កំពង់ឆ្នាំង ៖ លោក មាន ចំរើនអ្នកកាសែតកូនខ្មែរម្ចាស់ប្រទេសត្រូវបានលោកទីមុនិន្ទព្រះរាជអាជ្ញារងតុលាការខេត្តកំពង់ឆ្នាំងកោះហៅឲ្យចូលខ្លួនថ្ងៃទី៤កញ្ញាដើម្បីបំភ្លឺរឿងបរិហាកេរ្តិ៍ ។ ការកោះហៅអ្នកកាសែតក្រោមបទចោទរឿងបិរហាកេរ្តិ៍បានធ្វើឲ្យគេសង្កេតឃើញករណីយ៍រឿងតុលារការខេត្តកំពង់ឆ្នាំងខ្លាំងខាងចាត់វិធានការផ្លូវច្បាប់អនុវត្តមកលើក្រុមអ្នកសារពត៌មានដែលហ៊ានសរសេរ រិះគន់ ផ្សាយពីអំពើអសកម្មនានា ឬភាពអយុត្តិធម៌ក្នុងសង្គម ដែលពួកអ្នកមានអំណាច មានលុយ មានឥទ្ធិពលប្រព្រឹត្តមកលើពលរដ្ឋទន់ខ្សាយ.។
រឿងចឹង មិនមែនទើបតែមាន ១ករណី នេះទេ គឺស្ថាប័នតុលាការខេត្តកំពង់ឆ្នាំងជាប់ចំណាត់ថ្នាក់លេខ១ ខាងចាត់ការ លើបណ្តឹងចំពោះអ្នកសារព័ត៌មាននានា តាំងពីជំនាន់លោក ពេញ វិបុល នៅកាន់តំណែងជាព្រះរាជអាជ្ញាមកម្ល៉េះ ប៉ុន្តែគ្មានឃើញមានចំណាត់ការទប់ស្កាត់បង្ក្រាបអោយមានប្រសិទ្ធិភាពទៅលើ ក្រុមជនល្មើសដែលបានប្រព្រឹត្តបទល្មើសគ្រប់ប្រភេទ ( បទល្មើសព្រៃឈើ , បទល្មើសនេសាទ , បទល្មើស គ្រឿងញៀន , បទល្មើសចោរលួច , ឆក់ប្លន់សម្លាប់ ….)ឡើយ។ ឧទារហ៍ជាក់ស្តែងដូចជា ករណីបាញ់សម្លាប់លោក សឹង ហាត មេព្រៃនៅក្តុល។ ករណីបាញ់សម្លាប់ថៅកែទឹកសុទ្ធនៅស្រុកទឹកផុស។
ករណីបាញ់សម្លាប់យុវជនម្នាក់ធ្លាយពោះវៀន ដែលកើតមានឡើងក្នុងទឹកដីខេត្តកំពង់ឆ្នាំង តែមិនត្រូវបានស្ថាប័នតុកាការខេត្តនេះចាត់វិធានការផ្លូវច្បាប់ ដើម្បីចាប់ជនដៃដល់ ឬ ជនប្រព្រឹត្តបទល្មើសយកមកផ្តន្ទាទោសតាមច្បាប់ បាន១ករណីណានៅឡើយទេ ។
ដូច្នេះសូមអ្នកសារព័ត៌មានទាំងអស់ដែលបាននឹងកំពុងបំពញភារកិច្ច បំរើសង្គមជាតិ និង ពលរដ្ឋ នៅទូទាំងប្រទេស ពិសេសអ្នក កាសែតនៅក្នុងខេត្តកំពង់ឆ្នាំង រួមសាមគ្គីគ្នា ហ៊ានចេញមុខ សរសេរព័ត៌មានការពិត ដោយផ្អែកទៅលើច្បាប់ ស្តីពីរបបសារព័ត៌មាន ក្រមសីលធម៌ វិជ្ជាជីវៈអ្នកសារព័ត៌មាន ដែលច្បាប់រដ្ឋធម្មនុញ្ញ ឆ្នាំ ១៩៩៣ បានចែងកំណត់ ជាគ្រឹះដ៏រឹងមាំ និងជាអាវក្រោះការពារតាមផ្លូវច្បាប់ សំរាប់អ្នកសារព័ត៌មានគ្រប់រូប ក្នុងការឈរតតាំងគ្នាចំពោះមុខស្ថាប័នអយ្យការ ព្រោះពលរដ្ឋ គ្រប់រូបមានសិទ្ធិស្នើភាពគ្នាចំពោះមុខច្បាប់ ក្នុងសង្គមប្រកាន់យករបបសេរី លទ្ធិប្រជាធិបតេយ្យ ។
ដូច្នេះយើងទាំង អស់គ្នា នឹងតាម ឃ្លាំមើលនៃការវិវត្តដំណើរការនិតិវិធី របស់ស្ថាប័នអយ្យការ សាលាដំបូងខេត្តកំពង់ឆ្នាំង ចំពោះករណី លោក មាន ចំរើន បន្តទៅទៀត ៕
