ឯកឧត្តម សរ ចំរុង អភិបាលនៃគណៈអភិបាលខេត្តក្រចេះ បានអញ្ជើញជួបសំណេះសំណាលជាមួយ លោកគ្រូ អ្នកគ្រូ និងគរុសិស្ស គ្រូបឋមសិក្សា១២ បូក១ ជំនាន់ទី ៣៣ និង៣៤ នែសាលាគរុកោសល្យខេត្ត។ ដោយឯកឧត្តម បានសម្តែងនូវការយកចិត្តទុកដាក់យ៉ាងខ្លាំងក្លាពីសំណាក់រាជរដ្ឋាភិបាលក៏ដូចជាអាជ្ញា ធរខេត្តចំពោះវិស័យអប់រំពិសេសក្នុងការបណ្ដុះបណ្ដាលធនធានមនុស្ស និងដើម្បីឆ្លើយតបទៅនឹងតម្រូវ ការរបស់សង្គមជាតិនាពេលបច្ចុប្បន្ន។
ស្របពេលដែលប្រមុខរាជរដ្ឋាភិបាលបានកំណត់យកធនធានមនុស្សជាអាទិភាពជាចំបង ដូច្នេះហើយដើម្បីបានមនុស្សល្អ ក្នុងការបំរើសង្គមជាតិ គឺចាំបាច់ត្រូវការបណ្ដុះបណ្ដាលធនធានមនុស្ស ទាំងស្មារតី ទាំងបញ្ញា ទាំងកាយសម្បទាអោយបានល្អ ដូចជាពេលនេះដែលប្អូនៗ ក្មួយៗជាគរុសិស្សកំពុងស្ថិតក្នុងការបណ្ដុះបណ្ដាលនេះ គឺជាមូដ្ឋានគ្រឹះនៃការយល់ដឹង ដើម្បីងាយស្រួលក្នុងការបង្រៀនបន្តអោយមានលំនឹងច្បាស់លាស់ ។
ឯកឧត្តម សរ ចំរុង អភិបាលនៃគណៈអភិបាលខេត្ត មានប្រសាបន្តថា បច្ចុប្បន្នប្រទេសជាតិបានទទួលនូវសុខសន្តិភាពពេញលិញ និងមានការអភិវឌ្ឍន៏រីចំរើនលើគ្រប់វិស័យ ដែលជាឪកាសដ៏ប្រពៃសម្រាប់ ប្អូនៗ ក្មួយៗចាប់យកចំណេះដឹងសម្រាប់ជីវិត្តតាមរយៈនែការសិក្សាគ្រប់កំរិត ជាពិសេសការបណ្ដុះបណ្ដាលជំនាញ បច្ចេកទេសពិតប្រាដក ដែលជាមូលដ្ឋានគ្រឹះដ៏រឹងមាំ សម្រាប់យកទៅចូលរួមបំរើ សង្គមជាតិ ក៏ដូចជាការយកទៅប្រកបរបបផ្សេងៗដើម្បីទ្រទ្រង់ក្នុងជីវភាពគ្រួសារ ។
យោងតាមរបាយការណ៏របស់លោក នាយកសាលាគរុកោសល្យបានអោយដឹងថា ការងារបណ្ដុះបណ្ដាលគរុសិស្ស ដែលចូលមកបណ្ដុះបណ្ដាលនៅសាលាគរុកោសល្យក្នុងឆ្នាំ២០១៥-២០១៦នេះ ត្រូវជ្រើរើសយកនិទេស A B C អោយចូលរៀនដោយស្វ័យប្រវត្តិចំនួន ៣៧ និងប្រឡងជ្រើរើសយកបន្ថែម ចំនួន ៦នាក់ ។
សាលាបានបណ្ដុះបណ្ដាលមានចំនួន ៣៤ វគ្ក ចេញទៅបំរើការងារនៅតាមមូលដ្ឋានមាន ៣២វគ្គ មានគ្រួសរុប ១៩៥៩នាក់ នៅឆ្នាំសិក្សា ២០១៥-២០១៦នេះបានបញ្ចាប់វគ្គបណ្ដុះបណ្ដាលជំនាន់ ទី៣៣ មានគរុសិស្ស ៤៣ នាក់ ។
លោកក៏បានបញ្ជាក់ពីការខិតខំប្រឹងប្រែងរបស់លោកគ្រូ អ្នកគ្រូ ទាំងអស់បានខិតខំតស៊ូព្យាយាមប្រយុទ្ធគ្រប់ការលំបាក និងភាពសាំញ៉ាំជាច្រើន ដើម្ប់ឆ្លើយតបនិងគុណូបការៈរបស់រាជរដ្ឋាភិបាល អាជ្ញាធរដែនដី អង្គការក្រៅរដ្ឋាភិបាល ដែលបានយកចិត្តទុកដាក់ចំពោះវិស័យអប់រំ ពិសេសក្នុងការបណ្ដុះបណ្ដាលធនធានមនុស្ស និងដើម្បីឆ្លើយតបទៅនឹងតម្រូវ ការរបស់សង្គមជាតិ នាពេលបច្ចុប្បន្ន ៕
ដោយ កិះ ខន
