កំពង់ធំ៖ មេបញ្ជាការងកងអាវុធហត្ថស្រុកសន្ទុក និងជាប្រធានស្នាក់ការសន្តិសុខ៦០១ បានបើកឡានគេចបាត់ស្រមោលមិនទទួលខុសត្រូវបន្ទាប់ពីបានបុកកិនស្លាប់មនុស្ស២នាក់ កាលពីថ្ងៃ២៥ ខែសីហា ឆ្នាំ២០១៨ លើផ្លូវទំនប់ ចំណុចទឹកវឹល ភូមិផ្លុង ឃុំទីពោធិ៍ ស្រុកសន្ទុក ខេត្តកំពង់ធំ ។
គេបាន ឃើញ រថយន្តម៉ាកឡិចស៊ីចLx470 ពណ៌ស ផ្លាកលេខ កំពង់ធំ 2B.0601 បើកបរទិសដៅពីកើតទៅលិច បើកក្នុងល្បឿនលឿនលុះដល់ចំណុចកើតហេតុ ក៏បាន បុកជាមួយម៉ូតូ ម៉ាក ហុងដា C125 ពណ៌ខ្មៅ ស្លាកលេខ កំពង់ធំ 1J.5120 បើកបរទិសដៅពីលិចទៅកើត ពេញ ទំហឹង បណ្តាល អោយ ឈ្មោះគង់ មករា ភេទប្រុស អាយុ១៨ឆ្នាំ នៅភូមិតាំងក្រសាំង ឃុំតាំងក្រសាំង ស្រុកសន្ទុក ខេត្តំពង់ធំ ពាក់មួកសុវត្ថិភាព ស្លាប់នៅកន្លែងកើតហេតុ អ្នករួមដំណើរឈ្មោះហេង.គឹម ហាន ភេទប្រុសអាយុ១៩ឆ្នាំ ភូមិវាំងខាងត្បូង ឃុំតាំងក្រសាំង ស្រុកសន្ទុក ខេត្តកំពង់ធំ ស្លាប់នៅកន្លែងកើតហេតុ (មិនពាក់មួកសុវត្ថិភាព) ។
ចំណែកអ្នកបើកបរ រថយន្តម៉ាកឡិចស៊ីចLx470 ពណ៌ស ផ្លាកលេខ កំពង់ធំ 2B.0601 បើកបរទិសដៅពីកើតទៅលិច ត្រូវបានគេស្គាល់ថាឈ្មោះ សួស សុវណ្ណា ភេទប្រុស អាយុ៤៩ឆ្នាំ នៅភូមិកំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ បញ្ជាការងកងអាវុធហត្ថស្រុកសន្ទុក និងជាប្រធានស្នាក់ការសន្តិសុខ៦០១ បើកគេចខ្លួនពីកន្លែងកើតហេតុ ។ចាំមើលចំណាត់ការតុលាការខេត្តកំពង់ធំគិចម៉េចរឿងចឹង៕