មណ្ឌលគិរី ៖ បុរសជនជាតិយួន៧នាក់ដែលលួចបើកឡានធំបីគ្រឿងចូលស្រុកខ្មែរតាមព្រុំដែនក្រចេះហើយចាប់បាននៅកោះញែកកាលពីថ្ងៃទី១សីហាត្រូវបាននគរបាលខេត្តមណ្ឌលគិរីបញ្ជូនឲ្យ ទៅស្រុកវិញហើយកាលពីព្រឹកថ្ងៃទី០៣ ខែសីហា ឆ្នាំ២០១៨នេះ ។
ប្រភពពីនគរបាលខេត្តមណ្ឌលគិរី បានឲ្យដឹងថា បន្ទាប់ពីឃុំខ្លួនអស់រយៈពេល២យប់ដើម្បីសាកសួររក អ្នកបញ្ជាឲ្យពួកគេចូលស្រុកខ្មែរមិនឃើញទេព្រោះពួកគេឆ្លើយដូចៗគ្នាថា ពួកគេបើកបររថយន្តចូលមកដីខ្មែរ តាមរយៈបុរសវៀតណាមម្នាក់ រស់នៅក្នុងប្រទេសវៀតណាម?!។
បុរសវៀតណាមទាំងនេះ ត្រូវបណ្តេញចេញតាមច្រកទ្វារព្រំដែនអន្តរជាតិ ដាក់ដាំ ក្នុងស្រុកអូររាំង ខេត្តមណ្ឌលគិរី ចំណែករថយន្តធុនធំ៣គ្រឿង ដែលមានបំពាក់ឧបករណ៍ស្ទូចផងនោះ ត្រូវបានរឹបអូសទុកនៅក្នុងស្នងការដ្ឋានខេត្តមណ្ឌលគិរី ដើម្បីរងចាំម្ចាស់ចេញមុខមកដោះស្រាយ។
ប្រភពច្បាស់ការណ៍បានបង្ហើបឲ្យដឹងថា បុរសជនជាតិវៀតណាមទាំងនេះ ចូលមកក្នុងដឹកដីខេត្តមណ្ឌលគិរី ដោយចូលតាមច្រកទ្វារព្រំដែន នៅក្នុងស្រុកស្នួល ខេត្តក្រចេះ ក្នុងបំណងចូលដឹកឈើនៅក្នុងទឹកដីខ្មែរ ឆ្លងដែនចូលទៅក្នុងទឹកដីវៀតណាមវិញ ប៉ុន្តែសមត្ថកិច្ចមិនទាន់ដឹងច្បាស់ថា តើឈើដែលពួកគេបម្រុងដឹកនោះ មានលាក់ទុកនៅទីណានៅឡើយទេ។
ទោះជាយ៉ាងណាការដោះលែងនេះក៏បញ្ជាក់ថាសមត្តកិច្ចមិនរកមុខមមន្ត្រីខ្មែរណាដែលឲ្យបើកឡានចូលស្រុកខ្មែរដែរ។មន្ត្រីនគរបាលបានឲ្យដឹងថា បុរសវៀតណាមទាំងនេះបានធ្វើដំណើរតាមរថយន្តធុនធំ៣គ្រឿង ចូលមកដល់ភូមិរង្សី ឃុំស្រែសង្គម ស្រុកកោះញែក ខេត្តមណ្ឌលគិរី ហើយត្រូវបានឃាត់ខ្លួនដោយសារគ្មានឯកសារគ្រប់គ្រាន់ ដើម្បីបញ្ជាក់ពីសកម្មភាពរបស់ពួកគេ។
សូមបញ្ជាក់ថា ចោរយួន៧នាក់ដែលបានលួចចូលមកកាប់ឈើខ្មែរជាទ្រង់ទ្រាយធំតំបន់អូរហ៊ុច នៅក្នុងស្រុកកែវសីមា ខេត្តមណ្ឌលគិរី ត្រូវបានប៉េអឹមចាប់បានកាលពីខែកុម្ភៈឆ្នាំ២០១៧ហើយត្រូវបានសាលាដំបូងខេត្ត ចោទប្រកាន់ពីបទប្រមូលផល ដឹកជញ្ជូនផល-អនុផលព្រៃឈើ ដោយគ្មានការអនុញ្ញាត ស្របតាមមាត្រា៥៣ និងមាត្រា៩៧នៃច្បាប់ព្រៃឈើ ហើយបញ្ជូនសំណុំរឿងនេះ សាលាដំបូងរាជធានីភ្នំពេញជំនុំជម្រះ កាលពីថ្ងៃទី២៥ ខែតុលា ឆ្នាំ២០១៧ ដោយក្រមផ្តន្ទាទោសដាក់គុករយៈពេលមួយឆ្នាំក៏ត្រូវបានដោះលែងឲ្យទៅស្រុកវិញដែរក្រោមឈ្មោះឲ្យនៅក្រៅឃុំកាលពីថ្ងៃទី០១ ខែសីហា ឆ្នាំ២០១៨ដោយ លោក ឃឹម ប៉ុណ្ណ អនុប្រធានតុលាការកំពូល ។រឿងនេះក៏គ្មានមន្ត្រីមានសមត្តកិច្ចខេត្តមណ្ឌលគិរីណាម្នាក់មានទោសដែរ។ ចឹងបានជាគេចេះតែចោទថាស្រុកខ្មែរជាស្រុកមនានិទណ្ឌភាពជាមួយបក្ខពួកនោះ !៕