ក្រចេះ ៖ កម្លាំងអធិការនគរបាលស្រុកស្នួល ឃាត់ខ្លួនជនសង្ស័យ ដែលជាមុខសញ្ញារក្សាទុក និងចែកចាយគ្រឿងញៀនទ្រងទ្រាយធំម្នាក់ នៅស្រុកស្នួល និងដកហូតបានវត្ថុតាងគ្រឿងញៀនជាច្រើនកញ្ចប់។
សមត្ថកិច្ច បានឲ្យដឹងថា ជនសង្ស័យមានឈ្មោះ ផល ភារម្យ ភេទប្រុស អាយុ២៣ឆ្នាំ រស់នៅភូមិក្បាលស្នួល ឃុំស្នួល ស្រុកស្នួល ខេត្តក្រចេះ (ជាមុខសញ្ញាចាស់)។
លោកវរសេនីយ៍ទោ ចាន់ សុគីម អធិការនគរបាលស្រុកស្នួល បានឲ្យដឹងថា ការឃាត់ខ្លួនជនសង្ស័យខាងលើ គឺត្រូវបានធ្វើឡើងកាលពីយប់ថ្ងៃទី០៣ ខែកក្កដា ឆ្នាំ២០១៦ វេលាម៉ោង២០នឹង៣០នាទី ដោយកម្លាំងជំនាញអធិការដ្ឋាននគរបាលស្រុកស្នួល សហការជាមួយកំលាំងប៉ុស្តិ៍នគរបាលរដ្ឋបាលស្នួល និងដោយមានការចូលរួមពីលោក តាំ ម៉ាន ជំទុបឃុំស្នួល និងប្រជាការពារភូមិ បានធ្វើការត្រួតពិនិត្យរដ្ឋបាលតាមភូមិសាស្ត្រឃុំស្នួល ប្រទះឃើញមុខសញ្ញាសង្ស័យម្នាក់ឈ្មោះ ផល ភារម្យ ភេទប្រុស អាយុ២៣ឆ្នាំ រស់នៅភូមិក្បាលស្នួល ឃុំស្នួល ស្រុកស្នួល ខេត្តក្រចេះ (ជាមុខសញ្ញាចាស់) នៅចំនុចបន្ទប់ជួលលេខ០១ (ផ្ទះជួលរបស់ឈ្មោះ អី ចាន់ធីតា ភេទស្រី អាយុ៣៥ឆ្នាំ) ដោយមានការសង្ស័យកំលាំងយើងក៍សុំធ្វើការត្រួតពិនិត្យក្នុងបន្ទប់ជួលលេខ០១នោះ រកឃើញម្ស៉ៅក្រាមពណ៌សសង្ស័យជាគ្រឿងញៀនប្រភេទមេតំហ្វេតាមីនចំនួន០៤កញ្ចប់០១កញ្ខប់ធំ០២កញ្ចប់មធ្យម និង០១កញ្ចប់តូចម៉ែត្រថ្លឹងគ្រឿងញៀនចំនួន០១ថង់ប្លាស្ទីកសំរាប់ច្រកគ្រឿញៀនមួយចំនួនដែកកេះចំនួន០២ក្រដាស់អាលុយមីញ៉ូមមួយចំនួននិងទុយោចំនួន១០ វត្ថុតាងទាំងអស់ឆែកឆេររកឃើញនៅក្នុងបន្ទប់ជួលរបស់ឈ្មោះ ផល ភារម្យ (បន្ទប់លេខ០១) ។
លោកវរសេនីយ៍ទោ ចាន់ សុគីម បានបញ្ជាក់ថា បច្ចុប្បន្នជនមានតម្រុយឈ្មោះ ផល ភារម្យ រួមជាមួយវត្ថុតាងត្រូវបានឃាត់ខ្លួននិងនាំយកមកអធិការដ្ឋាននគរបាលស្រុកស្នួលដើម្បីកសាងសំណុំរឿងបញ្ជូនទៅការិយាល័យជំនាញខេត្តចាត់ការបន្តរតាមនីតិវិធី៕
សេង ម័រ ខេត្តក្រចេះ
