កំពង់ឆ្នាំង៖ កាលពីថ្ងៃពុធ ៤ កើត ខែស្រាពណ៍ ឆ្នាំច ព.ស ២៥៦២ ត្រូវនឹងថ្ងៃទី ១៥ ខែសីហា ឆ្នាំ២០១៨ កម្មវិធីអនុវិស័យរដ្ឋបាលដីធ្លីខេត្តកំពង់ឆ្នាំង (LASSP) បានរៀបចំពិធីបិទផ្សាយជាសាធារណៈ នូវឯកសារនៃការវិនិច្ឆ័យសម្រាប់ការចុះបញ្ជីដីធ្លីមានលក្ខណៈជាប្រព័ន្ធ នូវទិន្នន័យចំនួន ១៥៥៤ ក្បាលដី ដែលស្ថិតនៅភូមិទឹកជុំ ឃុំអភិវឌ្ឍន៍ ស្រុកទឹកផុស ខេត្តកំពង់ឆ្នាំង ក្រោមអធិបតីភាព ឯកឧត្តម អៀង វុធ អភិបាលរងខេត្ត និងជាតំណាងដ៏ខ្ពង់ខ្ពស់ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង។
នៅក្នុងឱកាសនោះផងដែរ ក៏មានការអញ្ជើញចូលរួមពី លោក លោកស្រី ប្រធាន/អនុប្រធានមន្ទីរ អង្គភាពពាក់ព័ន្ធ ស្ថាប័នមីក្រូហិរញ្ញវត្ថុ ធនគារ អង្គភាពពាក់ព័ន្ធ និងក្រុមការងារចុះបញ្ជីដីធ្លី មានលក្ខណៈជាប្រព័ន្ធ អាជ្ញាធរឃុំ ភូមិ ព្រមទាំងប្រជាពលរដ្ឋប្រមាណ ១៥៥ រូប ៕
