ភ្នំពេញ៖ នៅថ្ងៃទី៣១ ខែសីហា ឆ្នាំ២០១៨នេះ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជាបានទូលថ្វាយព្រះមហាក្សត្រស្នើសុំដាក់នាយនគរបាលជាន់ខ្ពស់ចំនួន១០រូបឲ្យចូលនិវត្តន៍។
នាយនគរបាលជាន់ខ្ពស់ទាំង១០រូបដែលត្រូវដាក់ឲ្យចូលនិវត្តន៍រួមមាន៖ នាយឧត្តមសេនីយ៍ម៉ៅប៊ុនណារិនអគ្គនាយកអគ្គនាយកដ្ឋានភស្តភាហិរញ្ញកិច្ចក្រសួងមហាផ្ទៃ, នាយឧត្តមសេនីយ៍ សុខ ផលអគ្គនាយកនគរបាលអន្តោប្រវេសន៍, នាយឧត្តមសេនីយ៍ ម៉ៅ ច័ន្ទតារាអគ្គនាយកនគរបាលអត្តសញ្ញាណកម្ម, នាយឧត្តមសេនីយ៍ ថោង សំអាត, នាយឧត្តមសេនីយ៍ ផាង ពៅ, នាយឧត្តមសេនីយ៍ មួន សារ៉ន, នាយឧត្តមសេនីយ៍ សួស អង្គារ៍,នាយឧត្តមសេនីយ៍ជួនសុវណ្ណអគ្គនាយករងនគរបាលជាតិនិងជាស្នងការនគរបាលរាជធានីភ្នំពេញ, នាយឧត្តមសេនីយ៍ ឯម សំណាង និងនាយឧត្តមសេនីយ៍ លី គឹមឡុង ។
ជាមួយគ្នានោះដែរប្រមុខរាជរដ្ឋាភិបាលអាណត្តិទី៦នាថ្ងៃទី៦កញ្ញាឆ្នាំ២០១៨បានទូលស្នើសុំតែងតាំងនាយឧត្តមសេនីយ៍កងសុខនអតីតអគ្គលេខាធិការរងអាជ្ញាធរគ្រឿងញៀនឲ្យទទួលជាអគ្គនាយកនគរបាលអត្តសញ្ញាណកម្ម។តម្លើងនាយឧត្តមសេនីយ៍គៀតចន្ទរិទ្ធទៅជាអគ្គនាយកនគរបាលអន្តោប្រវេសន៍ជំនួសនាយឧត្តមសេនីយ៍សុខផល។
តែងតាំងឯកឧត្តមសេងសំអាន់ទីប្រឹក្សាសម្តេចក្រឡាហោមជាអគ្គនាយកអគ្គនាយកដ្ឋាននគរបាលភស្តុភានិងហិរញ្ញកិច្ចក្រសួងមហាផ្ទៃជំនួសលោកឧត្តមសេនីយ៍ម៉ៅប៊ុនណារិន។សម្រាប់នាយនគរបាលជាន់ខ្ពស់ទាំង១០រូបដែលដាក់ឲ្យចូលនិវត្តន៍នឹងទទួលបានតួនាទីអ្វីវិញនៅឡើយទេ។មានការវាយតម្លៃថាស្នងការនគរបាលរាជធានីភ្នំពេញនឹងធ្លាក់ក្នុងដៃឧត្តមសេនីយ៍សថេតបច្ចុប្បន្នជាអគ្គស្នងការរងនគរបាលជាតិឬក៏លោកឧត្តមសេនីយ៍សុខាបុត្រាសម្តេចក្រឡាហោមប្រសិនបើនាយឧត្តមសេនីយ៍នេតសាវឿនមិនទាន់ត្រូវដាក់ឲ្យចូលនីវត្តន៍៕
