ភ្នំពេញ ៖ នាងឌុច សុភា ត្រូវបានគេកត់សម្គាល់ថា ជាតារាដែលមិនសូវចូលចិត្តនិយាយរឿងរ៉ាវស្នេហារបស់ខ្លួន ឡើយ ។ ប៉ុន្តែយ៉ាងណាថ្មីៗ នេះ ឌុច សុភា បាននិយាយអតីតកាលស្នេហ៍របស់នាងជាមួយអតីតស្វាមីដែលជាមន្ត្រីគយជាសាធារណៈ។
អ្នកមេម៉ាយចាយរាង ឌុច សុភា បានឲ្យដឹងថា នាងបានលែង លះជាមួយស្វាមីដោយការរស់នៅមិនចុះសម្រុងនិងគ្នា ពេលសម្រាលកូនប្រុសបានប្រមាណជាង ១០ ថ្ងៃប៉ុណ្ណោះ ។
ឌុច សុភា ប្រាប់ថាការបែកគ្នាជាមួយស្វាម៉ីនាងមិនបានទាមទារអ្វី ឡើយគឺនាងសុំតែយកកូនតែប៉ុណ្ណោះ ។ ប៉ុន្តែ នាងមិនដែលលាក់បាំងមិនឱ្យកូនទាក់ទងឪពុកបង្កើតរបស់គេនោះឡើយ ។
ទោះជាយ៉ាងណាបើតាមឌុច សុភា អតីត ស្វាមីរបស់ ឌុច សុភាដែលមានភរិយាថ្មី មិនដែលបានមកលេងឬទំនាក់ទំនងជាមួយកូនឡើយ ។
ឌុច សុភា បានបញ្ជាក់ថា ការបែកគ្នាទាំងនាងនៅសរសៃខ្ចីក៏ពិតមែនតែនាងអាចទប់អារម្មណ៍បាន ។ បច្ចុប្បន្នអ្នកនាងឌុច សុភាដែលរស់នៅក្នុងជីវភាពសមរម្យ បានវិលចូលក្នុងវិស័យសិល្បៈជាថ្មីម្តងទៀតហើយ ។ ឌុច សុភា បានចូល រួមសម្តែង រឿងនៅក្នុងទូរទស្សន៍ហង្សមាសដែលមានដូចជារឿងភាគ «ផ្កាថ្ម »កំពុងចាក់បញ្ចាំងតាមកញ្ចក់ទូរទស្សន៍សព្វថ្ងៃ ៕
