ខេត្តក្រចេះ ៖ ជនសង្ស័យចំនួន៤ នាក់ ពាក់ពន្ធ័ករណីឃាតកម្មសម្លាប់ដុតមនុស្សនៅស្រុកចិត្របុរី ខេត្តក្រចេះ កាលពីថ្ងៃទី០៩ សីហា នោះ ត្រូវបានសមត្តកិច្ចឃាត់ខ្លួនបានហើយ។
ជនសង្ស័យ៤ នាក់នេះ ១-ឈ្មោះ ចឹក ណូ ភេទប្រុស អាយុ៥០ឆ្នាំ រស់នៅភូមិប្អៀរ ឃុំថ្មី ស្រុកចិត្របុរី ខេត្តក្រចេះ ២-ឈ្មោះ ម៉ៅ ញ៉ាញ់ ភេទប្រុស អាយុ១៧ឆ្នាំ រស់នៅរាជធានីភ្នំពេញ ជាសន្តិសុខក្រុមហ៊ុនហនុមានមានរឹទ្ធ ។ ៣-ឈ្មោះ ចឹក ម៉ៅ ភេទប្រុស អាយុ៤៦ឆ្នាំ រស់នៅភូមិប្អៀរ ឃុំថ្មី ស្រុកចិត្របុរី ខេត្តក្រចេះ និង ៤-ឈ្មោះ ចឹក លឹមស្រេង ភេទប្រុស អាយុ២០ឆ្នាំ រស់នៅភូមិប្អៀរ ឃុំថ្មី ស្រុកចិត្របុរី ខេត្តក្រចេះ ។
សមត្តកិច្ច នាំបានជនសង្ស័យត្រូវទៅសាកសួរនៅស្នងការនគរបាលខេត្ត ដើម្បីបំពេញនីតិវិធី ពាក់ពន្ធ នឹង ករណីឃាតកម្មនោះ ហើយតែនៅមិនទាន់ដឹងពីមូលហេតុពិតប្រាកដដែរ។ សូមបញ្ជាក់ថា ចន្លោះម៉ោង៩ទៅម៉ោង១២យប់ នៅចំណុចកោះប្រឹម ភូមិប្អៀរ ឃុំថ្មី ស្រុកចិត្របុរី ខេត្តក្រចេះ មានករណីភ្លើងឆេះផ្ទះសម្លាប់មួយគ្រួសារមានគ្នា៤នាក់ឪពុកម្តាយ និង កូនប្រុសស្រី ។ក្រោយពីស្រាវជ្រាវជាក់ស្តែងសមត្តកិច្ចចាត់ទុកថាជាអំពើឃាតកម្មសម្លាប់ដើយដុតផ្ទះបំបង្វែងដាន៕