បន្ទាយមានជ័យ៖ ជនជាតិឥណ្ឌូនេស៊ីម្នាក់ បានគាំងបេះដូងស្លាប់ពេលចូលរាំឌីស្កូសង្ស័យប្រើប្រាស់ថ្នាំគ្រវី (ថ្នាំញៀន) លើសកម្រិតកាលពីវេលាម៉ោង៦ និង០០នាទីព្រឹក ថ្ងៃអាទិត្យទី១២សីហាឆ្នាំ២០១៨ ។មន្ទីរពេទ្យបង្អែក ក្រុងប៉ោយប៉ែត ក្រោយធ្វើការត្រួតពិនិត្យជនរងគ្រោះ ថាបានស្លាប់ដោយសារ គាំងបេះដូង ។
ឯលោក មាស ម៉េងហួង នាយប៉ុស្តិនគរបាល សង្កាត់ផ្សារកណ្តាល បានទទួលស្គាល់ថា ពិតជាមានគេបញ្ជូនជនជាតិឥណ្ឌូនេស៊ី មកសង្គ្រោះនៅមន្ទីរពេទ្យមែន តាមការបញ្ជាក់ របស់ក្រុមគ្រូពេទ្យ ជនរងគ្រោះបានស្លាប់ ដោយសារគាំងបេះដូង។
ជនជាតិឥណ្ឌូនេស៊ី មានឈ្មោះអានឌ្រៀន( ANDRIAN )ភេទប្រុស អាយុ៣០ឆ្នាំ បច្ចុប្បន្នស្នាក់នៅ ក្រុងប៉ោយប៉ែត ខេត្តបន្ទាយមានជ័យ មានមុខរបរជាអ្នកធ្វើការ កាស៊ីណូអនឡាញ កាន់លិខិតឆ្លងដែនលេខB0171158មានស្រុកកំណើត នៅខេត្តSungai Liat ប្រទេសឥណ្ឌូនេស៊ី ។
តែបើតាមការអះអាងរបស់ក្រុមគ្រួសារ និងមិត្តភក្តិជនរងគ្រោះ មុនកើតហេតុពួកគេ បានជួបជុំគ្នាផឹកស៊ី នៅក្នុងក្លឹបឌីស្កូមួយកន្លែង ក្នុងក្រុងប៉ោយប៉ែត(មិនប្រាប់ឈ្មោះក្លឹប) ជនរងគ្រោះបានប្រើប្រាស់ ថ្នាំគ្រវីលើសកម្រិត ទើបបណ្តាលឲ្យកើត មានរឿងបែបនេះ។សពជនរងគ្រោះពុំមាន ជាប់ពាក់ពន្ធ័ករណីអំពើរឃាតកម្ម ក៏បានប្រគល់ទៅឲ្យ ក្រុមគ្រួសារសាច់ញាតិ មកទទួលយលទៅធ្វើបុណ្យ តាមប្រពៃណីនៅស្រុកកំណើត៕
