បាងកក៖ ក្រុមបាតុករប្រឆាំង រដ្ឋាភិបាលថៃ គំរាមសម្រុកចូល កាន់ស្ថានអាម៉េរិក នៅក្នុងក្រុងបាងកក បន្ទាប់ពី អាម៉េរិក អំពាវនាវឲ្យប្រជាពរដ្ឋថៃ ប្រកាន់ខ្ជាប់របប លទ្ធិប្រជាធិបតេយ្យ និង គោរពសិទ្ធិមនុស្ស។
យោងតាមគេហទំព័រ INN របស់ថៃ នៅថ្ងៃ ចន្ទ ទី ១៦ ខែ ធ្នូ ឆ្នាំ ២០១៣ នេះបានចុះផ្សាយថា ឧត្តមសេនីយ៍ វរ៉ាផុង ឆីវព្រីឆា អគ្គស្នងការរងនគរបាជាតិ ទទូលបន្ទុកសន្តិសុខជាតិ បានថ្លែងថា អាជ្ញាធរដាក់កម្លាំងតម្រួត ជាច្រើននាក់ ដើម្បីការពារសន្តិសុខ ស្ថានទូតសហរដ្ឋអាម៉េរិក ប្រចាំក្រុងបាងកកបន្ទាប់ពី ក្រុមបាតុករប្រឆាំងរដ្ឋាភិបាល បាន ប្រកាសថានឹង ដង្ហែក្បូនក្រុមបាតុករចូលកាន់កាប់ ស្ថានទូតអាម៉េរិកកាលពីថ្ងៃ អាទិត្យ ម្សិលមិញនេះ។
មេដឹកនាំក្រុមបាតុរ ប្រកាសបែបនេះ បន្ទាប់រដ្ឋាភិបាលក្រុងវ៉ាស៊ីនតោន ប្រកាសរដ្ឋាភិបាលចាំផ្ទះរបស់ថៃ រួមទាំង អំពាវនាវ ឲ្យប្រជាពករដ្ឋថៃ គោរពគោលការណ៍ ប្រជាធិបតេយ្យ និង សិទ្ធិមនុស្ស។ក្រុមបាតុករបានអះអាងថា ប្រជាពលរដ្ឋថៃកំពុងតែប្រយុទ្ធប្រឆាំង នឹងរដ្ឋាភិបាលមិនប្រជាធិបតេយ្យ និង ប្រឆាំងអំពើពុករលួយ ពីរបប ថាក់ស៊ីននោះ ប៉ុន្តែបែរជា អាម៉េរិកប្រកាសការគាំទ្រ អាម៉េរិកអាចនឹងផ្តល់ភាពស្របច្បាប់ ដល់រដ្ឋាភិបាល លោកស្រីយីងឡាក់ ស៊ីណាវ៉ាត់ ទៅវិញ ។
ជាមួយគ្នានោះដែរដើម្បីធ្វើឱ្យស្ថានភាពនយោបាយថៃងាកទៅរកភាពល្អប្រសើរដូចដើមវិញ កម្លាំងទាហានថៃដែលជាស្ថាប័នមានឥទ្ធិពលបំផុតលើ ឆាកនយោបាយបានប្រការមិនគាំទ្រ ដល់ក្រុមប្រឆាំងរបស់លោកស៊ូថេបក្នុង ការផ្ដួលរំលំរដ្ឋាភិបាល ដោយទាហានថៃរៀបចំឱ្យមានវេទិកាប្រជាធិបតេយ្យប្រមូលមតិយោបល់ទាំងអស់ពីប្រជា ពលរដ្ឋដើម្បីស្វែងរកច្រកចេញដ៏ត្រឹម ត្រូវដល់វិបត្ដិនយោបាយ ។
នៅក្នុងវេទិកាប្រជាធិបតេយ្យ អគ្គមេបញ្ជាការកងទ័ពថៃលោក Phanasak Patimaprakorn បានច្រានចោលនូវការ អំពាវនាវរបស់មេដឹកនាំក្រុមបាតុករ លោក ស៊ូថេប ថងស៊ូបាន ដែលចង់ឱ្យកម្លាំងទាហានជ្រៀតជ្រែកចូលក្នុងឆាកនយោបាយ ហើយគាំទ្រដល់ក្រុមបាតុករ ក្នុងការផ្ដួលរំលំរដ្ឋាភិបាលលោកស្រី យីងឡាក់ ជំនួសដោយគណៈកម្មាធិការ ប្រជាជនដឹកនាំប្រទេសមិនឆ្លងកាត់ការបោះឆ្នោត ។ ការប្រកាសខាងលើរបស់ មេទ័ពថៃ ធ្វើឱ្យក្ដីសង្ឃឹមរបស់លោក ស៊ូថេប ត្រូវបាត់បង់ បើទោះបីលោក ខិតខំរកវិធីសាស្ដ្រអូសទាញយោធាឱ្យចូលរួមក៏ដោយ ។
ក្រោយជំនួបពិភាក្សា មេទ័ពថៃបាន ប្រការរក្សាគោលជំហ៊កណ្ដាលមិនគាំទ្រ ភាគីណាមួយ មិនជ្រៀតជ្រែកក្នុងឆាក នយោបាយនាពេលនេះឡើយ ។ មេទ័ព ថៃបញ្ជាក់ថា “ផ្លូវដ៏ល្អបំផុតសម្រាប់ ដោះស្រាយវិបត្ដិ គឺចរចារគ្នា” ។ ចំណែកកម្លាំងទាហានត្រូវតែរក្សានិងគោរពតាមច្បាប់ ពិសេសក្នុងស្ថានភាពអសន្ដិសុខ នាពេលនេះ ។ មេទ័ពថៃបន្ដទៀតថា ចំណុចសំខាន់ គឺយើងដោះស្រាយរាល់ បញ្ហា ត្រូវតែសំឡឹងមើលឱ្យបានវែង ឆ្ងាយបញ្ចៀសនូវការវិលវុលកើតឡើងវិញ នូវស្ថានភាពបែបនេះ ។
ទាហានថៃបានលូកដៃចូលក្នុងឆាក នយោបាយជាច្រើនលើកកន្លងមក ពិសេសគឺនៅឆ្នាំ២០១០ ប៉ុន្ដែលទ្ធផលធ្វើឱ្យស្ថានភាពកាន់តែវឹកវរ មិនអាច ដោះស្រាយចប់សព្វគ្រប់នោះឡើយ ។ បើទាហានថៃលូកដៃគាំទ្រខាងនេះ ភាគីខាងនោះនឹងក្រោកឈរប្រឆាំងផ្ទុយទៅវិញ បើគាំទ្រខាងណោះ ខាងនេះប្រាកដ ជាប្រឆាំងដូចគ្នា ចំណុចនោះហើយដែល ធ្វើឱ្យវិបត្ដិនយោបាយនៅតែជាស្រមោល វិលវុល អាចកើតឡើងគ្រប់ពេល ។ កត្ដា ទាំងនោះ ធ្វើឱ្យទាហានថៃសម្រេចឈរ ជាកណ្ដាលមិនលូកលាន់ទុកឱ្យអ្នកនយោ បាយដោះស្រាយគ្នាឱ្យបានចប់សព្វគ្រប់ ៕