ភ្នំពេញ៖ អធិការនគបាលខណ្ឌពោធិ៍សែនជ័យបាន ឲ្យកាសែតដឹងថា លោកកំពុងបើការស្រាវជ្រាវ ពាក់ព័ន្ទករណី ប្រជាពលរដ្ឋនិងអាជីវករនៅក្នុងផ្សារព្រៃទា ក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញប្រើហឹង្សាលើជនសង្ស័យជាចោរលួច។
ប្រជាពលរដ្ឋនៅផ្សារព្រៃទានិយាយថានៅថ្ងៃទី១៣ ខែកញ្ញា ឆ្នាំ២០១៨ នាវេលា ម៉ោង១២ ថ្ងៃត្រង់នេះ មាននារីជនសង្ស័យម្នាក់បានធ្វើសកម្មភាពលួចយកទូរស័ព្ទ ហើយពួកគាត់ ក៏បានចាប់នាងបាន ហើយក៏ធ្វើការ កោរសក់នៅកន្លែងកើតហេតុធ្វើឲ្យ និងមានអ្នកថតបង្ហោះតាមហ្វេសប៊ុក ធ្វើឲ្យ មានការភ្ញាក់ផ្អើល និងធ្វើការរិះគន់យ៉ាងខ្លាំង ។
ទោះបីជាយ៉ាងណាក៏ដោយ ហេតុការណ៍ត្រូវបានមហាជនមួយចំនួនរិះគន់ ទៅលើបុរសម្នាក់ដែលព្យាយាមចាប់កោរសក់នារីម្នាក់ដែលគេអះអាង ដែលមើលទៅពិតជាមានអារម្មណ៍ថាដូចជាហួសហេតុបន្តិចហើយ ។ព្រោះទោះបីគាត់ជាបានធ្វើសកម្មភាពលួច យ៉ាងណាក៏ដោយ គួរតែឃាត់ខ្លួនទុកអោយសមត្ថកិច្ចយកទៅចាត់ការទៅតាមនីតិវិធី មិនគួរនាំគ្នាប្រើអំពើបែបនេះ ទៅលើនាង ជាពិសេសចាប់នាងកោរសក់បែបនេះទេ វាពិតជាសកម្មភាពមួយដ៏គួរអោយអាក្រក់មើលបំផុត ។
លោកយឹម សារ៉ាន់ អធិការនគរបាលខណលឌពោធិ៍សែនជ័យ បានលើកហេតុផលតាមផ្លូវច្បាប់ថា ក្នុងនាមប្រជាពលរដ្ឋ អាចចាប់ជនសង្ស័យយកមកប្រគល់ឲ្យសមត្ថកិច្ចដែលនៅជិតបំផុតបាន តែមិនអាចប្រើហិង្សាវាយដំទៅបុគ្គលណាបានទេ ព្រោះជាការរំលោភបំពានទៅលើសិទ្ធិសេរីភាពរបស់បុគ្គល ។ដោយឡែកនារីនេះគ្រាន់តែជាជនសង្ស័យប៉ុណ្ណោះ ព្រោះតុលាការមិនទាន់បានផ្ដន្ទាទោសគាត់ថាជាជនមានទោសនៅឡើយទេ ។ យើងសំណូមពរសូមឲ្យប្រជាពលរដ្ឋកុំឲ្យប្រព្រឹត្តទង្វើបែបនេះតទៅទៀត ៕
