សៀមរាប ៖ លោក ច័ន្ទ សុខុមចិន្ដា ប្រធានមន្ទីរការងារ និងបណ្ដុះបណ្ដាលវិជ្ជាជីវៈខេត្តសៀមរាប អោយដឹងថា៖ ថាកន្លងមកហើយមិនឆ្លើយតបជាមួយសារពត៌មានទេដោយសារ អ្វីៗបានរាយការណ៍ជូនថ្នាក់ដឹកនាំខេត្តអស់ហើយ។
លោក ច័ន្ទ សុខុមចិន្ដាដែល ទទួលធ្វើជាប្រធានមន្ទីរការងារខេត្តសៀមរាបតាំងពីឆ្នាំ ២០០៩បាន បញ្ជាក់ថា៖ ការដកប្រធានការិយាល័យឈ្មោះអ៊ិន គារធារី និងឈ្មោះភាន់មុនី អនុការិយាល័យហិរញ្ញវត្ថុគឺដោយសារគាត់មានកំហុសក្នុងការងារហើយលោកមិនមែនជាអ្នកដកទេ គឺមានមានក្រុមប្រឹក្សាវិន័យ មន្ទីរក្រុមប្រឹក្សាក្រសួង ប្រជុំនិងយករបាយការណ៍អង្គប្រជុំទៅ ឆ្លគណៈអភិបាលខេត្ត ហើយគណៈអភិបាលខេត្តប្រជុំក្រុមប្រឹក្សាពិគ្រោះគ្នា គួរទុកឫយ៉ាងម៉េច?។
ទាក់ទងនិងទំហំទោស កំហុសខុសឆ្គងគឺកន្លងមកមានការណែនាំធ្វើការអប់រំ នៅថ្នាក់មន្ទីរដែរតែគាត់មិនយកចិត្តទុកដាក់ស្ដាប់។ គាត់ធ្វើអោយមានបញ្ហា លោកក៍បានដកឃ្លាការងារណឹងអប់រំហើយអប់រំទៀត លោកក៍បានពិគ្រោះគ្នាជាមួយគណៈអភិបាល ជាមួយក្រុមប្រឹក្សាខេត្ត ក៍ដូច ជាមួយថ្នាក់ដឹងនាំក្រសួងការងារដែរ កិច្ចការងារនេះ ។
លោក ច័ន្ទ សុខុមចិន្ដាបានឲ្យដឹងថា ៖ មន្ទីរការងារមិនមែនជាមន្ទីររបស់បុគ្គលណាម្នាក់ទេ ជាមន្ទីរសមូហភាពរបស់រដ្ឋ ដូច្នេះលោកធ្វើការងារតាមឋានានុក្រមរបស់រដ្ឋ។ លោកមិនថាខ្លួនលោកល្អឬអាក្រក់មិនអាស្រ័យលោកអ្នកថាទេ ។ ការមើលឃើញធាតុពិតដែលបានកសាងការងារក្នុងមន្ទី គឺដឹកនាំមន្ត្រីនៅក្នុងមន្ទី៣០រូបជាង នៅតាមវិជ្ជាស្ថានទាំងពីរសារុបទៅ១៧០នាក់ជាង លោកបើកអោយអ្នកការសែតណាក៍ដោយអាចសួរថ្នាក់ដឹកនាំខេត្ត សួរថ្នាក់ដឹកនាំមន្ត្រី យល់ថាធ្វើអ្វីជា ការពិតរបស់លោកមិនខ្លាចអោយសារពត៌មានសួរមន្ត្រីទេ មន្ត្រីណាក៍ដោយនៅក្នុងមន្ទី តែមានមន្ត្រីខិលខូចមួយពីរ ហើយ។ បើក្រុមសារពត៌មាន មានក្រមសីលធម៍ ត្រូវពិចារណាផង។ បើភាគរយដែលខ្ពស់ ធម្មតាក្នុងក្រុមគ្រួសារតែងតែមានភាពល្អក់កករតិចទួច។ ចឹង នៅក្នុងមន្ទីរអង្គភាំពមួយដែលមានមន្ត្រី១៧០នាក់តែងតែមានមនុស្សម្នាក់ពីរនាក់ធ្វើអោយស្ទះការងារ។ តែបើមាន កំហុសធ្ងន់ស្រាលយ៉ាងណាក៏ដោយ ក៏មិននៅលើប្រធានមន្ទី ឫក្រុមការងារថ្នាក់មន្ទីរជាអ្នកដាក់កំហិតទេ គឺមានការអនុម័តពីថ្នាក់ដឹកនាំ។ ហើយកន្លែងនេះមើលឃើញកំហុសធ្ងន់ និងធ្វើអោយស្ទះការងារធ្វើអ្វីៗក៍ដោយមិនអោយជោកជ័យធ្វើការបែបយកជើងរាទឹក។ បើ ថ្នាក់ដឹកនាំសំរេចយ៉ាងម៉េចជាសិទ្ធិថ្នាក់ដឹកនាំ ។
ពេលសួរថា បុគ្គលពីរមានមានកំហុសអ្វីខ្លះ លោកចិន្ដាឆ្លើយថា គាត់បញ្ចេញឯកសារក្នុងនាមមន្ទីរទៅក្រៅ ។ពេល ចុះអធិការកិច្ច ប្រព្រឹត្តផ្តេសផ្តាស។ ថ្ងៃសៅរ៌អាទិត្យ យកខ្លួនថាជាអនុប្រធានមន្ទីរនិងមួយចំនួនទៀតពួកគាត់បានធ្វើការរាំងខ្ទប់មិនអោយមន្ទីដំណើរការស្រួល នេះជាកំហុសរដ្ឋបាល ។ លោកប្រធានមន្ទីរការងារខេត្តសៀមរាប បញ្ជាក់ថា៖លោកមានឯកសារពាក់ពន្ធ័ច្រើនតែលោកមិនចង់និយាយ កិច្ចការផ្ទៃក្នុងទេ ។លោកចិន្ដាបានបើកអោយកាសែតមាតុភូមិសួរគេទៅ តើការសែតចុះផ្សាយកន្លងហើយតើពិតឫមិនពិត? លោកមិនថាខ្លួន សរឫខ្មៅទេសំខាន់ មនុស្សនៅជុំវិញខ្លួន បើគេឆ្លើយយ៉ាងណារឿងពិតជាចឹងហើយ ។
លោកបន្តថាសារពត៌មានមួយចំនួនដែលចុះផ្សាយហើយមកនេះមិនសប្បាយចិត្តទេ គាត់អត់បាននិយាយអីអោយបានពិតគ្រប់ជ្រង់ជ្រោយទេ គាត់និយាយតាមនឹកឃើញ។ កន្លែងខ្លះទទេសុទ្ធមន្ត្រីមួយចំនួយធំស្រែកថា អយុត្តិធម៏ណាស់សំរាប់ខ្ញុំ ហើយពួកគេបានធ្វើញាត្តិគាំទ្រខ្ញុំ និងធ្វើញាត្តិឆ្លើយតប តែលោកថាគង់តែភ្លឺទេ ។
សូមបញ្ជាក់ថាលោកច័ន្ទ សុខុមចិត្តាប្រធានមន្ទីរការងារខេត្តសៀមរាបរងការចោទថា៖ប្រើអំណាចហួសព្រំដែន ក្នុងការដក មន្ត្រីពីររូបពីការងារឲ្យមកឈរជើងនៅក្រសួងការងារ និងបណ្តុះបណ្តាលការងារ វិជ្ជាជីវៈនៅរាជធានីភ្នំពេញ ។
ប្រភពរាយការណ៍ថា លោកច័ន្ទ សុខុមចិត្តា បានលួចរៀបចំការប្រជុំមួយ ហើយបានធ្វើកំណត់ហេតុដាក់ទោសកំហុសទៅលើមន្ត្រីពីររូប ហើយសម្រេចបណ្តេញមន្ត្រីទាំងពីររូបនោះចេញពីការងារនៅក្នុងមន្ទីរ ។ មន្ត្រីដែលត្រូវលោកប្រធានមន្ទីរប្រើលេសបណ្តេញចេញមានឈ្មោះ អ៊ិន ភារធារី ជាប្រធានការិយាល័យរដ្ឋបាល និងឈ្មោះ ភាន់ មុនី ជាអនុប្រធានការិយាល័យហិរញ្ញវត្ថុ ។មូលហេតុត្រូវបានគេចោទថាមកពី ពួកគេទាំងពីរនាក់ ជាអ្នកដែលបានដឹងរឿងអាស្រូវពុករលួយរបស់លោកប្រធានមន្ទីរ ហើយពួកគេត្រៀមបង្ហាញអំពើរពុករលួយនោះជាសាធារណៈទៀតផង ៕
