ខេត្តរតនគិរី ៖ សមត្ថកិច្ចកងរាជអាវុធហត្ថ ៧៨១ បានបង្ក្រាបរថយន្តដឹកឈើដឹកប្រណីត១គ្រឿង ម៉ាក រថយន្តបាឡែន ដឹកប្រណីតប្រភេទធ្នុងពេញប្រៀប ចេញពីព្រំប្រទល់ខេត្តស្ទឹងត្រែង ត្រូវបានកម្លាំងប៉េអឹមស្នាក់ការ ៧៨១ ធ្វើការបង្ក្រាបបាននៅក្បែរស្នាក់ការតែម្តង នៅភូមិ៣ ឃុំក្រពាំងក្រហម ស្រុកកូនមុំ ខេត្តរតនគីរី ។
ហេតុការណ៍បង្ក្រាបរថយន្តដឹកឈើនេះ នៅវេលាម៉ោង ៨ និង ១៨ នាទី យប់ថ្ងៃទី ២៨ ខែមិថុនា ឆ្នាំ ២០១៦ កម្លាំងប៉េអឹមចាប់រថយន្តខាងលើនេះ ម៉ាកបាឡែន ពណ៌ទឹកប្រាក់ ពាក់ស្លាកលេខ ភ្នំពេញ ២ x ១៣៦៥ ។
លោកអនុសេនីយ៍ ហង្ស វុទ្ធី ជាជំនួយការស្នាក់ការ ៧៨១ បានឲ្យដឹងថា ខណៈពេលឆែកេឆររថយន្ត បានរកឃើញស្លាកលេខមួយទៀត នៅក្នុងរថយន្តដឹកបទល្មើស ភ្នំពេញ ២Z ៦០៦១ បច្ចុប្បន្ន កម្លាំងកងរាជអាវុធហត្ថបញ្ជូនមកឲ្យជំនាញរដ្ឋបាលព្រៃឈើស្រុកលំផាត់ចាត់ការបន្តតាមនីតិវិធីច្បាប់ព្រៃឈើ ៕