កំពង់ចាម៖ សាលមហោស្រព ព្រះសីហមុនីខេត្តកំពង់ចាម ស្ថិតក្នុងភូមិទី១៥ សង្កាត់កំពង់ចាមរងករឆេះអស់មួយចំហៀងកាលពីវេលាម៉ោង៦និង៣០នាទី ព្រឹកថ្ងៃទី១២ ខែសីហា ឆ្នាំ២០១៨។
ស្នងការដ្ឋាននគរបាលខេត្តបានប្រើរថយន្តពន្លត់អគ្គីភ័យចំនួន២គ្រឿងនិង កម្លាំង នគរបាលក្រុងកំពង់ចាមនិងកម្លាំងអន្តរាគមន៍នគរបាលខេត្តកំពង់ចាម ជាច្រើននាក់ ជួយសម្រួលចរាចរណ៍និងប្រតិបត្តិការជួយពន្លត់បានទាន់ពេលវេលា មិនប៉ះពាល់ដល់ទីតាំងផ្សេងនោះទេ ហើយក៏មិនមានរបួសដែរក្រោមវត្តមាន លោក គួច ចំរើន អភិបាល នៃគណៈអភិបាលខេត្តកំពង់ចាមដែលបានទៅដល់កន្លែងកើតហេតុផងដែរ។ ។
មូលហេតុត្រូវបានគេបន្ទោសថាមកពីទុស្សេចរន្តអគ្គិសនី។ទីតាំង សាលមហោស្រព ព្រះសីហមុនីខេត្តកំពង់ចាមគ្រប់គ្រងដោយ ឈ្មោះ យ៉េន សារិទ្ធ ភេទប្រុស អាយុ ៥៧ឆ្នាំ នៅភូមិព្រែកដើមចាន់ សង្កាត់សំបួរមាស ក្រុងកំពង់ចាមខេត្តកំពង់ចាម ។
សម្ភារៈខូចខាតៈឆេះកៅអី ដែកពូកចំនួន៨៥ ស្មើរ១០% ឆេះ និង ខូចខាតពិដានម្នាងសិលាខាងលើទាំងស្រុង១០០% ឆេះ ជញ្ជាំងកាំម្ញីមួយចំហៀងទាំងស្រុងឆេះទ្វារឈើចេញចូលចំនួន ២សន្លឹក។មិនដឹងថាតើអ្នកគ្រប់គ្រងត្រួវស្តីបន្ទោសដែរឬអត់នោះទេ?ហើយមិនដឹងថាត្រូវចំណាយប៉ុន្មានសម្រាប់ជួសជុលឬក៏លក់ចោលដូចសាលមហោស្រពទន្លេរបាសាក់កេរិ៍សម្តេចឪដែលរងការឆេះដែរតែមិនជួសជុលនោះឡើយ៕