ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នៅថ្ងៃទី០៦ ខែកញ្ញា ឆ្នាំ២០១៨នេះ បានក្រាបបង្គំទូលថ្វាយព្រះមហាក្សត្រ ត្រាស់បង្គាប់តែងតាំង និងតម្លើងឋានន្ដរស័ក្ដិ នាយទាហានជាន់ខ្ពស់៣រូប ជាថ្នាក់ដឹកនាំកំពូលនៃកងយោធពលខេមរភូមិន្ទ។
នៅក្នុងសារលិខិតនេះបានបង្ហាញថា ឧត្តមសេនីយ៍ឯក វង្ស ពិសេនមេបញ្ជារការរងប៉េអឹម ត្រូវបានស្នើតែងតាំងជាអគ្គមេបញ្ជាការ នៃកងយោធពលខេមរភូមិន្ទ និងតម្លើងឋានន្ដរស័ក្ដិ ថ្នាក់នាយឧត្តមសេនីយ៍ជំនួសលោកនាយឧត្តមសេនីយ័ប៉ុលសារឿនដែលត្រូវបានតែងតាំងជាទេសរដ្ឋមន្ត្រី , នាយឧត្តមសេនីយ៍ ឥត សារ៉ាត់ ត្រូវបានស្នើតែងតាំងជា នាយសេនាធិការចម្រុះនៃកងយោធពលខេមរភូមិន្ទជំនួសនាយឧត្តមសេនីយ៍គន់គីមដែលតែងតាំងជាទេសរដ្ឋមន្ត្រី។
ឧត្តមសេនីយ៍ឯក ហ៊ុន ម៉ាណែត ដែលមុនបោះឆ្នោតទទួលជានាយសេនាធិការចំរុះនិងជាមេបញ្ជាការកងទព័ជើងគោកស្តីទី ត្រូវបានស្នើតែងតាំងជា មេបញ្ជាការកងទ័ពជើងគោកផ្លូវការដែលជាទីតាំងក្តាប់កម្លាំងយោធាដ៏មានសក្តានុពល បន្ថែមលើមុខងារបច្ចុប្បន្នជំនួសនាយឧត្តមសេនីយ៍មាសសុភាដែលក្លាយជាទេសរដ្ឋមន្ត្រី។
សម្រាប់នាយឧត្តមសេនីយ៍ សៅ សុខា ដែលឡើងជាអគ្គមេបញ្ជាការកងទព័ស្តីទីបានមួយដង្ហើមចង្រឹតអាចនឹងដាក់ឲ្យចូលនិវត្តន៍ឬតែងតាំងក្នុងមុខងារនយោបាយព្រោះលោកក៏ដល់អាយុដែរលើកលែងតែនាយករដ្ឋមន្ត្រីឲ្យបន្ត។
សូមបញ្ជាក់ដែរថា កាលពីប៉ុន្មានថ្ងៃមុននេះ សម្តេចតេជោនាយករដ្ឋមន្ត្រូផ្កាយមាស ៥ បានដាក់នាយឧត្តមសេនីយ៍ខាងនគរបាល១០រូបឲ្យចូលនិវត្តន៍លើកលែងតែនាយឧត្តមសេនីយ៍ នេត សាវឿន អគ្គស្នងការនគរបាលជាតិដែលតាមធម្មតាក៏ដល់អាយុចូលនិវត្តន៍ដែរ មិនទាន់ដាក់ឲ្យចូលនិវត្តន៍ ។
បន្ទាប់មកសម្តចតេជោ ហ៊ុន សែន បានតែងតម្លើងនិងតែងតាំងនាយអគ្ក៣រូបជំនួសវិញគឺឯកឧត្តមជាអគ្គភស្តុភានគរបាល ។ នាយឧត្តមសេនីយ៍ គៀតចន្ទរិទ្ធ ជាអគ្គនគរបាលអន្តោប្រវេសន៍និងនាយឧត្តមសេនីយ៍កងសុខនជាអគ្គអត្តសញ្ញាណកម្ម។
តំណែងប្រហោងជំនួសមន្ត្រីនគរបាលជាន់ខ្ពស់៧រួបទៀត ពិសេសស្នងការនគរបាលរាជធានីភ្នំពេញមិនទាន់ដឹងថា បានទៅអ្នកណាទេ ? ចាំមើលថាតើសម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃសម្រេចស្នើដាក់អ្នកណាជាស្នងការនគរបាលក្រុង?។
មានការទស្សន៍ទាយថា៖ប្រសិនបើសម្តេចក្រឡាហោមលោកដាក់ឧត្តមសេនីយ៍សថេតដែលជាសាច់ញាតិជាស្នងការនគរបាលរាជធានីភ្នំពេញនោះតំណែងអគ្គស្នងការនគរបាលជាតិនឹងត្រូវាបានទៅលោកឧត្តមសេនីយ៍ឌីវិជ្ជាជាមិនខាន!!ក្រឡារែកល្អតើ !៕