កំពង់ឆ្នាំង ៖ កាលពីថ្ងៃទី១សីហាឆ្នាំ២០១៨សម្ដេចតេជោហ៊ុន សែនបានអនុញ្ញាតឲ្យជិះនាវាដោយឥតគិតថ្លៃពីខណ្ឌប្ញស្សីកែវទៅក្រុងតាខ្មៅ និងជិះរថភ្លើងពីខេត្តបន្ទាយមានជ័យ មករាជធានីភ្នំពេញ ចាប់ពីពេលនេះរហូតដល់ដំណាច់ឆ្នាំ២០១៨។ដោយឡែកប្រជាពលរដ្ឋ្ឋនៅខេត្តកំពង់ឆ្នាំង និងខេត្តកំពង់ធំពិសេសប្រជាពលរដ្ឋស្រុកកំពង់លែងទាំងមូល បានសម្ដែងនូវទឹកចិត្តសប្បាយរីករាយយ៉ាងខ្លាំងចំពោះសមិទ្ធិផលជាផ្លូវលំគ្រួសក្រហមមួយខ្សែចេញពីខេត្តកំពង់ធំ មកខេត្តកំពង់ឆ្នាំងនេះដែលជួយសម្រួលពួកគាត់។
ប៉ុន្តែពេលនេះត្រូវចូលដល់ពេលរដូវវស្សាគឺទឹកបានឡើងលិចផ្លូវ នេះបាត់ទៅហើយ ធ្វើអោយប្រជាពលរដ្ឋមានការសោកស្ដាយដោយសារការអាក់ខានធ្វើដំណើរឆ្លងកាត់ ព្រោះផ្លូវនេះអាចធ្វើដំណើរឆ្លងកាត់ពីបណ្ដាខេត្តនានានៅតាមណ្ដោយផ្កូវជាតិលេខ៥(ខេត្តនៅភាគខេងត្បូងបឹងទ្លេសាប)ឆ្លងទៅបណ្ដាខេត្តនៅតាមបណ្ដោយផ្លូវជាតិលេខ៦A (ខេត្តនៅភាគខាងជើងបឹងទន្លេសាប)បានឆាប់រហ័សទាន់ចិត្ត បើទោះបីពុំមានស្ពានឆ្លងដូចខេត្តដ៏ទៃក៏ដោយ។
ក្រៅពីផ្លូវនេះ ប្រជាជន៩ឃុំក្នុងស្រុកកំពង់លែង ខេត្តកំពង់ឆ្នាំងដែល មួយជីវិតរបស់ពួកគាត់ ទៅហើយមិនដែលបានឃើញផ្លូវកាត់មួយនេះក៏ចង់ឃើញសមិទ្ធិផលថ្មីមួយទៀត(ស្ពាន)ដែលកសាងដោយរដ្ឋាភិបាលអាណត្តិទី៦នៃរដ្ឋសភា។មូលហេតុគឺដោយសារពេលបច្ចុប្បន្ន ចាប់ពីម៉ោង១៧ល្ងាចទៅគឺមិនអាចធ្វើដំណើរទៅនិងមកបាននោះទេដោយសារតែខាងក្រុមហ៊ុនម៉ៅការផ្តាច់មុខដរទទឹងមិនធ្វើការដឹកជញ្ជូនពេលយប់។កន្លងទៅប្រជាពលរដ្ឋធ្វើការសំណូមពរទៅអាជ្ញាធរខេត្តនិងស្រុកក៏ដូចជាក្រុមហ៊ុនដទទឹងជាច្រើនលើកជាច្រើនសារតែមិនមានប្រសិទ្ធភាពនោះទេក្នុងការបន្ថែមម៉ោងសម្រាប់ការធ្វើដំណើរនិងដឹកកសិផលផ្សេងៗដែលជាតំរូវការចាំបាច់របស់ប្រជាជន។
ប្រជាពលរដ្ឋតាមរយៈមាតុភូមិសូមមេត្តាសម្ដេចជួយទៅដល់ប្រជាជនទាំង៩ឃុំនៅក្នុងស្រុកកំពង់លែងក៏ដូចជាប្រជាពលរដឋខេត្តកំពអ់ឆ្នាំងកំពង់ធំឲ្យមានសេរីភាពក្នុងការរកស៊ីក៏ដូចជាដឹកជញ្ជួនដូចប្រជាពលរដ្ឋទូទាំងប្រទេសផងដែរ៕
