ខេត្តពោធិ៍សាត់ ៖ រថយន្តយីឌុបសកម្មដឹកកូនឈើមិនទាន់គ្រប់អាយុនិងអុសស្រស់ៗនៅលើដងផ្លូវជាតិលេខ៥៥នោះត្រូវបានកម្លាំងកងរាជអាវុត្ថលើផ្ទៃប្រទេសស្ទាក់ចាប់បាននៅវេលាម៉ោង១១និង៣៥នាទីកាលពីយប់ថ្ងៃទី២៥ ខែសីហា ឆ្នាំ២០១៨ នៅចំណុចភូមិវានិន្ទ្រា ឃុំសំរោង ស្រុកភ្នំក្រវាញ ខេត្តពោពិសាត់។
រថយន្តយីឌុបនេះពាក់ស្លាកលេខភ្នំពេញ4A.1926ដឹកឈើអុសស្រស់ៗនិងឈើចុងមួយតឹកជារបស់មេឈ្មួញរកស៊ីដឹកអុសដ៏សកម្មម្នាក់ឈ្មោធារ៉ានៅរាជធានីភ្នំពេញ ដែលល្បីខាងរត់ការបង់លុយស្ងាត់ៗឲ្យមេៗទើបគេមិនដែលឃើញសមត្ថកិច្ចណាក្នុងខេត្តពោធិ៍សាត់ហ៊ានចេញមុខចុះមកបង្ក្រាបនោះឡើយ។
ប្រជាពលរដ្ឋបានសម្តែងការកោតសសើចំពោះកម្លាំងកងរាជអាវុធហត្ថលើផ្ទៃប្រទេសដែលបានបង្ក្រាបរថយន្តរបស់មេឈ្មួញឈើដ៏ល្បីលើដងផ្លូវជាតិលេខ៥ជាយូណាស់មកហើយនេះដោយសង្ឃឹម សមត្ថកិច្ចនឹងអនុវត្តច្បាប់អោយមានប្រសិទ្ធភាពបំផុត។
អ្នកយកព័ត៌មានយើងនៅបន្តតាមធ្វើការសិក្សានិងស្រាវជ្រាវព័ត៌មានពិត មកបន្តចុះផ្សាយ រិះគន់ដើម្បីស្ថាបនា និងចូលរួមដល់កំណែទម្រងស៊ីជម្រៅរបស់ប្រមុខរដ្ឋាភិបាល ដែលមន្ត្រីក្នុងតួនាទីជាអ្នកបំរើរាស្ត្រ ត្រូវគោរពនិងអនុវត្ត និងគោរពនូវអនុសាសន៍ ដ៏ខ្ពងខ្ពស របស់សម្ដេចតេជោ ហ៊ុនសែនដែលបានចេញនូវអភិក្រម៥ចំណុចគឺ ងូតទឹក ដុសក្អែល ឆ្លុះកញ្ចក់ ព្យាបាល និងវះកាត់ ៕
