កំពង់ចាម ៖ ថ្មីៗនះ លោកអភិបាលខេត្តកំពង់ចាម គួច ចំរើន បានចុះហត្ថលេខាក្នុងសៀវភៅការងារជំនួសលោករដ្ឋមន្ត្រីក្រសួង ការងារ គឺឯកឧត្តម វង សូត ដើម្បីជួយសំរួលការងារអោយបានឆាប់រហ័សជូនបងប្អូនកម្មករ ។ បណ្តាលអោយមានប្រតិ កម្ម ពីលោក ហេង សួរ អ្នកនាំពាក្យក្រសួងការងារ បានប្រាប់ អ្នកកាសែតអោយដឹងថា ច្បាប់ការងារបានតម្រូវអោយរដ្ឋមន្ត្រី ក្រសួងការងារទទួលបន្ទុកវិស័យ គ្រប់គ្រងការងារលើកិច្ចការ រដ្ឋបាលវិស័យការងារដែលជាទំនាក់ទំនាក់ទំនងកិច្ចសន្យាការ ងាររវាងនិយោជិត និងនិយោជក តាមរយៈការផ្តល់កិត្យានុកូល ភាពជាអធិការងារ ឬអ្នកផ្សះផ្សារការងារដល់មន្ត្រីក្រោមឱវាទក្រសួង និងមន្ទីរទទួលបន្ទុកវិស័យការងារណា ដែលឆ្លងកាត់វគ្គបណ្តុះបណ្តាល មានលក្ខណៈសម្បត្តិ សមត្ថភាព និងចំណេះដឹងអំពីច្បាប់ស្តីពីការងារ ។
លោក ហេង សួរ បន្តថា យោងមាត្រា ៣៥ នៃច្បាប់ស្តីពីការងារអធិការការងារ ត្រូវធ្វើសៀវភៅការងារ ដល់កម្មករនិយោជិតតាមសំណើសុំ ដើម្បី បង្ខិតសេវាអោយកាន់តែកៀកទៅរកបងប្អូនកម្មករ និយោជិត និងបង្កលក្ខណៈងាយស្រួលដល់និយោជក ។ លោករដ្ឋមន្ត្រីទទួលបន្ទុកវិស័យការងារបានធ្វើប្រតិភូកម្មដល់មន្ទីរការងារ ដែលឆ្លងកាត់ការបណ្តុះបណ្តាល និងមាននីតិសម្បទាជាអធិការ ការងារ ចុះហត្ថលេខា ក្នុងនាម ត.ប រដ្ឋមន្ត្រីទទួល បន្ទុកវិស័យការងារលើប័ណ្ណការងារ និងសៀវភៅការងារជន កម្ពុជា ។ ប៉ុន្តែរដ្ឋមន្ត្រីក្រសួងការងារ លោក វង សូត មិនទាន់ បានធ្វើ ប្រតិភូកម្មដល់អភិបាល នៃគណៈអភិបាលខេត្តណា មួយនៅឡើយ ចុះហត្ថលេខាលើសៀវភៅការងារជនកម្ពុជានោះឡើយ ។ ហេតុអ្វីបានជាមានអភិបាលខេត្តមួយចុះ ហត្ថលេខា ជំនួសរដ្ឋមន្ត្រីក្រសួងការងារ ? ។
ករណីនេះ គឺបានកើតឡើងនៅឯខេត្តកំពង់ចាម គឺគេបានឃើញការបង្ហោះ សារខ្លីៗក្នុងផេក facebook ផ្លូវការរបស់លោក គួច ចំរើន អភិបាលខេត្តកំពង់ចាមបានលើកឡើងថា ក្រោយពីទទួលបានការប្រតិភូកម្មអំណាច តាមរយៈអនុក្រឹត្យលេខ១៨ អនក្រ បក ចុះថ្ងៃទី ៨ ខែកុម្ភៈ ឆ្នាំ ២០១៨ របស់រដ្ឋាភិបាលស្តីពីការ បង្កើតយន្តការច្រកចេញចូលតែមួយ សំរាប់ការផ្តល់សេវារដ្ឋបាល នៅថ្នាក់ក្រោមជាតិ និងក្រោមការចង្អុលបង្ហាញ របស់ក្រុម ប្រឹក្សាគណៈអភិបាលខេត្ត ជាពិសេស កិច្ចខិតខំ ប្រឹងប្រែងរបស់មន្ត្រីអង្គភាពច្រកចេញ ចូល តែមួយ ថ្ងៃនេះ អង្គភាពច្រកចេញ ចូលតែមួយ អាចបោះពុម្ពសៀវភៅលក្ខណរូប និងប័ណ្ណការងារ ដោយប្រើបច្ចេកវិទ្យាកុំព្យូទ័រ ជូនកម្មករ កម្មការីនី និង បុគ្គលិកឯកជនបានហើយ ។
ជុំវិញការប្រតិកម្ម ពីក្រសួងការងារដែលថា លោកអភិបាលខេត្តកំពង់ចាម ចុះហត្ថលេខា ក្នុងប័ណ្ណការងារជូនកម្មករ ជំនួសលោក វង សូត រដ្ឋមន្ត្រីក្រសួងការងារនេះរំលោភលើស្ថាប័នក្រសួង ការងារនេះ លោក គួច ចំរើន អភិបាល ខេត្តកំពង់ចាម បានបញ្ជាក់ប្រាប់អ្នកសារព័ត៌មាន ថា លោកធ្វើការងារទៅតាមការដឹកនាំរបស់ក្រសួងមហាផ្ទៃ ៕
