ភ្នំពេញ៖ លោក ស្រី ម៉ាកនី ព្រះរាជអាជ្ញារង អមសាលាដំបូងរាជធានីភ្នំពេញ បានសម្រេចដោះលែងលោកថៅកែរោងចក្រផលិតគ្រឿងសំអាង ក្លែងក្លាយឲ្យត្រឡប់ទៅផ្ទះវិញកាលពីរសៀលថ្ងៃទី២៩សីហាក្រោយពីសាកសួទៅរកកំហុសមិនឃើញ?។
ប្រភពីមន្ត្រីតុលាការបានឲ្យដឹង ថៅកែរោងចក្រគ្រឿងសំអាងក្លែងក្លាយ ដែលលោក ស្រី ម៉ាកនី ដោះលែងនោះមានឈ្មោះ អ៊ុច សម្បត្តិ ភេទប្រុស អាយុ៣៣ឆ្នាំ រស់នៅផ្ទះលេខ១ ផ្លូវQ6 សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ។
សូមបញ្ជាក់ថា កាលពីថ្ងៃទី២៧ ខែសីហា ឆ្នាំ២០១៨កន្លងទៅ កម្លាំងនគរបាលប្រឆាំងបទល្មើសសេដ្ឋកិច្ច ដឹកនាំរបស់លោកឧត្តមសេនីយ៍ឯក ចាន់ វ៉ាន់ធឿន ប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ច មានការសហការជាមួយមន្ត្រីក្រសួងសុខាភិបាល និងអាជ្ញាធរមូលដ្ឋាន ក្រោមការសម្របសម្រួលរបស់លោក ស្រី ម៉ាកនី ព្រះរាជអាជ្ញារងអមសាលាដំបូងរាជធានីភ្នំពេញផង បានចុះប្រតិបត្តិការបង្ក្រាបរោងចក្រ ផលិត និងស្តុកគ្រឿងសម្អាង ក្លែងក្លាយ មួយកន្លែង ស្ថិតនៅផ្ទះលេខ១ ផ្លូវQ6 សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ។
នៅក្នុងប្រតិបត្តិការបង្ក្រាបនោះ កម្លាំងសមត្ថកិច្ចចម្រុះក៏បានរកឃើញ និងដកហូតភស្តុតាងមួយចំនួន រួមមាន៖ ឡេ ក្រែម សាប៊ូ និងវត្ថុធាតុដើមជាច្រើនទៀតសរុបចំនួន ១៧មុខខមានទម្ងន់ប្រមាណ ៤.៥តោន (៤តោនកន្លះ) និងម៉ាស៊ីនលាយ ម៉ាស៊ីនច្រក ម៉ាស៊ីនអ៊ុត ម៉ាស៊ីនកាត់ និងម៉ាស៊ីនបាញ់ខ្យល់ ជាច្រើនគ្រឿងផងដែរ។ប៉ុន្តែមិនដឹងថាលោកឧត្តមសេនីយ៍វ៉ានចាន់ធឿនមេនគរបាលប្រឆាំងបទល្មើសសេដ្ឋកិច្ចធើការល្ម៉េចរកភស្តុតាងដាក់បន្ទុកមិនបានឬមកពីថៅកែមានខ្សែដុល្លារឬពួកក្នុងបក្សធំពេកទើបលោក ស្រី ម៉ាកនី ព្រះរាជអាជ្ញារង អមសាលាដំបូងរាជធានីភ្នំពេញមិនចោទប្រកាន់ហើយដោះលែងវិញបាត់?។
ប៉ុន្តែកាលពីព្រឹកថ្ងៃទី២៨សីហាលោកស្រី ម៉ាក់នី ព្រះរាជអាជ្ញារងតុលាការសាលាដំបូងរាជធានីភ្នំពេញ សម្រេចធ្វើការចោទប្រកាន់ជនជាតិចិនម្នាក់ ដែលជាម្ចាស់ទីតាំងលួចផលិតសាប៊ូ និង គ្រឿងក្រអូបក្លែងជាផ្លូវការ ក្រោមបទធ្វើត្រាប់តាមពាណិជ្ជសញ្ញា សេវាសញ្ញា ម៉ាក តាមសមូហភាព ឬ ពាណិជ្ជនាមរបស់សហគ្រាស និងនាំចូលចែកចាយ ផលិតផលគ្រឿងសំអាង ពុំមានចុះបញ្ជីការ ពីក្រសួងសុខាភិបាល ។
បទល្មើសនេះប្រព្រឹត្តនៅក្នុងឃ្លាំងលេខ៨៧ ភូមិជ្រៃកោង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ កាលពីថ្ងៃទី២៥សីហាដែលបទល្មើសនេះ មានបញ្ញត្តិឲ្យផ្តន្ទាទោស តាមមាត្រា៦៥ នៃច្បាប់ស្តីពីម៉ាកពាណិជ្ជនាម និង អំពើនៃការប្រកួតប្រជែងមិនស្មោះត្រង់ និងបទល្មើស ដែលមានបញ្ញត្តិឲ្យផ្តន្ទាទោសតាមមាត្រា១០ នៃច្បាប់ស្តីនៃការគ្រប់គ្រងឱសថ ។
តំណាងអយ្យការបានសម្រេចបើកការស៊ើបអង្កេត សាកសួរលើឈ្មោះ Zou Zhiqian ភេទប្រុស អាយុ៤៤ឆ្នាំ ជាជនជាតិចិន និងបានចោទប្រកាន់ជាផ្លូវការ ហើយបានចាត់បញ្ជូនទៅចៅក្រមសើបសួរសម្រេចតាមច្បាប់បន្ត ។ដោយសារចឹងហើយបានឆ្ងល់នោះ?៕
