ខេត្តក្រចេះ ៖ កម្លាំងជំនាញផ្នែកប្រឆាំងគ្រឿងញៀនខេត្តត្បូងឃ្មុំបានសហការជាមួយកម្លាំងជំនាញផ្នែកប្រឆាំងគ្រឿងញៀនស្រុកស្នួលធ្វើការបង្ក្រាបករណីជួញដូរដោយខុសច្បាប់នូវសារធាតុនឹងឃាត់ខ្លួនស្ត្រីម្នាក់(ជាប្រពន្ធ) ជនជនសង្ស័យរត់គេចខ្លួនបាត់ស្ថិតក្នុងភូមិគ្រញូងសែនជ័យ ឃុំគ្រញូងសែនជ័យ ស្រុកស្នួលខេត្តក្រចេះកាលពីល្ងាចថ្ងៃទី០២ខែកញ្ញាឆ្នាំ២០១៨នេះ។
មន្ត្រីជំនាញផ្នែកប្រឆាំងគ្រឿងញៀនស្រុកស្រុកស្នួលបានឲ្យដឹងថាដោយសារកម្លាំងជំនាញផ្នែកប្រឆាំងគ្រឿងញៀនខេត្តត្បូងឃ្មុំបានពន្លាតដែនដីមកសហការជាមួយកម្លាំងជំនាញផ្នែកប្រឆាំងគ្រឿង ញៀនស្រុកស្នួលនៃអធិការដ្ឋាននគរបាលស្រុកស្នួលនិងមានការបញ្ជាផ្ទាល់ ពី លោក កែវ សុជាតិ ព្រះរាជអាជ្ញាអម សាលាដំបូងខេត្តក្រចេះ និង លោក ហៀង សុភក្រ័ ព្រះរាជអាជ្ញាអមសាលាដំបូងខេត្តត្បូងឃ្មុំចុះបង្ក្រាបទីតាំងលំដ្ឋានមួយកន្លែងក្នុងភូមិឃុំកើតហេតុខាងលើ ពេលកម្លាំងយើងចុះទៅដល់មុខសញ្ញា ជនសង្ស័យឈ្មោះ ស្រ៊ន ខុម ភេទប្រុស អាយុ២៧ឆ្នាំ ជាតិខ្មែរ រត់គេចខ្លួនហើយកម្លាំងយើងបានធ្វើការឃាត់ខ្លួនប្រពន្ធឈ្មោះ ខឿន ផាត់យ៉ា អាយុ២២ឆ្នាំ ជាតិខ្មែរ បន្ទាប់មកកម្លាំងយើងបានធ្វើការឆែកឆេរលំនៅដ្ឋានធ្វើការដកហូតវត្ថុតាងរួមមាន ៖
១. ម្ស៉ៅក្រាមពណ៌សង្ស័យថាជាគ្រឿងញៀន ចំនួន០៤កញ្ចប់ធំ
២. ជញ្ជីងសំរាប់ថ្លឹងគ្រឿងញៀន ចំនួន០៤ គ្រឿង
៣. ដាវចំនួន០២ដើម
៤. សំភារសំរាប់ជក់គ្រឿងញៀនមួយចំនួនធំ។
បច្ចុប្បន្ន ស្ត្រីឈ្មោះ ខឿន ផាត់យ៉ា រួមទាំងវត្ថុតាងកម្លាំងជំនាញប្រឆាំងគ្រឿងញៀនស្រុកប្រគល់កម្លាំងជំនាញផ្នែកប្រឆាំងគ្រឿងញៀនខេត្តត្បូងឃ្មុំ យកទៅចាត់ការបន្តតាមនីតិវិធី ៕
ដោយ កិះ ខន ក្រចេះ