បន្ទាយមានជ័យ ៖ លោក ង៉ោ ម៉េងជ្រួន បច្ចុប្បន្នជាអភិបាលខេត្តបន្ទាយមានជ័យ ។ ថ្មីៗ សារពតិមានយើងទទួលបានឯកសារគតិយុត្តិមួយដែលបង្ហាញឲ្យឃើញពីរបៀបធ្វើការងារខុសច្បាប់និងរំលោភការងាររដ្ឋបានដេលបង្កឡើងដោយលោកង៉ោម៉េងជ្រួនកាលនៅជាអភិបាលក្រុងប៉ោយប៉ែត ។
លោក ង៉ោ ធ្លាប់ បានស៊ីញ៉េបោះត្រាលើឯកសារដីធ្លីទុកមុន និងមានឯកសារខ្លះបោះត្រាមុនស៊ីញ៉េ ដែលជារឿងមិនអាចទទួលយកបានសម្រាប់ការងាររដ្ឋបាល ។ ព្រោះលេខដែលលោក ង៉ោ ចុះលើឯកសារដីដែលស៊ីញ៉េបោះត្រា មុនសរសេរប្រវត្តិដីនេះ ក៏មានជាន់គ្នានឹងឯកសារមុនៗទៀតផង ។ រឿងនេះបើជាអ្នកដ៏ទៃប្រព្រឹត្តវិញនិងត្រូវជាប់ចោទពីបទក្លែងបន្លំឯកសារសាធារណះទាំងស្រុង! ហើយអាចជាប់គុក ។ ប្រសិនបើគេមិនទាន់ភ្លេចទេ រឿងលោក ង៉ោ ម៉េងជ្រួន បង្កកាលខ្លួននៅជាអភិបាលក្រុងប៉ោយប៉ែតនេះ មិនខុសកាលពី ជំនាន់លោកអតីតមេឃុំប៉ោយប៉ែត ខៀវ រដ្ឋា ដែលរត់យកត្រាឃុំទៅជាមួយផង ហើយចេះតែបោះលើឯកសារដី បណ្ដាលអោយមានការវឹកវរម្ដងហើយ ។
ទង្វើភ្លើធើចេះ ដើម្បីរកលាភសក្ការៈរៀបនេះ វាបង្កហានិភ័យហើយ អ្នករងគ្រោះគឺប្រជាពលរដ្ឋដែលមានប្រាក់កាសបន្តិចបន្តួចយកទៅទិញដីទិញផ្ទះហើយប៉ះដីប្លង់ត្រួតគ្នាដែលលោកអាតីតអភិបាលក្រុងនិងបច្ចុប្បន្នជាអភិបាលរងខេត្តបន្ទាយមានជ័យស៊ីញ៉េបោះត្រាទុកមុនទៀតនេះតើការចលាចលវឹកវរនឹងទៅជាយ៉ាងណា?។
ជាក់ស្តែង មានឯកសារមួយដែលលោកតាន់គឹមរិទ្ធផ្ទេរសិទ្ធដីអោយឈ្មោះមុតទូចមានត្រាសាលាក្រុងនិងត្រាឈ្មោះអតីតអភិបាលក្រុងប៉ោយប៉ែតង៉ោម៉េងជ្រួនតែគ្មានហត្តលេខា? ហើយលោក តាន់ គិមរិទ្ធ ជាក្រុមប្រឹក្សាក្រងប៉ោយប៉ែតទៀតផង។
ប្រជាពលរដ្ឋកំពុងឆ្ងល់ថា លោក ង៉ោ ម៉េងជ្រួន ជាមន្ត្រីដែលពោរពេញទៅដោយរឿងអាស្រូវជាប់ខ្លួនបែរជាបានឡើងថានះទៅវិញ ? ឬក៏មន្ត្រីគណបក្សប្រជាជនយើងចូលចិត្តចឹងដូចពាក្យខ្មែរថារពឹសដៃផ្ទៃឆ្អែតអត់ជាប់គុក?។
សូមក្រសួងអាណាព្យាបាលមេត្តាជួយស៊ើបអង្កេតមើលភាំពមិនប្រក្រតីដែលបង្កឡើងដោយអតីតតចៅហ្វាយក្រុងប៉ោយប៉ែតនេះផងទាន ។ សង្ឃឹមថា នឹងមានការបំភ្លឺបក្សរាយពីលោកង៉ោម៉េងជ្រួនក្រោយពីអត្ថបទនេះបានផ្សព្វផ្សាយ៕
