បងប្អូនប្រជាពលរដ្ឋនៅខេត្តក្រចេះ ខណៈដែលទឹកភ្លៀងមានការជោជន់ និងទឹកទន្លេ មេគង្គមានការហក់ឡើងខ្ពស់ជាងឆ្នាំមុខ គឺបានធ្វើឲ្យបងប្អូនប្រជាពលរដ្ឋដែលរស់នៅតំបន់ ទំនាបទួលរងនូវការលិចលង់ផ្ទះសំបែង រួមនឹងផលដំណាំ ព្រមទាំងទ្រព្យសម្បត្តិ៍ និងសត្វពាហនៈ ត្រូវបានអជ្ញាធរខេត្តជម្លៀសទៅកាន់ទីទួលសុវត្ថិភាព ស្របពេលដែលផ្ទះ របស់ពួកគាត់ត្រូវបានលិចហើយនោះ។ ប្រជាពលរដ្ឋបានសាទរយ៉ាងខ្លាំងចំពោះឯកឧត្តម វ៉ា ថន អភិបាលខេត្តក្រចេះ ដែលបានជួយសង្គ្រោះប្រជាពលរដ្ឋ បានទាន់ពេលវេលា និងបានចែកអំណោយដល់ពួកគាត់ (Clip 01,02,03……)។
សម្រាប់កាកបាតក្រហមកម្ពុជា គឺតែងតែចុះជាប់ជានិច្ចជាមួយបងប្អូនប្រជាពលរដ្ឋផងដែរ ជាពិសេស បងប្អូនប្រជាពលរដ្ឋដែលជួបគ្រោះមហន្តរាយផ្សេងៗ ជាក់ស្ដែងនៅព្រឹកថ្ងៃទី០៤ ខែសីហា ឆ្នាំ ២០១៨នេះ សាខាកាកបាទក្រហមកម្ពុជាខេត្តក្រចេះ ដឹកនាំដោយឯកឧត្តម វ៉ា ថន អភិបាលខេត្ត និងជាអនុប្រធានគណៈកម្មាធិការសាខាខេត្តក្រចេះ នឹងក្រុមប្រតិបត្តិសាខា មន្ត្រីអនុសាខាស្រុកចិត្របុរី បានអញ្ចើញចុះសួរសុខទុក្ខនឹងនាំយកអំណោយ ទៅចែកជូនដល់ គ្រួសាររងគ្រោះដោយទឹកជំនន់ មកពីភូមិម្រ៉ើម ភូមិតាងួន ភូមិជួរជ្រៃ ឃុំដារ ស្រុកចិត្របុរី ខេត្តក្រចេះ សរុបចំនួន ១៨៤ គ្រួសារ នៅបរិវេណទីទួលសុវត្ថិភាព (ទួលកន្ថម)។
ដែលអំណោយដែលផ្តល់ជូនគ្រួសារនីមួយៗគឺបានមកពីការចូលរួមពីសាខាកាកបាតក្រហមខេត្ត សាលាខេត្ត នឹងអង្គការសាម៉ារីតាន់ផឹស រួមមានៈ អង្ករ ២៥ គ.ក្រ, មី ១ កេះតូច, ត្រីខ ១០ កំប៉ុង, ទឹកត្រី ១យួរ, ទឹកស៊ីអ៊ីវ ១យួរ ធុងចំរោះទឹកមួយ មុងមួយ តង់មួយ និងអង្ករ ១៥០០ គ.ក្រ។
ក្នុងឱកាសនោះដែរ ឯកឧត្តម វ៉ា ថន អភិបាលខេត្ត បានពាំនាំនូវសេចក្តីនឹករឭក និងការយកចិត្តទុកដាក់ខ្ពស់ ចំពោះសុខទុក្ខរបស់ប្រជាពលរដ្ឋ ពីសំណាក់សម្តេចប្រធាន កាកបាទក្រហមកម្ពុជា ដល់ពលរដ្ឋទាំង១៨៤គ្រួសារ និង បានផ្ដាំផ្ញើរដល់បងប្អូនប្រជាពលរដ្ឋ ត្រូវថែរក្សាសុខភាពឲ្យបានល្អ ដោយហូបស្អាត ផឹកស្អាត រស់នៅស្អាត និងមានអនាម័យ ពិសេសត្រូវប្រុងប្រយ័ត្នចំពោះសុខសុវត្ថិភាពកុមារ និងជនចាស់ជរា ជៀសវាងជួបគ្រោះថ្នាក់ ជាយថាហេតុ។ ឯកឧត្តម មានប្រសាសន៍បញ្ជាក់ថា ការចុះសួរសុខទុក្ខ និងចែកអំណោយ ជូនបងប្អូនប្រជាពលរដ្ឋដែលរងគ្រោះនឹងបន្តចុះជាប់ជានិច្ច រហូតដល់ទឹកស្រក់ ហើយបងប្អូនប្រជាពលរដ្ឋបានត្រឡប់ទៅកាន់លំនៅដ្ឋានខ្លួនវិញ (
គូសបញ្ជាក់ដែរថា ចំពោះស្ថានភាពទឹកទន្លេមេគង្គក្រចេះនៅព្រឹកថ្ងៃទី០៤ ខែសីហានេះ មានកម្ពស់២១.៥៩ម៉ែត្រ ឃើញថាស្ថានភាពទឹកទន្លេមានការស្រក់ចុះ០.២០ម៉ែត្រ បើប្រៀបធៀបនឹងថ្ងៃទី០២ សីហា ទឹកមានកម្ពស់២១.៨២។
ដោយឡែកពាក់ព័ន្ធនឹងការ ខូចខាតផលដំណាំកសិកម្ម ហេដ្ឋារចនាសម្ព័ន្ធ សរុបទូទាំងខេត្ត គណៈកម្មាធិកាគ្រប់គ្រង់ គ្រោះមហន្តរាយថ្នាក់ខេត្ត នៅមិនទាន់អាចបញ្ជាក់បាននោះឡើយទេ ដោយរងចាំរហូតដល់ ពេលទឹកស្រុក់ទៅវិញ៕
ដោយ កិះខន ក្រចេះ