កំពង់ឆ្នាំង ៖ ប្រជាពលរដ្ឋនៅក្នុងក្រុងកំពង់ឆ្នាំង តាមបណ្តាសង្កាត់ទាំង៤ បាននិត្អូញត្អែរទាំងធុញទ្រាន់ បើទោះបីប្រមុខរដ្ឋាភិបាល សម្ដេចតេជោ ហ៊ុន សែន បានខិតខំដាក់ចេញនូវគោលនយោបាយ និងយុទ្ធសាស្ត្រកែទម្រង់ស៊ីជម្រៅ និងបានបញ្ចុះតម្លៃភ្លើងរហូតដែលអាចទទួលយកបាន។
នៅចន្លោះពេលពីម៉ោង៥ព្រឹកដល់ម៉ោង៧ជាងទៅហើយនៅព្រឹកថ្ងៃទី២១/សីហា/២០១៨នេះភ្លើងអគ្គីសនីនៅខេត្តកំពង់ឆ្នាំងពិសេសអគ្គីសនីព្រៃខ្មែរ បានមានការរអាក់រអួលចរន្តភ្លើង អគ្គីសនី(តង់ស្យុង សៀគ្វី)មិនគ្រប់វ៉ុល សូម្បីកង្ហាររបស់ចិន(កង្ហាពីដានស៊ីភ្លើងតិចបំផុត ក៏វិលមិនរួចដែរដែលជាហេតុបង្ករអោយឧបករណ៍អគ្គីសនីរបស់ប្រជាពលរដ្ឋទទួលរងនូវការឆេះខូចខាត ជាបន្តបន្ទាប់។តែមិនដែលឃើញខាងក្រុមហ៊ុនអគ្គីសនីពិសេសក្រុមហ៊ុនអគ្គីសនីកំពង់ឆ្នាំងទទួលខុសត្រូវចេញសងថ្លៃខូចខាតអោយប្រជាពលរដ្ឋម្ដងណាឡើយ។
ម្យាងវិញទៀតគីឡូភ្លើងចេះតែឡើងជាបន្តបន្ទាប់ជារៀងរាល់ខែ បើទោះជារាជរដ្ឋាភិបាលដែលមានសម្ដេចអគ្គមហាសេនាបតីតេជោហ៊ុនសែនបានជួយសម្រួលបញ្ចុះតម្លៃអគ្គីសនីអោយប្រជាពលរដ្ឋមានលទ្ធភាពប្រើប្រាស់ភ្លើងអគ្គីសនីអោយបានស្រួលដើម្បីជួយកាត់បន្ថយភាពក្រីក្ររបស់ប្រជាពលរដ្ឋយ៉ាងណាក៏ដោយ ។
ចំណែកខាងអាជ្ញាធរអគ្គីសនីកម្ពុជាវិញនៅពេលប្រជាពលរដ្ឋប្ដឹងតវ៉ាអំពីបញ្ហានៃការប្រើប្រាស់ភ្លើងរបស់ពួកគាត់មានភាពមិនប្រក្រតី គឺ(កុងទ័រ)គីឡូភ្លើងឡើងខុសធម្មតាម្ដងៗ ខាងអជ្ញាធរអគ្គីសនី កម្ពុជាមកពិនិត្យកុងទ័រជូនប្រជាពលរដ្ឋ ហើយរកកំហុសរបស់ក្រុមហ៊ុនអគ្គីសនីកពង់ឆ្នាំងមិនដែលឃើញម្ដងណាទេ ធ្វើអោយប្រជាពលរដ្ឋមានការឈឺចាប់រងទុក្ខវេទនាជាទីបំផុត ដោយសាតែខំប្រឹងធ្វើការ និងខំប្រឹងរកស៊ីមួយខែៗរកលុយសន្សំទុកសម្រាប់តែបង់ថ្លៃភ្លើងអគ្គីសនីស្ទើរតែមិនគ្រប់ផង ម្យ៉ាងវិញកាលពីភ្លើងនៅថ្លៃ១គីឡូវ៉ាត់ម៉ោង តម្លៃ១០៥០រៀលក៏ប្រើអស់ជាង១០ម៉ឺន/២០ម៉ឺន មានផ្ទះខ្លះប្រើអស់រហូតដល់៣០ម៉ឺន/40ម៉ឺនផងក៏មាន។លុះដល់ភ្លើងចុះថ្លៃមកត្រឹម១គីឡូវ៉ាត់ម៉ោងត្រឹមតែ៨៥០រៀលហើយក៏នៅតែប្រើអស់លុយច្រើនប្រហាក់ប្រហែលមុនដដែល។សួរថា៖តើទង្វើបែបនេះរបស់ក្រុមសហ៊ុនអគ្គីសនីកំពង់ឆ្នាំងដែលធ្វើមកលើប្រជាពលរដ្ឋតើយុត្តិធម៏ដែរឬទេ? តើអាជ្ញាធរខេត្តកំពង់ឆ្នាំង និងអាជ្ញាធរអគ្គីសនីម្ពុជាគួរគិតយ៉ាងណាចំពោះបញ្ហានេះ?។
ប្រជាពលរដ្ឋលក្ខខណ្ឌសុំមិនបញ្ចេញឈ្មោះ ពីព្រោះខ្លាចគេផ្តាច់ភ្លើងលែងបានប្រើ បានធ្វើការរិះគន់ថា កុងទ័រអគ្គីសនីរបស់ក្រមហ៊ុនអគ្គីសនី អ៊ុង សុវណ្ណនី អេឡិចទ្រីស៊ីធី ឌីវេឡុបមែន គឺមានភាពវ័យឆ្លាតណាស់ គឺវាចេះជួយរកចំណូលអោយថៅកែរបស់វា យ៉ាងពេញចិត្ត ។ពាក់ព័ន្ធព័ត៌មានខាងលើ នេះអ្នកយកព័ត៌មានយើងនៅមិនទាន់អាចទំនាក់ទំនងសុំការបំភ្លឺបាននៅឡើយទេ តំណាងក្រុមហ៊ុន អ៊ុង សុវណ្ណនី អេឡិចទ្រីស៊ីធី ឌីវេឡុបមែនបើទោះយ៉ាងណាប្រជាពលនៅតែបន្តរិះគុនយ៉ាងខ្លាំងនិងស្នើសុំអភិបាលនៃគណៈអភិបាលខេត្តកំពង់ឆ្នាំងឯកឧត្ដមឈួរ ចន្ទ័ឌឿនមេត្តាចាត់វិធានការអន្តរាគមន៏ជួយដល់ប្រជាពលរដ្ឋជាម្ចាស់ឆ្នោតផង ៕
