ភ្នំពេញ៖ គណបក្សរាជានិយមហ្វ៊ុនស៊ិនប៉ិចដែលទើបមានប្រធានស្តីទី នៅល្ងាចថ្ងៃទី១៥ ខែសីហាឆ្នាំ២០១៨នេះបានចេញការព្រមានដល់មន្ត្រីរបស់ខ្លួនមិនឲ្យមានការយកលុយរត់ការ ដើម្បីបានតួនាទីនៅរាជរដ្ឋាភិបាលបើមាន ត្រូវទទួលខុសត្រូវចំពោះមុខច្បាប់ជាធរមាន។
(សម្តេចក្រុមព្រះពេលធ្វើតំណាងរាស្ត្របានមួយដង្ហើមចង្រឹត)
នៅក្នុងសេចក្តីជូនដំណឹងរបស់គណបក្ស បានបញ្ជាក់យ៉ាងដូច្នេះថា៖ «ចំពោះបញ្ហានេះ យើងបានហាមឃាត់ដាច់ខាត ព្រោះមិនមែនជានយោបាយរបស់គណបក្សហ្វ៊ុនស៊ិនប៉ិច ដែលនាំទៅដល់ការប្រព្រឹត្តអំពើពុករលួយនោះទេ។ បុគ្គលណា ឬក្រុមណានៅក្នុងគណបក្សហ្វ៊ុនស៊ិនប៉ិច ដែលមានការពាក់ព័ន្ធចំពោះករណីនេះ ត្រូវទទួលខុសត្រូវចំពោះមុខច្បាប់ជាធរមាន»។
សូមបញ្ជាក់ដែរថាកាលពីព្រឹកថ្ងៃទី១៥ ខែសីហានេះថាសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ពេលជួបសំណេះសំណាលជាមួយកម្មករ កម្មការិនី នៅរាជធានីភ្នំពេញជាមួយនិងការបង្ហើបថានឹងទទួលយកមន្ត្រីគណបក្សផ្សែងឲ្យចូលធ្វើការជាមួយក្នុងតួនាទីជារដ្ឋលេខាឬអនុរដ្ឋលេខាធិការក៏បានប្រកាសឲ្យដឹងថា៖ មានមន្ត្រីមួយចំនួននៅក្នុងគណបក្សហ្វ៊ុនស៊ិនប៉ិច និងគណបក្សខ្មែររួបរួមជាតិរបស់ លោក ញឹក ប៊ុនឆៃ យកលុយរត់ការ ដើម្បីទទួលបានតំណែងនៅក្នុងរាជរដ្ឋាភិបាល។
សូមបញ្ជាក់ដែរថាក្នុងប្រពន្ធ័សមាមាត្រសព្វថ្ងៃនេះសមាចិកបក្សដូចជាជាប់ចំណងចឹងមិនអាចចេញឬធ្វើអ្វីតាមឧត្តមគតិខ្លួនឯងបាននោះឡើយ។ប្រសិនបើចង់ធ្វើង្វីគឺត្រូវដើចេញពីគណបក្សដើមទើបបាន៕
