ខេត្តកំពង់ឆ្នាំង៖ ព្រឹកថ្ងៃទី១១ សីហា ២០១៨ អង្គភាពយើងខ្ញុំបានទទួលសេចក្តីរាយការណ៍តាមទូរស័ព្ទពីប្រជាពលរដ្ឋថាៈ សព្វថ្ងៃមានវង់ ល្បែងស៊ីសងបៀរអាប៉ោងជល់មាន់មួយកន្លែង ជារបស់មន្ត្រីយោធាផ្នែកគីមីសាស្ត្រ ឈ្មោះ សូ ឆង បាននឹងកំពុងបើកលេងពេញបន្ទុកនិងដុះស្លែកំពុងពេញនិយមលេងក្នុងស្រុកសាមគ្គីមានជ័យ ជាប់ព្រំប្រទល់ខេត្តកំពង់ស្ពឺយ៉ាងសុខសប្បាយ គ្មានការរំខាន ពីសមត្ថកិច្ច និងអាជ្ញាធរថ្នាក់ណាឡើយ ។
សេចក្តីរាយ ការណ៍បានបន្តទៀតថា សូមអោយអ្នកសារព័ត៌មាន ចុះទៅមើលនិងស្នើសុំអោយជួយផ្សព្វផ្សាយព័ត៌មាន អំពីទីតាំងបន ល្បែងស៊ីសងរបស់ឈ្មោះ សូ ឆង ជាមន្ត្រីយោធាគីមីសាស្ត្រ បើកដំណើរការលេងជាយូរណាស់មកហើយ មិនដែលឃើញមានសមត្ថកិច្ចពាក់ព័ន្ធណាចេញមកបង្ក្រាបឡើយ ។
បើទោះបីជាមានបទបញ្ជាដ៏ហ្មឺងម៉ាត់របស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាអោយលោកស្នងការនគរបាល គ្រប់ខេត្ត-រាជធានី ត្រូវធ្វើការ ទប់ស្កាត់និងបង្ក្រាបបទល្មើសទាំងនេះអោយមានប្រសិទ្ធភាព ក៏ដោយ ក៏មកទល់នឹងពេលនេះគេពុំទាន់ជើញលោក ឧត្តម សេនីយ៍ ឡុច សុវណ្ណារ៉ា ស្នងការនគរបាលខេត្តកំពង់ឆ្នាំង ចេញមុខបង្ក្រាបនៅឡើយទេ ដែលធ្វើអោយមជ្ឈដ្ឋានប្រជា ពលរដ្ឋរិះគន់ថា បនល្បែងសុីសងជល់មាន់តបស់លោក សូ ឆង ជាឆ្នាំងបាយប្រចាំថ្ងៃរបស់ស្នងការដ្ឋាននគរបាលខេត្ត កំពង់ឆ្នាំង ។
ទីតាំងល្បែងស៊ីសងខុសច្បាប់ទាំងនេះកំពុង លេងស្ថិតនៅ ភូមិស្វាយ ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង ។
សេចក្ដីរាយការណ៍បន្តឲ្យដឹងថាវង់ល្បែងស៊ីសងនេះអាចដំណើរការបានដោយរលូនបែបនះ គឺមានការឃុបឃិតជាប្រព័ន្ធជាមួយមន្ត្រីអាជ្ញាធរនិងសមត្ថកិច្ចក្នុងមូលដ្ឋានទើបអ្វីៗអាចប្រព្រឹត្តបាន ។
ប្រជាពលរដ្ឋបានឲ្យដឹងថាយ៉ាងហោចណាស់ក៏មានជើងកាង និងសមត្ថកិច្ចមួយចំនួនជាឆ្មាំការពារ និងជាអ្នកកាងល្បែងស៊ីសងដោយខុសច្បាប់មួយកន្លែងនេះមិនអោយអ្នកកាសែតចូលទៅថតរូបភាព ។ សព្វ ថ្ងៃនេះទីតាំងល្បែងស៊ីសងខុសច្បាប់ខាងលើ់នេះ កំពុងតែធ្វើសកម្មភាពបើកលេងយ៉ាងអនាធិបតេយ្យដោយមានក្រុមបងតូចបងធំនិងសមត្ថកិច្ចសុទ្ធតែជើងខ្លាំងយាមការពារយ៉ាងតឹងរឹងបំផុត ហើយមន្ត្រីអាជ្ញាធរឬសមត្ថកិច្ចតូចតាចមិនហ៊ានក្បែរឡើយ ។
វង់ល្បែងនេះដោយពួកគេបើកអោយលេងជាចំហរជារៀងរាល់ថ្ងៃដែលគេប៉ាន់ប្រម៉ាណថា អាចោ ធ្វើអោយម្ចាស់សង្វៀនរកចំណូលពីអ្នកចូលលេង មិនក្រោមពី៣ម៉ឺនដុល្លារទៅ៤ម៉ឺនដុល្លារឡើយ)ក្នុងមួយខែៗនោះ បើគេប្រៀប ធៀបអ្នកលេងនៅក្នុងកាស៊ីណូ ។ ប្រជាពលរដ្ឋសំណូមពរ ដល់លោកនាយឧត្តមសេនីយ៍ នេត សាវឿន អគ្គស្នងការនគរ បាលជាតិមេត្តាជួយអន្តរាគមន៍ចាយ់វិធានការបង្ក្រាបវង់ល្បែង អត់ច្បាប់របស់លោក សូ ឆង នៅឃុំស្វាយ ស្រុកសាមគ្គីមាន ជ័យ ខេត្តកំពង់ឆ្នាំង នេះផងទានប្រុស ។
ជុំវិញករណីចោទថា ជាបនល្បែងសុីសងរប់លោក សូ ឆង ជាមន្ត្រីយោធានៅអង្គភាពគីមីសាស្ត្រនេះ អង្គភាពយើងខ្ញុំមិនអាចស្វែងរកការបំភ្លឺតបពីលោក សូ ឆន បាននៅគើយទេ ព្រោះគ្មានលេខទូរសព្ទ័ទាក់ទង ៕
