ក្រចេះ ៖ នៅព្រឹកថ្ងៃទី ៥ កញ្ញា ២០១៨ នៅបរិវេណសាលាអនុវិទ្យាល័យស្វាយជ្រះ ឃុំស្វាយជ្រះ ស្រុកស្នួលខេត្តក្រចេះមានរៀបចំប្រារុព្ធទិវា អក្ខរកម្មជាតិ ៨ កញ្ញា ឆ្នាំ២០១៨ ក្រោមប្រធានបទ (អក្ខរកម្មឆ្ពោះទៅរកការសិក្សាពេញមួយជីវិត្ត) ។ ពិធីបានប្រព្រឹត្តទៅក្រោមអធិបតីភាពឯ.ឧ វ៉ា ថន អភិបាលនៃគណៈអភិបាលខេត្ត ដែលមានការចូលរួមពីឯ.ឧ លោកជំទាវជាអភិបាលរងខេត្ត លោក លោកស្រីប្រធាន មន្ទីរ អង្គភាព និងស្ថាប័ន្នជំវិញខេត្ត អាជ្ញាធរស្រុក ឃុំ សិស្សានុសិស្ស និងប្រជាពលរដ្ឋដ៏ច្រើនកុះករ ។
តាមរបាយការណ៏របស់មន្ទីរអប់រំ យុវជន និងកីឡាខេត្តលោកឡាយ បូរ៉ា ប្រធានមន្ទីរបានអោយដឹងថា ៖ ដោយអនុវត្តតាមផែនការយុទ្ធសាស្ត្រចតុកោណរបស់ ប្រមុខរាជរដ្ឋាភិបាល ដែលមានសម្ដេចអគ្គមហាសេនាបតីតេជោ ហ៊ុន សែន ជាប្រមុខដឹកនាំ និងអនុវត្តតាមផែនការណ៏យុទ្ធសាស្ត្ររបស់ក្រសួងអប់រំ យុវជន និងកីឡា មន្ទីអប់រំខេត្តក្រចេះសម្រេចបានលទ្ធផលលើគ្រប់ផ្នែកជាច្រើនគួរជាទីមោទនៈ ក្នុងនោះការងារអប់រំក្រៅប្រព័ន្ធ ដែលមានអនក្ខរជនអាយុចាប់ពី ១៥ដល់៤៥ឆ្នាំសរុប១៦.៣៣១ ស្រី៨.២៨១នាក់ក្នុងចំណោមប្រជាជនទូទាំងខេត្តសរុប ៤០៥.៦៧៦នាក់ ។
ដើម្បីជាការឆ្លើយតបទៅនិងផែនការ កាត់បន្ថយអនក្ខរភាពរបស់ក្រសួងអប់រំ យុវជន និងកីឡាក៏ដូចជារបស់មន្ទីរ និងជាការឆ្លើយតបទៅនិងផែនការរបស់រាជរដ្ឋាភិបាល ស្ដីពីការកាត់បន្ថយភាពក្រីក្ររបស់ប្រជាជន មន្ទីរអប់រំខេត្តបាននិងកំពុងអនុវត្តនូវកម្មវិធីដូចជា ៖ ទី១កម្មវិធីអក្ខរកម្មវិជាជីវៈ ដែលមានថ្នាក់អក្ខកម្មសរុបចំនួន ២០ថ្នាក់មានគ្រួចំនួន២០នាក់ សិស្សអក្ខកម្មចំនួន ៤៣១នាក់ស្រី២៩២នាក់ ទី២ កម្មវិធីបង្កើនប្រាក់ចំណូល មានមជ្ឈមណ្ឌលសិក្សាសហគមន៏ចំនួន ១០កន្លែង ទី៣កម្មវិធីចូលរៀនឡើងវិញ មានថ្នាក់រៀនចំនួន ១៥ថ្នាក់ ទី៤កម្មវិធីសមមូលបឋមសិក្សាថ្នាក់រៀនចំនួន ៧ថ្នាក់ និងទី៥ សាលាជីវភាសាចំនួន ២០សាលា ។
នៅក្នុងពិធីតំណាងសិស្សអក្ខរកម្មមានចំណាប់អារម្មណ៏សម្ដែងនូវមនោសញ្ជេតនាសប្បាយរីករាយបំផុតចំពោះការយកចិតទុកដាក់របស់រាជរដ្ឋាភិបាល ធ្វើអោយអនក្ខជនទាំងអស់បានយល់ច្បាស់អំពីការសិក្សារៀនសូត្រ គឺពិតជាផ្ដល់នូវតម្លៃអប់រំដែលមិនអាចកាត់ថ្លៃបាន និងបានប្ដេជ្ញាចិត្ត ខិតខំរៀនសូត្រមិនបោះបង់ការសិក្សា ខិតខំរៀនសូត្រអោយចប់កម្មវិធី អប់រំបន្ដអោយបានទូលំទូលាយតាមសហគមន៏នូវកម្មវិធីអក្ខរកម្ម គាំទ្រ និងអនុវត្តតាមប្រធានបទ (អក្ខ កម្មឆ្ពោះទៅរកការសិក្សាពេញមួយជីវិត្ត ) ។
មានប្រសាសន៏នៅក្នុងឱកាសនោះ ឯ.ឧ វ៉ា ថន អភិបាលខេត្តក្រចេះបានលើកឡើងថា ៖ ជាការឆ្លើយតបចំពោះផែនការយុទ្ធសាស្ត្ររបស់ប្រមុខរាជរដ្ឋាភិបាលយើងទាំងអស់គ្នាត្រូវរួមគ្នា សហការគ្នាសម្រេចភារកិច្ចអោយខាងតែបានសម្រាប់ជូនប្រជាពលរដ្ឋ ដែលជាការសបញ្ជាក់អោយឃើញពីការខឹតខំប្រឹងប្រែងរបស់ប្រមុខរាជរដ្ឋាភិបាលបាននាំមកនូវ សុខសន្តិភាព សេរីភាព ដែលជាកត្តាគន្លឹះដ៏សំខាន់សម្រាប់ការអភិវឌ្ឍន៏សង្គមជាតិអោយកាន់តែមានភាពរីកចំរើនជាលំដាប់ឆ្ពោះទៅមុខអោយទាន់បណ្ដាប្រទេស ជឿនលឿនលើឆាកអន្តរជាតិ ។
ក្នុងឱកាសនោះដែរ ឯ.ឧ វ៉ា ថន មានប្រសាសន៏បន្តថា ៖ ការប្រារុព្ធទិវានេះឡើង ជាចក្ខុវិស័យអភិវឌ្ឍប្រជាជន កម្ពុជាគ្រប់រូបអោយទទួលបានឱកាសសិក្សាពេញមួយជីវិត្ត ដើម្បីរួមចំណែកបង្កើនសេដ្ឋកិច្ច និងសុខដុមជីវិតបុគ្គល និង សង្គម និងដើម្បីផ្សារភ្ជាប់ការងារអក្ខរកម្មទៅនិងការសិក្សាពេញមួយជីវិត ពិសេសការឈានទៅសម្រេចគោលដៅ ប្រែក្លាយពលករដែលប្រើប្រាសកម្លាំងសុទ្ធទៅជាការប្រើប្រាស់ជំនាញស្របតាមយុទ្ធសាស្ត្រកំណើនថ្មីរបស់កម្ពុជា៕
ដោយ កិះ ខន ក្រចេះ
