ខេត្តកណ្ដាល ៖ ស្ត្រីឈ្មោះ កែវ រតនៈ ហៅហ្គិច ដែលធ្លាប់មានរឿងអាស្រូវជាច្រើនលើកនិងកំពុងជាប់ពន្ធនាគារខេត្តកណ្ដាល,ឥឡូវនេះបានប្តឹងលោកហឿនវណ្ណារិទ្ធអនុប្រធានពន្ធនាគារខេត្តកណ្ដាលទទួលបន្ទុកផែនសន្តិសុខដោយចោទប្រកាន់ថាបានប្រើហិង្សាលើនាងនៅថ្ងៃទី១០ខែកញ្ញានេះ។
ការប្តឹងផ្តល់នេះកើតឡើងបន្ទាប់ពីនាងហ្គិចបានវាយតប់គ្នាជាមួយអ្នកទោសដូចគ្នាក្នុងពន្ធនាគារខេត្តកណ្ដាលហើយលោកហឿនវណ្ណារិទ្ធចូលទៅឃាត់ហើយទំនងជាប៉ះពាល់រាងកាយនាងហ្គិចទើបនាងហ្គិចខឹងហើយប្តឹងលោកហឿនវណ្ណារិទ្ធតែម្ដង។
សេចក្តីរាយការណ៍បានឲ្យដឹងថានាងហ្គិចមិនបានប្តឹងលោកហឿនវណ្ណារិទ្ធទៅតុលាការខេត្តកណ្ដាលដោយមានមន្ទិលក្នុងចិត្តថាអាចមិនទទួលលទ្ធផលទើបនាងហ្គិចបានប្តឹងលោកហឿនវណ្ណារិទ្ធទៅតុលាការរាជធានីភ្នំពេញវិញ។មិនទាន់អាចសុំការបំភ្លឺពីលោកចាតស៊ីនាងប្រធានពន្ធនាគារខេត្តកណ្ដាលបាននៅឡើយទេ៕
