ភ្នំពេញ ៖ បុរស្នកបើឡានឡិចស៊ី៥៧០ស្កាកលេខរដ្ឋម្នាក់ត្រុវបាននគរបាលចាប់វ៉ៃខ្នោះព្រោះដកកាំភ្លើងភ្ចង់តៃកុងឡានស្ទូចដែលហ៊ានមកស្ទូចឡានខ្លួនដែលបង្កគ្រោះថ្នាក់ចរាចរ។
ករណីនេះវាផ្តើមចេញពីជនបង្កដែលគេជឿថាមានជាតិអាល់កុលបានបើករថយន្ដស៊េរីទំនើប (Lexus)570 ពាក់ស្លាកលេខរដ្ឋ (07-2-8989) ទៅបុកសួន និង បង្គោលភ្លើង នៅតាមបណ្ដោយផ្លូវជាតិលេខ៥ ចំណុចមុខវិទ្យាល័យឫស្សីកែវ ក្នុងភូមិមិត្តភាព សង្កាត់ឫស្សីកែវខណ្ឌឫស្សីកែវ កាលពីយប់ទាបភ្លឺ ថ្ងៃទី១៥ ខែសីហា ឆ្នាំ២ ០១៨ បណ្ដាលឲ្យ រងការខូច ខាតយ៉ាងដំណំ ហើយមិនព្រមឈប់ បែរជាព្យាយាមបើករត់ តែរត់មិនរួចដោយរថយន្តបែកកង់ក៏ទុកឡានចោលទៅរកជាង ។ បន្ទាប់ពីកើតហេតុប៉ូលិសចរាចរក្រុងក៏បានមកស្ទួចយករថយន្តបង្កទៅទុកដោះស្រាយគ្នានៅស្នងការ ។
ប្រភពពីសមត្តកិច្ចបានឲ្យដឹងថា ខណៈដែលកំពុងដឹក នាំយករថយន្តបង្កខាងលើ ធ្វើដំណើរដល់មុខវត្តទួល ភូមិគ្រោលគោ សង្កាត់គីឡូម៉ែត្រលេខ៦ រថយន្តស្ទូចដែលដឹករថយន្តទំនើង បើកឆ្លងកាត់ស្ពានថ្ម កំពុងសាងសង់មិនទាន់ហើយបើកឆ្លងកាត់មិនកើត ទើបសមត្ថកិច្ច ឲ្យរថយន្តខាងលើ បើកថយក្រោយ រកផ្លូវវាងវិញ រីឯរថយន្តសមត្ថកិច្ច ក៏បានទៅមុនបាត់ទៅ។
ស្រាប់តែ មានរថយន្តកូរ៉ូឡាមួយគ្រឿង ពណ៌ស្លែ ពាក់ស្លាកលេខ កណ្តាល 2A-1246 ជិះគ្នា២នាក់ ក្នុងនោះ ម្នាក់ជាម្ចាស់រថយន្តឡិចស៊ិស ៥៧០ ពាក់ស្លាកលេខរដ្ឋ បង្កបញ្ហាខាងលើផងដែរ បានចុះមកធ្វើសកម្មភាពស្ទាក់ចាប់ឃាត់ រថយន្តស្ទូច ដែលដឹករថយន្ត៥៧០ទំនើងនោះរួច ហក់ឡើងចូលកាប៊ីន ដកកាំភ្លើង ប៉េអាតា ភ្ជង់ក្បាល អ្នកបើកបរដកទាំងទូរស័ព្ទ បង្គាប់ឲ្យអ្នកបើកបររថយន្តស្ទូច បើកយករថយន្តខាងលើទៅទុក ផ្ទះគាត់ ស្ថិតនៅផ្ទះលេខ R02 ,04 ក្រុម១ ភូមិខ១ សង្កាត់ច្រាំងចំរេះ២ ខណ្ឌ ឫស្សីកែវ រាជធានីភ្នំពេញវិញ ។
ក្រោយមកទើបអ្នកបើកបររថយន្តស្ទូច មានលទ្ធភាព ទូរស័ព្ទប្រាប់ទៅសមត្ថកិច្ច។
ករណីខាងលើនេះ ត្រូវបានអភិបាល រាជធានី ភ្នំពេញ ឯឧ. ឃួង ស្រេង និង ស្នងការនគរ បាល រាជធានីភ្នំពេញ នាយ ឧ ត្តមសេនីយ៍ ជួន សុវណ្ណ បញ្ជា ឲ្យនគរបាល ចរាចរណ៍ ចុះទៅនាំយក រថយន្ដ ដែលបង្ករ ព្រម ទាំង ចាប់វាយខ្នោះ អ្នកបើករថ យន្ដ ស៊េរីដ៏ទំនើប និងបក្សពួក នាំយកមក ចាត់វិធានការ តាម ផ្លូវច្បាប់ យ៉ាងម៉ឺងម៉ាត់បំផុត។
នៅវេលាម៉ោង៨និង៣០នាទីព្រឹក ថ្ងៃទី១៥ ខែសីហា ពេលដែលកម្លាំងសមត្ថកិច្ចចុះទៅ ត្រូវបានម្ចាស់រថយន្តបង្កខាងលើ រារាំង ទើបសមត្ថកិច្ចឃាត់ខ្លួនជនល្មើសខាងលើបាន២នាក់ វាយខ្នោះ ។ចំណែកអាវុធខ្លីមួយដើម ដែលជនល្មើសប្រើធ្វើសកម្មភាពគម្រាមតៃកុងឡានស្ទូច សមត្ថកិច្ច សុំគោលការពីស្ថាប័ណ តុលាកា ជំនាញ បង្កើនកម្លាំងបន្ថែម ខណៈដែលជនល្មើសយកលាក់ទុកក្នុង សាក់កាដូ ក្នុងបង្គន់ ។
ប្រភពបន្តទៀតថាស្របពេលដែលកម្លាំងសមត្ថកិច្ចឡើងទៅយកកាំភ្លើងដែលជនល្មើសលាក់ទុកនៅក្នុងបន្ទប់ទឹកជាន់ទី១ ត្រូវប៉ះជាមួយ កម្មករសំណង់ជើងខ្លាំងម្នាក់ទៀត ជាបក្ខពួក កូនចៅរបស់ជនល្មើស រារាំងជាមួយសមត្ថកិច្ច ទើបកម្លាំងសម្រុកចូលទៅចាប់ឃាត់ កម្មករជើងខ្លាំងបានម្នាក់ទៀត ឈ្មោះ អុល ផានិត ភេទប្រុស អាយុ ២៥ ឆ្នាំ ។
សមត្ថកិច្ចឱ្យដឹងថា ជនសង្ស័យទាំង៣ដែលឃាត់ខ្លួន ទី១ឈ្មោះ ទ្រី ណារិន អាយុ៣៨ឆ្នាំ មុខរបរថៅកែកាប់ជ្រូក ជាអ្នកបើកបររថយន្ដស៊េរីទំនើប (Lexus)570 ពាក់ស្លាកលេខរដ្ឋ (07-2-8989)និងទី២ឈ្មោះ ស្រ៊ុន ពិសិដ្ឋ អាយុ៣០ឆ្នាំ មុខរបរកម្មករ ជាអ្នកបើកបររថយន្ត Corolla និងម្នាក់ទៀតជាកម្មករឈ្មោះអុលផានិតភេទប្រុសអាយុ២៥ឆ្នាំ ។
សមត្តកិច្ចខ្សឹបប្រាប់ថា ស្លាកលេខរដ្ឋនេះជាកម្មសិទ្ធិរបស់ ឳពុកអ្នកបើកបររថយន្តបង្ក ហើយឳពុកក៏មានមុខរបរថៅកែកាប់ជ្រូកដែរ ប៉ុន្តែមិនដឹងមានមុខងារអ្វីក្នុងជួរមន្ត្រីរាជការនោះទេបានជាមានសិទ្ធប្រើស្លាកលេខរាជការចឹងនោះ ៕