ភ្នំពេញ៖ កាលពីពេលថ្មីៗនេះ មានការភ្ញាក់ផ្អើលចាប់អារម្មណ៍ពេញហ្វេសប៊ុក អំពីករណីយ៍មានបុរសម្នាក់បានប្រើប្រាស់គ្រឿងញៀនរហូតដល់បែកថ្នាំ និងធ្វើសកម្មភាពដើរអុកឡុកគេតាមដងផ្លូវមុនីវង្ស និងបង្កឲ្យមានការភ្ញាក់ផ្អើលត្រូវ៉ូលិសចាប់វ៉ៃខ្នោះហើយត្រូវបានគេថតបង្ហោះហើយបានស្លាប់នៅថ្ងៃកើតហេតុ។
តាមរយៈប្រភពនៃគ្រួសារមិត្តដែលបានបង្ហោះកាលពីប៉ុន្មានម៉ោងមុននេះសពយុវជននោះត្រូវបានគេស្គាល់ថាឈ្មោះ គឹម ភារុណ ហៅផ្លយ អាយុ២៣ដែលជាតារាកំប្លែង និងជាអ្នកចម្រៀងតាមការប្រគុំតន្ត្រីជាច្រើន កាលពីជាច្រើនឆ្នាំកន្លងផុតទៅនោះដែរ។
ដោយសារតែអាជីពមួយនេះមិនដំណើរទៅមុខ លោកក៏បានផ្លាស់ប្តូរមករកស៊ីលក់ឥវ៉ាន់តាមហ្វេសប៊ុកវិញ មកទល់នឹងសព្វថ្ងៃនេះវិញយ៉ាងដូច្នោះ។ក្រោយពីបានទទួលដំណឹងនេះបានធ្វើឲ្យមិត្តរបស់លោកជាច្រើននាំគ្នាសោកស្តាយគ្រប់គ្នាតែម្តង ដោយមិននឹកស្មានថាមានរឿងបែបនេះ កើតឡើងលើរូបលោកសោះឡើយ។
គួររំលឹកថា នៅថ្ងៃកើតហេតុកាលពីម៉ោង៩និង១០នាទីព្រឹក ថ្ងៃទី៣១ សីហា ខាងមុខក្រសួងសង្គមកិច្ច អតីតយុទ្ធជន និងនីតិសម្បទា តាមបណ្តោយផ្លូវព្រះមុនីវង្ស ក្នុងខណ្ឌចំការមន កន្លងមកនេះ។ បុរសរងគ្រោះដោយមិនមានអ្នកណាម្នាក់បានដឹង និងស្គាល់អត្តសញ្ញាណរូបគេឡើយ ហើយក៏មិនដឹងថា រូបគេដើរមកពីណាដែរ?
លុះមកដល់ចំណុចខាងលើ ដោយរូបគេមានអាការៈបែកថ្នាំនោះ រូបគេក៏យកដុំថ្មដើរដេញវាយ និងគប់ទៅលើរថយន្ត ព្រមទាំងអ្នកដំណើរតាមផ្លូវមានការភ័យខ្លាចគ្រប់ៗ និងខ្លាចបង្កការគ្រោះថ្នាក់ដល់គេ ហើយលោកក៏បានចុះមកដល់ និងចាប់ចងក្នុងបំណងបញ្ជូនទៅកាន់ខាងមន្ទីរសង្គមកិច្ច។តែពេលដឹកទៅពេទ្យគេបានស្លាប់ដោយសារពុលថ្នាំញៀនកំរឹតខ្ពស់?៕
