ក្រចេះ ៖ កម្លាំងនគរបាលស្រុកស្នួលសហការជាមួយកម្លាំងនរគបាលស្រុកមេមត់ឃាត់ខ្លួនជនសង្ស័យម្នាក់នឹងគូរកនផ្សេងទៀតរត់គេចខ្លួនពីបទលួចម៉ូតូមួយគ្រឿងស្ថិតក្នុងភូមិក្បាលស្នួល ឃុំស្នួលស្រុកស្នួលខេត្តក្រចេះកាលពីល្ងាចថ្ងៃទី១៣ខែសីហាឆ្នាំ២០១៨នេះ។
មន្ត្រីនគរបាលស្រុកស្នួលបានប្រាប់ឲ្យដឹងថា ជនសង្ស័យចំនួន០២នាក់មានឈ្មោះ៖
១/ឈ្មោះ អាន សេងហ៊ន់ ហៅ ប្រុក(ឃាត់ខ្លួនបាន) ភេទប្រុស អាយុ៣៤ឆ្នាំ ជាតិខ្មែរ រស់នៅភូមិឆ្លូង ២ ឃុំកំពាន់ ស្រុកមេមត់ ខេត្តត្បូងឃ្មុំ ។
២/ មិនស្គាល់ ឈ្មោះ ជាអ្នករត់ម៉ូតូឌុប ភេទប្រុស អាយុ ប្រហែល ៣៨ឆ្នាំ ជាតិខ្មែរ រស់នៅខេត្តក្រចេះ (គេចខ្លួន) បានធ្វើសកម្មភាព លួចយកម៉ូតូរបស់ជនរងគ្រោះឈ្មោះ ហេង សុធឿន ជាម្ចាស់ម៉ូតូ ម៉ាកអ៊ិចស៊ិនទ័រ ពណ៍ក្រហម ជិះយកគេចខ្លួនបាត់។ ខណះ ពេលដែលជនរង គ្រោះទុកម៉ូតូនៅខាងមុខផ្ទះមានសោរជាប់នឹងម៉ូតូស្រាប់ ហើយត្រូវបានជន សង្ស័យជាអ្នករត់ម៉ូតូឌុប(មិនស្គាល់អត្ត សញ្ញាណ) បានមកសួរតថ្លៃរកទិញម៉ូតូ ហើយបានតេទូសព្វ័ហៅបក្សពួកម្នាក់ ទៀតឈ្មោះ អាន សេងហ៊ន់ ហៅប្រុក មកសាកម៉ូតូខាងលើរួចក៍ជិះ គេចខ្លួនបាត់តែម្តង ។
មន្ត្រីនគរបាលរូបនោះបានបន្តទៀតថា ក្រោយពេលទទួលបានពត៍មាន ពីជនរង គ្រោះ ភ្លាមកម្លាំងជំនាញផ្នែកយុត្តិធម៍ស្រុកស្នួល សហការជាមួយកម្លាំងនគរ បាលស្រុកមេមត់ ចុះកិច្ចប្រតិបត្តិការស្រាវ ជ្រាវ តាមរកឃាត់ខ្លួនបាន ជនសង្ស័យម្នាក់ ឈ្មោះ អាន សេងហ៊ន់ ហៅប្រុក នៅល្ងាចថ្ងៃដដែលភ្លាមៗនោះ នៅ ចំណុចភូមិសំបូរ ឃុំមេមង ស្រុកមេមត់ ខេត្តត្បូងឃ្មុំ យកមកអធិការដ្ឋាននគរបាល ស្រុកស្នួលដើម្បីធ្វើការសាកសួរ។
បច្ចុប្បន្ន ជនសង្ស័យ ក្រោយពីកម្លាំងជំនាញផ្នែក យុត្តិធម៍ សួរនាំរួច ត្រូវបានឃាត់ខ្លួនបណ្តោះ អាសន្ននៅអធិការដ្ឋាននគរបាលស្រុកស្នួលដើម្បីកសាងសំណុំរឿងបញ្ជូនទៅកាន់ការិយាល័យជំនាញចាត់វិធានការតាមនីតិវិធីច្បាប់បន្ត៕
ដោយ កិះ ខន ក្រចេះ
