមកចែកជូននាពេលនេះរួមមាន៖ អង្គរ ២៥គីឡូក្រាម មី១កេះ ត្រីខ១យួរ មុង១ ផួយ១ ក្រមា១ សារុង បង្គន់អនាម័យ១ និងថវិការចំនួន២០០០០រៀល ៕
ដោយ កិះខន ក្រចេះ