ភ្នំពេញ ៖ ថ្លែងនៅក្នុងកិច្ច ប្រជុំពិគ្រោះយោបល់ ជាមួយគណបក្ស នយោបាយ គណបក្សទាំង ១៦ក្នុងចំណោមគណបក្ស២០ដែលចូលរួមបោះឆ្នោត ជាលើកដំបូង នៅនៅវិមានសន្តិភាព រាជធានីភ្នំពេញ នាព្រឹកថ្ងៃទី២១ ខែសីហា ឆ្នាំ២០១៨ សម្ដេចតេជោ ហ៊ុន សែន នាយករដ្ឋមន្ដ្រីកម្ពុជា និងជាប្រធានគណបក្ស ប្រជាជនកម្ពុជា បានឲ្យដឹងថា ការអញ្ជើញមេបក្សៗនានាមកជួបជុំគ្នានេះ គឺមិនមែនមកឲ្យគាំទ្រ គោលនយោបាយ គណបក្សប្រជាជនកម្ពុជានោះទេ ។
លោក ផៃ ស៊ីផាន អ្នកនាំពាក្យទីស្ដីការ គណៈរដ្ឋមន្ដ្រី បានឲ្យដឹងតាមហ្វេសប៊ុក ថាក្នុងកិច្ចប្រជុំពិភាក្សាការងារ ជាមួយតំណាង គណបក្សនយោបាយដែលបានចូលរួមបោះឆ្នោត កាលពីថ្ងៃទី ២៩ កក្កដា ឆ្នាំ២០១៨ កន្លងមក សម្ដេចតេជោ ហ៊ុន សែន បានលើកឡើងថា ការបោះឆ្នោតបានកន្លងទៅទុកបញ្ហានោះមួយអន្លើ ដូច្នេះគណបក្ស នយោបាយអាចចូលរួមកសាង ប្រទេសជាតិជាមួយគ្នារាជរដ្ឋាភិបាល មិនយូរប៉ុន្មានទេ ការបោះឆ្នោត២០២២ នឹងមកដល់។
សម្ដេចតេជោបញ្ជាក់ថា “ការអញ្ជើញជួបជុំនេះ គឺមិនមែនមកគាំទ្រគោលការណ៍ នយោបាយ គណបក្សប្រជាជនកម្ពុជានោះទេ ហើយមិនមែនជាផលប្រយោជន៍ របស់រាជរដ្ឋាភិបាល នោះដែរ ប៉ុន្តែជាផលប្រយោជន៍ប្រជាពលរដ្ឋ”។
សម្តេចតេជោក៏បានពន្យល់ពីហេតុផលនៃការបង្កើត ឧត្តមក្រុមប្រឹក្សា ពិគ្រោះ និងផ្តល់យោបល់ ដែលជាយន្តការចូលរួមឆ្លើយតប និងផលប្រយោជន៍ប្រជាពលរដ្ឋ។ យន្តការថ្មីមួយនេះអាចហៅកាត់ថា “ឧត្តមក្រុមប្រឹក្សាពិគ្រោះ និងផ្តល់យោបល់” ។សូមបញ្ជាក់ក្នុងចំណោមគណបក្សចាញ់ឆ្នោតទាំង១៩គណបក្សប៤គឺគណបក្សប្រជាធិបតេយ្យមូលដ្ឋាន,គណបក្សសម្ពន្ធ័ដើម្បីលិទ្ធិប្រជាធិបតេយ្យ,គនបក្សខ្មែរឈប់ក្រនិងគណបក្សមាតុភូមិយើងមិនបានមកចូលរួមកិច្ចប្រជុំនេះទេ!៕