ភ្នំពេញៈ លោក កឹម សុខាប្រធានអតីតគណបក្សសង្គ្រោះជាតិ ត្រូវបានចៅក្រមស៊ើបសួរ សម្រេចដោះលែងពីគុកត្រពាំងផ្លុងឲ្យនៅក្រៅឃុំជាបណ្តោះអាសន្នហើយកាលពីរំលងអាធ្រាតចូលព្រឹកថ្ងៃទី១០កញ្ញាឆ្នាំ២០១៨ ។
លោក កឹម សុខា អាយុ៦៤ឆ្នាំ ត្រូវបានចាប់ខ្លួនពីលំនៅដ្ឋានរបស់លោក ក្នុងខណ្ឌទួលគោក រាជធានីភ្នំពេញកាលពីរំលងអធ្រាត្រឈានចូលថ្ងៃទី៣ ខែកញ្ញា ឆ្នាំ២០១៧ ហើយសមត្ថកិច្ចបញ្ជូនទៅឃុំខ្លួននៅពន្ធនាគារត្រពាំងផ្លុង ព្រំប្រទល់ប្រទេសកម្ពុជា-វៀតណាម ភ្លាមៗ ។
បើតាមដីកាបញ្ជាឲ្យដោះលែងចុះថ្ងៃទី៩ ខែកញ្ញា ឆ្នាំ២០១៨របស់លោក គី ឬទ្ធីចៅក្រមតុលាការក្រុងភ្នំពេញ ឲ្យដឹងថា “បង្គាប់ឲ្យប្រធានមណ្ឌលអប់រំកែប្រែទី៣ «ម៣» ដោះលែងជនត្រូវចោទឈ្មោះ កឹម សុខា ភេទប្រុស អាយុ៦៤ឆ្នាំ ត្រូវបានតំណាងអយ្យការដាក់ឲ្យស្ថិតនៅក្រោមការពិនិត្យពីបទសន្ទិដ្ឋិភាពជាមួយបរទេស ប្រព្រឹត្តនៅប្រទេសកម្ពុជា និងទីកន្លែងផ្សេងទៀត កាលពីអំឡុងឆ្នាំ១៩៩៣ ដល់ថ្ងៃទី៣ ខែកញ្ញា ឆ្នាំ២០១៧ បទល្មើសព្រហ្មទណ្ឌ ដែលមានចែង និងឲ្យផ្តន្ទាទោសតាមបញ្ញត្តិមាត្រា៤៤៣ ក្រមព្រហ្មទណ្ឌនៃព្រះរាជាណាចក្រកម្ពុជា” ។ ដោយខ្លាចមានការភន្ត័ច្រឡំរឿងដោះលែងនេះនៅព្រឹកថ្ងៃទី១០កញ្ញាអ្នកនាំពាក្យសាលាដំបូងរាជធានីភ្នំពេញ ។ បានចេញលិខិតបញ្ជាក់ថា៖ការដោះលែងគឺ
ដោយសារបញ្ហាសុខភាព ប៉ុន្តែលោក មិនអាចរត់រួចពីនីតិវិធីតុលាការបានឡើយ។
យោងតាមលិខិតប្រកាសរបស់អ្នកនាំពាក្យសាលាដំបូងរាជធានីភ្នំពេញ នៅព្រឹកថ្ងៃទី១០ ខែកញ្ញា ឆ្នាំ២០១៨នេះ បានឲ្យដឹងថា “លោក កឹម សុខា ត្រូវបានចៅក្រមស៊ើបសួរ សម្រេចដោះលែងឱ្យនៅក្រៅឃុំ ហើយសម្រេចជំនួសមកវិញនូវវិធានការនៃការដាក់ឲ្យស្ថិតនៅក្រោមការត្រួតពិនិត្យតាមផ្លូវតុលាការ ដោយភ្ជាប់នូវកាតព្វកិច្ចតាមផ្លូវច្បាប់មួយចំនួន។ ការសម្រេចនេះ ដោយផ្អែកទៅលើហេតុផលសុខភាព និងមានការធានាខាងផ្នែកនីតិវិធីច្បាស់លាស់ថា ជនត្រូវចោទ កឹម សុខា នឹងមិនអាចរត់គេចខ្លួនពីនីតិវិធីតុលាការឡើយ”។
សូមជម្រាបថាបើគិតមកដល់ថ្ងៃទី៩ ខែកញ្ញា ឆ្នាំ២០១៨នេះ លោក កឹម សុខា ប្រធានអតីតគណបក្សសង្គ្រោះជាតិ ត្រូវបានឃុំខ្លួនក្នុងពន្ធនាគាររយៈពេល១ឆ្នាំ១សប្ដាហ៍គត់ ពាក់ព័ន្ធបទក្បត់ជាតិ លួចទាក់ទងជាសម្ងាត់ជាមួយអាមេរិក ដើម្បីផ្តួលរាជរដ្ឋាភិបាលស្របច្បាប់ នៃព្រះរាជាណាចក្រកម្ពុជា។
យោងតាមក្រមព្រហ្មទណ្ឌ បទធ្វើសន្ទិដ្ឋិភាពជាមួយបរទេស គឺជាអំពើត្រូវរ៉ូវគ្នាដោយសម្ងាត់ជាមួយរដ្ឋបរទេស ឬភ្នាក់ងារបរទេស ដើម្បីបង្កើតឲ្យមានអំពើប្រទូស្តរ៉ាយ ឬឲ្យមានអំពើឈ្លានពានប្រឆាំងនឹងព្រះរាជាណាចក្រកម្ពុជា។ បទល្មើសនេះ ត្រូវជាប់ពន្ធនាគារពី១៥ឆ្នាំ ដល់៣០ឆ្នាំ។យោងតាមក្រមព្រហ្មទណ្ឌ បទធ្វើសន្ទិដ្ឋិភាពជាមួយបរទេស គឺជាអំពើត្រូវរ៉ូវគ្នាដោយសម្ងាត់ជាមួយរដ្ឋបរទេស ឬភ្នាក់ងារបរទេស ដើម្បីបង្កើតឲ្យមានអំពើប្រទូស្តរ៉ាយ ឬឲ្យមានអំពើឈ្លានពានប្រឆាំងនឹងព្រះរាជាណាចក្រកម្ពុជា។ បទល្មើសនេះ ត្រូវជាប់ពន្ធនាគារពី១៥ឆ្នាំ ដល់៣០ឆ្នាំ។
កន្លងមកមានការស្នើសុំនៅក្រៅឃុំជាច្រើនលើកច្រើនសារ តែទតុលាការកម្ពុជាគ្រប់ជាន់ថ្នាក់ បានបដិសេធសំណើនេះជាបន្តបន្ទាប់ ដោយអះអាងថា ការអនុញ្ញាតឲ្យលោក កឹម សុខា នៅក្រៅឃុំ គឺអាចប៉ះពាល់នីតិវិធី តុលារការ។
ក្នុងនោះ លោក គី ឫទ្ធី ចៅក្រមស៊ើបសួរសាលាដំបូងរាជធានីភ្នំពេញ កាលពីរសៀលថ្ងៃទី៣០ ខែសីហា ឆ្នាំ២០១៨ សម្រេចបន្តឃុំខ្លួនលោក កឹម សុខា ក្នុងពន្ធនាគារដដែល ដោយមិនអនុញ្ញាតឲ្យនៅក្រៅឃុំបណ្តោះអាសន្នទេ។
បន្ទាប់មក ចៅក្រមស៊ើបសួរបានចេញដីកាកោះហៅសាក្សីសំខាន់ម្នាក់ទៀត គឺលោក វន់ ពៅ ប្រធានសមាគមសេដ្ឋកិច្ចក្រៅប្រព័ន្ធ ឲ្យចូលតុលាការ ដើម្បីឆ្លើយបំភ្លឺជាសាក្សីនៅក្នុងរឿងក្ដី។
សូមបញ្ជាក់ដែរថាមុនការដោះលែងលោក កឹម សុខា ដែលអ្នកនយោបាយ និងបុគ្គលសំខាន់ៗមួយចំនួន ក៏ត្រូវបានដោះលែងឲ្យមានសេរីភាពឡើងវិញដែល អ្នកវិភាគមួយចំនួនយល់ថា ការដោះលែងនេះ គឺដើម្បីសម្រាលស្ថានការណ៍នយោបាយនៅក្នុងប្រទេស ក្រោយការបោះឆ្នោតជាតិ អាណត្តិទី៦កុំឲ្យធ្ងន់ធ្ងរពេក។
ចឹងចុងក្រោយលោកកឹមសុខាដែលជាមនុស្សសំខានត្រូវបានលោគីរិទ្ធីដែលចេញដិការដោះលែងវិញដដែល។ ចាំមើលថា តើសកម្មសកម្មជនគណបក្សសង្គ្រោះជាតិ១១៨នាក់ដែលហាមមិនឲ្យធ្វើនយោបាយ៥ឆ្នាំអាចនឹងមានការលើកទោសដែរអត់?៕
