ភ្នំពេញ ៖ ទីតាំងអ៊ិនធឺរណេតបង្កប់ល្បែងស៊ីសងបើក២៤ម៉ោងលើ២៤ម៉ោងស្ថិតនៅតាមបណ្ដោយផ្លូវលេខ៣៧១ ក្នុងសង្កាត់ស្ទឹងមានជ័យ៣ ខណ្ឌមានជ័យបាននិង កំពុងបើកលេងបានយ៉ាងសប្បាយនិងរលូនដោយមិនរំខានពីអាជ្ញាធរមានសមត្ថកិច្ចមូលដ្ឋានឡើយ ដែលគេជឿថាវាជាឆ្នាំងបាយ។
ប្រជាពលរដ្ឋនិយាយថាមូលដ្ឋានខណ្ឌមានជ័យដែលមានលោក ពេជ្យ កែវមន្នី ជាអភិបាលខណ្ឌ និងលោក តេង សុីណូ ជាអធិការនគរបាលខណ្ឌ ហាក់ដូចជាបើកដៃអោយក្រុមអ្នកកាងល្បែងស៊ីសងទាំងនេះដើរបើកទីតាំងល្បែងស៊ីសងគ្រប់ប្រភេទជាច្រើនកន្លែងនៅក្នុងមូលដ្ឋានរបស់ខ្លួនខុសច្បាប់ ។
បើតាមប្រជាពលរដ្ឋ នៅក្នុងមូលដ្ឋានខណ្ឌមានជ័យមានទីតាំងបង្កប់ល្បែងសសងគ្រប់ប្រភេទដូចជា អ៊ិនធ័រណេត២៤ម៉ោងលើ២៤ម៉ោង, ឆ្នោតវៀតណាម និងល្បែងស៊ីសងហ្គេមបាញ់ត្រីជាច្រើនប្រភេទទៀតដែលមានក្នុងខណ្ឌមានជ័យ ហើយបើកលេងបានយ៉ាងរលូន។
