ខេត្តរតនគិរី ៖ ក្រោយមានការប្រតិកម្មពីអ្នកនិយមលេងបណ្តាញសង្គមហ្វេសប៊ុក ទាក់ទងនឹងឃ្លីបវីដេអូបណ្តោយអោយក្មេងៗវាយគ្នារួចបង្ហោះលើបណ្តាញសង្គមហ្វេសប៊ុកនោះ និងដោយមានការមើលឃើញតាមបណ្តាញសង្គមហ្វេសប៊ុកនូវការរិះគន់ខ្លាំងៗថាអាណិតក្មេងណាស់ម្តាយឪពុកនៅឆ្ងាយទុកក្មេងឲ្យគេធ្វើបាប។
ខណៈនោះ អាជ្ញាធរក្រុងបានលុងក៏ចាត់ឲ្យអធិការក្រុង គឺលោក ហួត បូរី កោះហៅ អ្នកស្រី សេង ឡឹង ហៅចែវិតដែលមានអាស័យដ្ឋាននៅហាងនំបុ័ងសូរិយាក្នុងភូមិជ័យជំនះសង្កាត់ឡាបានសៀកក្រុងបានលុងខេត្តរតនគិរីមកឆ្លើយបំភ្លឺពីរឿងទាំងនេះផងដែរនៅថ្ងៃទី២៣ ខែសីហា ឆ្នាំ២០១៨នេះ ដោយមានការសម្របសម្រួុលពីលោកជាពេជ្រព្រះរាជអាជ្ញាអមសាលាដំបូងខេត្តរតនគិរី ។
ចែវិត ដែលមានអាយុ៤២ឆ្នាំជនជាតិខ្មែរ បានចេញមុខបកស្រាយបំភ្លឺព្រមទាំងនាំក្មេងមកជាមួយផងនៅអធិការនគរបាលក្រុងបានលុងហើយក៏បានបកស្រាយថាក្មេងៗទាំងអស់នោះបានដណ្តើមដបទឹកគ្នានិងប្រលែងលេងព្រោះក្មេងទាំងអស់នោះមានចំនួន១០នាក់ឯណោះហើយជាបងប្អួនជីដូនមួយនឹងគ្នា ចំពោះការថតរូបនោះទុកឲ្យម្តាយក្មេងៗមើលព្រោះក្មេងទាំងអស់រឹងពេកឃាត់មិនស្តាប់។
គាត់ក៏បានសារភាពថាគាត់ពិត្តជាខុសមែនដែលមិនបានឃាត់ក្មេងៗបែជាថតរូបទៅវិញ ៕
ក្រោយស្តាប់ការបកស្រាយរួចមកសមត្ថកិច្ចបានធ្វើការណែនាំ អប់រំរួចក៏អនុញ្ញាតអោយលោកស្រីត្រឡប់ទៅវិញ ដោយគ្រាន់តែធ្វើកិច្ចសន្យាមិនអោយមានករណីនេះកើតឡើងម្តងទៀតឡើយ។
ដោយ ៖ ចាប សំអាន
