ភ្នំពេញ៖ នាយឧត្តមសេនីយ៍ចុលនីវត្តន៍ ជួន សុវណ្ណ ដែលទើបឡើងបុណ្យជាអនុរដ្ឋលេខាធិការក្រសួងមហាផ្ទៃកាលពីថ្ងៃទី៧កញ្ញានោះនៅល្ងាចថ្ងៃទី៨ ខែកញ្ញា ឆ្នាំ២០១៨នេះបានឡើងម៉ាក្រឹកទៀត ទៅជាអនុប្រធានអាជ្ញាធរប្រយុទ្ធប្រឆាំងគ្រឿងញៀន ឋានៈស្មើ រដ្ឋមន្ត្រីដែលពីមុនជាកៅអីរបស់លោកកៅខុនដារា។
នេះបើយោងតាមរាជក្រឹត្យដែលត្រាស់បង្គាប់តែងតាំងដោ ព្រះករុណា សម្តេច ព្រះបាទ នរោត្តម សីហមុនី ព្រះមហាក្សត្រនៃកម្ពុជា នៅថ្ងៃទី៨ ខែកញ្ញា ឆ្នាំ២០១៨នេះ ។
សូមបញ្ជាក់ថា នាយឧត្តមសេនីយ៍ ជួន សុវណ្ណ ត្រូវបានឡើងកាន់តំណែងជាស្នងការនគរបាលរាជធានីភ្នំពេញ នៅអំឡុងឆ្នាំ២០១២ ជំនួសតំណែងលោកឧត្តមសេនីយ៍ ទូច ណារ៉ុថ ដែលត្រូវបានតែងតាំងជាប្រធាននាយកដ្ឋានអង្គរក្ស ក្រសួងមហាផ្ទៃ និងបន្ទាប់មកត្រូវតម្លើងជាអគ្គស្នងការរងនគរបាលជាតិ។
នាយឧត្តមសេនីយ៍ ជួន សុវណ្ណ ដែលជាអគ្គស្នងការរងនគរបានជាតិនិងជាស្នងការនគរបាលរាជធានីភ្នំពេញត្រូវបានដាក់ឲ្យចូលនីវត្តន៍ជាមួយនាយឧត្តមសេនីយ៍៩រូបទៀតកាលពី ថ្ងៃ៣១សីហាមុនការប្រកាសរចេញមុខរាជរដ្ឋាភិបាលថ្មីអាណត្តិទី៦នៅថ្ងៃទី៦កញ្ញា។
គេមិនទាន់ដឹងថា តើឧត្តមសេនីយ៍រូបណានឹងឡើងមកអង្គុយអតីតកៅអីខ្លាញ់នៅភ្នំពេញរបស់លោកនាយឧត្តមសេនីយ៍ជួនសុវណ្ណនោះនៅឡើយទេ?មិនដឹងថាហេតុអីបានយូចឹងនោះ?
