ភ្នំពេញ ៖ លោកនាយឧត្តមសេនីយ៍មាស សុភា បេក្ខជនតំណាងរាស្ត្រពេញសិទ្ធិនៅមណ្ឌលព្រះវិហារ នៃគណបក្សប្រជាជនកម្ពុជាក្រោយពីការបោះឆ្និតចប់ បានដាក់ពាក្យលាលែង ទៅគណៈកម្មាធិការជាតិរៀបចំការបោះឆ្នោត (គ.ជ.ប.)ដើម្បីបើកច្រក លោកសួស យ៉ារ៉ា ដែលជាបេក្ខជនបម្រុងលេខរៀងទី១ នៅមណ្ឌលនេះបានចូលជំនួសវិញ។
នេះបើតាមលោកសោម សូរីដា អគ្គលេខាធិការរងគ.ជ.ប.ឲ្យដឹង។ ទោះជាយ៉ាងណា លោកនាយឧត្តមសេនីយ៍ ឈុំ សុជាតិ អ្នកនាំពាក្យយក្រសួងការពារជាតិបានប្រាប់ថាលោកក៏មិនដឹងថាក្រោយ ការលាលែងពីបេក្ខជនតំណាងរាស្ត្ររបស់លោកនាយឧត្តមសេនីយ៍ មាស សុភា គាត់នឹងត្រូវមកកាន់តួនាទីអ្វីនៅឡើយទេ គឺជាក់ស្តែងរង់ចាំការប្រកាសរដ្ឋាភិបាលថ្មី។
លោកសុខ ឥសាន អ្នកនាំពាក្យគណបក្សប្រជាជនកម្ពុជា បានពន្យល់ថា នៅពេលដែលជាប់ជាតំណាងរាស្ត្រហើយ បើគាត់ទៅធ្វើការនៅកន្លែងផ្សេង គឺត្រូវលាលាលែងហើយ និងអ្នកតំណាងរាស្ត្រដែលមានបញ្ជីឈ្មោះបន្ទាប់ត្រូវឡើងមកជំនួស។ នេះជាលក្ខការណ៍ការការងារដែលមានចែងនៅក្នុងច្បាប់។
អ្នកនាំពាក្យគណបក្សប្រជាជនកម្ពុជាលោកសុខ ឥសាន បានបញ្ជាក់ថា នឹងមានអ្នកតំណាងរាស្ត្រមួយចំនួនទៀត នឹងលាលែងពីតំណាងរាស្ត្រ ពីព្រោះសមាសភាពសមាជិកគណៈរដ្ឋមន្ត្រីមួយចំនួនចេញពីតំណាងរាស្ត្រ។សូមបញ្ជាក់ថាលោកនាយឧត្តមសេនីយ៍មាសសុភាមេបញ្ជាការកងទព័ជើងគោកលោកនាយឧត្តមសេនីយ៍គន់គីមនាយសេនាធិការចំរុះនិងនាយឧត្តមសេនីយ៍ប៉ុលសារឿនអគ្គមេបញ្ជាការកងទព័បានដាក់ពាក្យព្យួរការងារដើម្បីទៅឈរឈ្មោះជាតំណាងរាស្ត្ររបស់គណបក្សប្រជាជនកម្ពុជា។
តំណែងអគ្គបញ្ជារការត្រូវបានទួលជំនួសដោយលោកនាយឧត្តមសេនីយ៍សៅសុខា។ឯនាយសេនាធិការចំរុះនិងមេទព័ជើងគោកទទួលជំនួសដោយលោកឧត្តមសេនីយ៍ឯកហ៊ុនម៉ាណែតដែលត្រូវបានតម្លើងជាអគ្គមេបញ្ជារការរងកងទព័ភ្លាមៗដែរ។អាឡូវនេះគេឃើញវត្តមានានាយឧត្តមសេនីយ៍គន់គីមបង្ហាញមុខឡើងវិញក្នុងតួនាទីជានាយសេនាធិការចំរុះវិញហើយ។ឯនាយឧត្តមសេនីយ៍ប៉ុលសារឿននៅមានឈ្មោះជាតំណាងរាស្ត្រមណ្ឌលខេត្តព្រះសីហនុដដែល។ចឹងតើនាយឧត្តមសេនីយ៍មាសសុភាទៅណា?បើមេទព័ជើងគោកត្រូវឧត្តមសេនីយ៍ហ៊ុនម៉ាណែតកាន់កាប់ទៅហើយច្បាស់ជាមិនដូរចេញទេ?។
មានច្រកពីរសម្រាប់លោកនាយឧត្តមសេនីយ៍មាសសុភាដែលជាសមាជិកអចិន្ត្រៃគណបក្សនោះគឺរដ្ឋមន្ត្រីក្រសួងការពារជាតិបើលោកនាយឧត្តមសេនីយ៍ទៀបាញ់មិនក្រាញឬក័ជាអគ្គមេបញ្ជាការកងទព័កន្លែងដែលនាយឧត្តមសេនីយ៍សៅសុខាអង្គុយបច្ចុប្បន្នព្រោះសម្រាប់កងទព័ឧត្តមសេនីយ៍សៅសុខាគីឡូមិនទាំន់ដល់នៅឡើយទេ៕
