មណ្ឌលគិរី៖ សេចក្តីរាយការណ៍ ពីប្រជាពលរដ្ឋនៅស្រុកកោះញែក បានឲ្យដឹងថា បទល្មើសព្រៃឈើនៅក្នុងស្រុកកោះញែក នៅតែមានដដែល។ ជាក់ស្តែងដោយសារសមត្តកិច្ចបើកដៃពួកឈ្មួញ នៅតែបន្តដឹកជញ្ជូនឈើចូលឃ្លាំង ជញ្ជាំងខៀវ របស់អតីតក្រុមហ៊ុន យូនីគ្រី ជារៀងរាល់ថ្ងៃ ។
ប្រភពបានបន្តថា ការដឹកជញ្ជូនឈើចូលស្តុកក្នុងឃ្លាំង ជញ្ជាំងខៀវ របស់អតីតក្រុមហ៊ុន យូនីគ្រីន តាមរថយន្តប្រភេទអ៊ីហ្វា និងគោយន្តកន្ត្រៃ គឺកើតមានជាបន្តបន្ទាប់ តាំងពីមុនថ្ងៃបោះឆ្នោត រហូតឥឡូវនេះ មានរយៈពេលជិត១ខែមកហើយ មិនដែលឃើញសមត្ថកិច្ចជំនាញ និងស្ថាប័ន្ធពាក់ព័ន្ធ ចុះទៅបង្ក្រាបឬទប់ស្កាត់នោះទេ។ ឈើដែលគេឃើញដឹកចូលក្នុងឃ្លាំង របស់អតីតក្រុមហ៊ុន យូនីគ្រីននេះ ជាប្រភេទឈើសុក្រំ និងផ្ចឹក ហើយត្រូវគេអារច្រៀក ជាឈើគ្រឿងផ្ទះ សម្រាប់ដឹកចេញតាមរថយន្តយីឌុប ឆ្ពោះទៅខេត្តក្រចេះ និងខេត្តត្បូងឃ្មុំជាដើម ។ក្រៅពីនេះវាក៏មានភស្តុតាងបង្ហាញថាមាកម្មករវៀតណាមជិត២០នាក់បាននិងកំពុងធ្វើសកម្មភាពអារច្រៀកឈើប្រណិតក្នុងទីតាំឃ្លាំងនោះដែរ។
ទីតាំងឃ្លាំងអតីតក្រុមហ៊ុនយូនីគ្រីននេះត្រូវបានគេរាយការណ៍ថា៖មានប្អូនថ្លៃលោកឧកញ៉ា តុប វិយ៉ាដា ដែលជាអ្នកមើលការខុសត្រូវនៅទីនោះដែលកន្លងមកធ្លាប់ផ្ទុះអាវុធគម្រាមអ្នកាសែតដែលចង់ថតរូបរត់បាតចើងសព្រាតម្តងហើយ ។
លោកអធិការនគរបាលស្រុកកោះញែក លោក ខ្លូត សុឃា បានទទួលស្គាល់ ថា នៅមុនថ្ងៃបោះឆ្នោត ជ្រើសតាំងតំណាងរាស្ត្រ រយៈពេល១៥ថ្ងៃ គឺក្រុមហ៊ុនយូនីគ្រីន បានធ្វើការដឹកជញ្ជូនឈើចំនួនពីរថយន្តពិតមែន ដើម្បីយកមកធ្វើទីស្នាក់ការបក្សស្រុកកោះញែក?ឯវៀតណាមក៏លោកទទួលស្គាល់ថាមានដែរតែមិនប្រាប់ថាមានឬអត់ច្បាប់នោះទេ!។ស្រុកមានព្រៃបើមិនឃុបឃឹតគ្នាពុករលួយរកស៊ីឈើរកអីវិញដែលស្រួកជាងនោះ?៕
